Connect with us

Hi, what are you looking for?

NEWS

കോതമംഗലം പുഴയോരത്തിന് സമീപം ആശുപത്രി മാലിന്യങ്ങൾ തള്ളി

കോതമംഗലം: കോതമംഗലം പുഴയോരത്തിന് സമീപം ആശുപത്രി മാലിന്യങ്ങൾ തള്ളി. പുഴയുടെ കോഴിപ്പിള്ളി തോപ്പിൽ കടവിന് സമീപം രാത്രിയിലാണ് ഗുരുതരമായ ആരോഗ്യ പ്രശ്നങ്ങൾ ഉണ്ടാക്കുന്ന ഉപയോഗിച്ച സൂചി , സിറിഞ്ച് ,പഞ്ഞി ,ഗ്ലൈസർ ,തുടങ്ങിയ ലോഡു കണക്കിന് മാലിന്യം തള്ളിയത് . എറണാകുളം ,ഇടുക്കി ജില്ലകളിലെ വൻകിട ആശുപത്രികളിൽ നിന്നാണ് മാലിന്യം എത്തുന്നത്. ആശുപത്രികൾ മാലിന്യം കൊണ്ടു പോകുന്നതിന് വൻ തുകയാണ് മാഫിയ സംഘങ്ങൾക്ക് നൽകുന്നത്. പുഴ തീരത്തിന് ചേർന്ന് സ്വകാര്യ വ്യക്തിയുടെ പുരയിടത്തിൽ മണൽ ഖനനത്തെ തുടർന്ന് രൂപപെട്ട കുളത്തിലാണ് ആശുപത്രി മാലിന്യങ്ങൾ ഉൾപെടെയുള്ള വസ്തുക്കൾ മണൽ മാഫിയകൾ തള്ളിയത്. മാലിന്യങ്ങൾ തള്ളിയ ശേഷം അതിന് മുകളിൽ അതാത് ദിവസം ജെ സി ബി ഉപയോഗിച്ച് മണ്ണിട്ടു അത് മറക്കുകയാണ് ചെയ്തിരിക്കുന്നത് . ഇതിനടുത്താണ് കോഴിപ്പിള്ളി പുഴയും , ജലവിഭവ വകുപ്പിൻ്റെ ജല വിതരണ പ്ലാൻ്റും .മഴക്കാലത്ത് മാലിന്യം ഇവിടെ ക്കൊഴുകിയെത്തിയാൽ പൈപ്പ് വഴിയുള്ള ജലവിതരണം താറുമാറാകാൻ സാധ്യതയുണ്ട്. സംഭവമറിഞ്ഞ് വാരപ്പെട്ടി പഞ്ചായത്ത് പ്രസിഡന്റ് പി കെ ചന്ദ്രശേഖരൻ നായർ , സെക്രട്ടറി എം എം ഷംസുദ്ധീൻ എന്നിവർ സ്ഥലതെത്തി പരിശോധന നടത്തി കോതമംഗലം പൊലിസിൽ പരാതി നൽകി. ഇത്തരം പ്രവർത്തനങ്ങൾ പഞ്ചായത്ത് പരിധിയിൽ അനുവദിക്കില്ലന്നും ശക്തമായ മറ്റ് നടപടികൾ സ്വീകരിക്കുമെന്നും പഞ്ചായത്ത് പ്രസിഡന്റ് പി കെ ചന്ദ്രശേഖരൻ നായർ പറഞ്ഞു.
ജില്ലാ കലക്ടർ ,ഡി എം ഒ എന്നിവർക്ക് നാട്ടുകാർ പരാതി നൽകിയിട്ടുണ്ട്.

You May Also Like

CRIME

പെരുമ്പാവൂർ: ചേലാമറ്റത്ത് പ്ലാസ്റ്റിക്ക് ഉൽപ്പന്നങ്ങൾ നിർമ്മിക്കുന്ന കമ്പനിയുടെ ഗോഡൗണിൽ തീയിട്ട ഇതര സംസ്ഥാനത്തൊഴിലാളി പിടിയിൽ. ബീഹാർ വെസ്റ്റ് ചമ്പാരൻ മിനർവ്വ ബസാർ വെസ്റ്റ് സ്വദേശി വിശാൽ കുമാർ (22)നെയാണ് പെരുമ്പാവൂർ പോലീസ് അറസ്റ്റ്...

NEWS

അജ്മാൻ:ആശ്രയം യു എ ഇ ഖൽബിലെ ഈദ് 2024 എന്ന പേരിൽ ഈദ് ആഘോഷ പരിപാടികൾ നടത്തി. അജ്‌മാൻ റിയൽ സെന്ററിൽ നടന്ന വർണ ശബളമായ ചടങ്ങിൽ ലോക കേരള സഭാ അംഗം...

NEWS

കോതമംഗലം: ആയക്കാട് മരോട്ടിച്ചോടിന് സമീപം മിനി എംസിഎഫിന്റെ പരിസരം മാലിന്യം വലിച്ചെറിഞ്ഞ് കൂമ്പാരമായിട്ടും നടപടിയെടുക്കുന്നില്ല. പിണ്ടിമന പഞ്ചായത്തിലെ ഹരിതകര്‍മസേന വീടുകളില്‍നിന്നും സ്ഥാപനങ്ങളില്‍ നിന്നും ശേഖരിക്കുന്ന ഖരമാലിന്യങ്ങള്‍ സംഭരിക്കുന്നതിനായി സ്ഥാപിച്ചിട്ടുള്ള മിനി എംസിഎഫിന്റെ പരിസരമാണ്...

NEWS

കോതമംഗലം: വാട്ടര്‍ അഥോറിറ്റിയുടെ പമ്പിംഗ് സുഗമമാക്കാന്‍ പെരിയാര്‍ വാലി കനാലിലൂടെ കൂടുതല്‍ വെള്ളം എത്തിക്കാന്‍ തീരുമാനം. കുറേ ദിവസങ്ങളായി വെള്ളത്തിന്റെ ലഭ്യതക്കുറവ് മൂലം പമ്പിംഗ് പലപ്പോഴും മുടങ്ങുന്ന സാഹചര്യം ഉണ്ടായിരുന്നു. വേനല്‍ കടുത്തതോടെ...