കോതമംഗലം: ചുരിദാർ വിൽപ്പനക്ക് വീട്ടിലെത്തിയ അന്യസംസ്ഥാനക്കാരനായ യുവാവ് വീട്ടിൽ തനിച്ചായിരുന്ന യുവതിയെ കയറിപ്പിടിച്ചതിന് കോട്ടപ്പടി പോലീസ് അറസ്റ്റ് ചെയ്തു. ഉത്തർപ്രദേശ് സ്വദേശിയായ 25 വയസുള്ള ഇൻഷാദ് ആണ് മാനഭംഗശ്രമത്തിന് പിടിയിലായത്. കോട്ടപ്പടി പഞ്ചായത്തിലെ വിവിധ ഭാഗങ്ങളിൽ വീടുകൾ തോറും ചുരിദാറുകൾ എത്തിച്ച് വിൽപ്പന നടത്തുന്നതിനിടയിലാണ് വീട്ടിൽ ഒറ്റക്കായിരുന്ന യുവതിയെ കയറിപ്പിടിച്ചത്. യുവതി ഒച്ചവച്ച തോടെ പ്രതികാടി രക്ഷപെടുകയായിരുന്നു. യുവതിയുടെ പരാതിയെ തുടർന്ന് പോലീസ് നടത്തിയ തെരച്ചിലിൽ പ്രതി പിടിയിലാകുകയായിരുന്നു.
കാലടിയിലെ ഒരു ലോഡ്ജിൽ താമസിച്ചു വന്ന 15 അംഗ സംഘത്തിലെ യുവാവാണ് അറസ്റ്റിലായത്. കോട്ടപ്പടി SHO ശ്രീജിത്ത് C, അബ്ദുൾ റഹ്മാൻ, ഷാജൻ, രാജേഷ്, ആൽഫിയ, ശ്രീജ, അബ്ദുൾ കരിം എന്നിവരടങ്ങിയ പോലീസ് സംഘമാണ് പ്രതിയെ പിടികൂടിയത്. കോതമംഗലം കോടതിയിൽ ഹാജരാക്കിയ പ്രതിയെ റിമാൻ്റ് ചെയ്തു.
