ആലുവ : സിനിമാ നടൻ ദിലീപിന്റെ വീട്ടിൽ അതിക്രമിച്ച് കയറി ചിത്രങ്ങൾ എടുക്കുകയും, വീട്ടുകാരെ അസഭ്യം പറയുകയും ചെയ്ത ആൾ പിടിയിൽ. തൃശൂർ നടത്തറ കൊഴുക്കുള്ളി, ഉഷസ് വീട്ടിൽ വിമൽ വിജയ് (31) ആണ് ആലുവ പോലീസിന്റെ പിടിയിലായത്. കഴിഞ്ഞ 5 ന് ആണ് .സംഭവം. ദിലീപിനെ കാണാനെത്തിയ ഇയാൾ ഗെയിറ്റ് ചാടികടന്ന് പ്രശ്നങ്ങൾ സൃഷ്ടിക്കുകയായിരുന്നു. ആളുകൾ കൂടിയപ്പോൾ ഓടിരക്ഷപ്പെട്ടു. അങ്കമാലിയിൽ നിന്ന് വിളിച്ച ഒട്ടോറിക്ഷയിലാണ് ഇയാൾ വന്നതും തിരിച്ച് പോയതും. ഇത് കേന്ദ്രികരിച്ച് നടത്തിയ അന്വേഷണത്തിനൊടുവിലാണ് പ്രതി പിടിയിലാകുന്നത്.
![](https://i0.wp.com/kothamangalamnews.com/wp-content/uploads/2024/07/alfalah.jpeg?resize=600%2C750&ssl=1)
ചില സിനിമകളിൽ ഇയാൾ അഭിനയിച്ചതായും പറയപ്പെടുന്നു. ഇൻസ്പെക്ടർ സി.എൽ.സുധീർ, എസ് ഐ. കെ.വി.ജോയി, എ എസ് ഐ പി.എ.ഇക്ബാൽ, സി.പി.ഒ.മാരായ മാഹിൻ ഷാ അബൂബക്കർ, മുഹമ്മദ് അമീർ, എച്ച് ഹാരിസ് തുടങ്ങിയവരാണ് അന്വേഷണ സംഘത്തിൽ ഉണ്ടായിരുന്നത്.
![](https://kothamangalamnews.com/wp-content/uploads/2023/11/kothamangalamnews.png)