കോതമംഗലം : കൊതമംഗലം അയ്യങ്കാവ് സഹകരണ ബാങ്കിന് സമീപം താമസിച്ചുവരുന്ന വള്ളിക്കുടിയിൽ വീട്ടിൽ വിളംബരൻ എന്നയാളുടെ മകൾ സ്മിത സഞ്ജയ്‌ എന്ന യുവതി, പ്രധാന മന്ത്രി നരേന്ദ്രമോഡിയുടെ ഫോട്ടോ മോർഫിംഗ് നടത്തി പന്നിയുടെ മുഖം ചേർത്ത് വികൃതമാക്കി, കാട്ടു പന്നി എന്ന് ഹെഡിങ് എഴുതി ചേർത്ത് ഫേസ്ബുക്കിൽ പോസ്റ്റ് ഇട്ട് അപമാനിച്ചത്. ഇത് നവ മാധ്യമങ്ങളിൽ വ്യാപകമായി പ്രചരിപ്പിച്ച് പ്രധാനമന്ത്രിയെ സമൂഹത്തിൽ അവഹേളിച്ചിരിക്കുകയാണ്. യുവതിയുടെ ഈ ചെയ്തികൾ സമൂഹത്തിൽ രാഷ്ട്രീയ സ്പർധ ഉണ്ടാക്കുന്നതും, ചേരി തിരിവിനും ഇടയാക്കുന്നതാണ്. അവർ ഉപയോഗിചിരിക്കുന്ന വാക്കുകൾ വളരെ പ്രകോപനമുണ്ടാക്കുന്നതുമാണ്. ഇക്കാരണങ്ങളാൽ നവമാധ്യമങ്ങളിൽ ഇത് പ്രചരിച്ചത്തോടെ ഈ ഫേസ്ബുക്ക് പോസ്റ്റിട്ട യുവതിക്കെതിരെ ബിജെപി കോതമംഗലം നിയോജക മണ്ഡലം കമ്മിറ്റി കോതമംഗലം പോലീസ് സർക്കിൾ ഇൻസ്‌പെക്ടർക്ക് പരാതി നൽകി.
ഇത്തരം പ്രകോപനപരമായ പോസ്റ്റുകൾ ഇട്ട ഇവർക്ക് രാഷ്ട വിരുദ്ധ ശക്തികളുമായി ബന്ധമുണ്ടോ എന്നും, ഇതിൽ നടന്നിരുന്ന ഗൂഢാലോചനയും അന്വേഷണത്തിന്റെ ഭാഗമാക്കണമെന്നും ബിജെപി മണ്ഡലം കമ്മിറ്റി ആവശ്യപ്പെട്ടു. ആവശ്യമെങ്കിൽ കേന്ദ്ര ഏജൻസികൾക്ക് പരാതി കൊടുക്കുവാനും മണ്ഡലം കമ്മിറ്റി യോഗത്തിൽ തീരുമാനിച്ചു. പ്രസിഡന്റ്‌ മനോജ്‌ ഇഞ്ചൂർ അദ്ധ്യക്ഷനായി. പോലീസ് അന്വേഷണം ആരംഭിച്ചതോടെ യുവതി തന്റെ ഫേസ്ബുക്ക് പോസ്റ്റ് ഡിലീറ്റ് ചെയ്തിരിക്കുകയാണ്.
