പെരുമ്പാവൂര്‍: ഡിഷ് ടിവി സര്‍വീസിംഗ് കടയില്‍ തീ പിടിച്ച് അപകടം. ഇന്ന് രാവിലെ 7ഓടെ പെരുമ്പാവൂര്‍ പി.പി ലിങ്ക് റോഡില്‍ ജോതി തീയറ്ററിന് സമീപം അപ്പോലില്‍ ഷമീറിന്റെ ഉടമസ്ഥതയിലുള്ള സാജ് എന്റര്‍പ്രൈസസ് കടയിലാണ് തീ പിടിച്ചത്. പെരുമ്പാവൂര്‍ അഗ്നിരക്ഷാ സേന എത്തിയാണ് തീ അണച്ചത്. തീപിടുത്തത്തില്‍ കടയുടെ ഉള്ളിലുണ്ടായിരുന്ന കമ്പ്യൂട്ടര്‍, മേശ, കസേര, വയറിങ്,സീലിംഗ് എന്നിവക്ക് നാശനഷ്ടം സംഭവിച്ചു. എസ്ടിഒ ടി.കെ സുരേഷ്, എഎസ്ടിഒ എം.സി ബേബി, ബെന്നി മാത്യു, എല്‍ദോസ് മാത്യു, മണികണ്ഠന്‍ എ.എം, ജോണ്‍ ജോണി കെ.വി സെബിമോന്‍,സുഭാഷ് തുടങ്ങിയവര്‍ ചേര്‍ന്നാണ് തീ അണച്ചത്.
