കോതമംഗലം വെറ്റിലപ്പാറയില്‍ വീട് തകര്‍ന്നു; രണ്ട് പേര്‍ക്ക് പരിക്ക്

കോതമംഗലം: കനത്ത മഴയെ തുടര്‍ന്ന് കോതമംഗലം വെറ്റിലപ്പാറയില്‍ വീട് തകര്‍ന്നു. ഇന്ന് പുലര്‍ച്ചെ 4 മണിയോടെ പിണ്ടിമന പഞ്ചായത്തിലെ വെറ്റിലപ്പാറയിലായിരുന്നു സംഭവം. ഉറങ്ങികിടക്കുകയായിരുന്ന വൃദ്ധദമ്പതികളുടെ ദേഹത്തേക്കാണ് വീട് ഇടിഞ്ഞു വീണത്. അപകടത്തില്‍ ഗുരുതരമായ പരിക്കേറ്റ അമ്മിണിയെ കളമശ്ശേരി മെഡിക്കല്‍ കോളേജിലും ഭര്‍ത്താവ് കൃഷ്ണന്‍കുട്ടിയെ കോതമംഗലം താലൂക്കാശുപത്രിലും പ്രവേശിപ്പിച്ചു. 35 വര്‍ഷത്തോളം കാലപ്പഴക്കമുള്ള വീടാണ് പൂര്‍ണമായും ഇടിഞ്ഞു വീണത്.