ഊന്നുകൽ ലിറ്റിൽ ഫ്ലവർ ഹൈസ്കൂളിന് ഐ സി ടി ഉപകരണങ്ങൾ വിതരണം ചെയ്തു

കോതമംഗലം : ഊന്നുകൽ ലിറ്റിൽ ഫ്ലവർ ഹൈസ്കൂളിന് ഐ സി ടി ഉപകരണങ്ങൾ വിതരണം ചെയ്തു.എം എൽ എ യുടെ പ്രത്യേക വികസന ഫണ്ടിൽ നിന്നും 5 ലക്ഷം രൂപ വിനിയോഗിച്ച് വാങ്ങിയ ലാപ്ടോപ്പുകൾ, പ്രിന്റർ,പ്രൊജക്ടറുകൾ എന്നിവയുടെ വിതരണോദ്ഘാടനം ആന്റണി ജോൺ എം എൽ എ നിർവഹിച്ചു.

ചടങ്ങിൽ സ്കൂൾ മാനേജർ റവ.ഫാ. മാത്യു അത്തിക്കൽ അധ്യക്ഷത വഹിച്ചു. ഹെഡ്മിസ്ട്രസ് ഷിജ മാത്യു, പി ടി എ പ്രസിഡന്റ് ഷിജു ജോസഫ്, എം പി ടി എ പ്രസിഡന്റ് ദീപ ഫ്രാൻസിസ്, സ്കൂൾ ലീഡർ മാസ്റ്റർ ആൽഡസ് ബിജു, കവിത ചന്ദ്രൻ എന്നിവർ പങ്കെടുത്തു.