മൂവാറ്റുപുഴ : അപകടത്തിലായ രാജ്യത്തിൻ്റെ ജനാധിപത്യം തിരികെ പിടിക്കാനുള്ള പോരാട്ടമാണ് ഈ പാർലമെൻ്റ് തെരഞ്ഞെടുപ്പെന്ന് കേരള കോൺഗ്രസ് വർക്കിംഗ് പ്രസിഡൻ്റ് പി.സി തോമസ് പറഞ്ഞു.
യുഡിഎഫ് സ്ഥാനാർത്ഥി ഡീൻ കുര്യാക്കോസിൻ്റെ മൂവാറ്റുപുഴ നിയോജകമണ്ഡലം കൺവെൻഷൻ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
അഴിമതി കഥകൾ മെനഞ്ഞു പ്രതിപക്ഷ നേതാക്കളെ ജയിലിൽ അടക്കുകയാണ് ബിജെപി ഇപ്പോൾ ചെയ്യുന്നതെന്ന് യുഡിഎഫ് സ്ഥാനാർത്ഥി ഡീൻ കുര്യാക്കോസ് പറഞ്ഞു.
അഴിമതി ഉറപ്പാണ് എന്നതാണ് മോദിയുടെ പുതിയ ഗ്യാരണ്ടി എന്ന് ഇലക്ട്രൽ ബോണ്ട് അഴിമതി ചൂണ്ടിക്കാട്ടി ഡീൻ പരിഹസിച്ചു.
മാത്യു കുഴൽനാടൻ എംഎൽഎ മുഖ്യ പ്രഭാഷണം നടത്തി. യുഡിഎഫ് ചെയർമാൻ കെ.എം സലിം അധ്യക്ഷത വഹിച്ചു. കൺവീനർ കെ.എം അബ്ദുൾ മജീദ്, ജോസഫ് വാഴയ്ക്കൻ, പി.സി തോമസ്, എസ് അശോകൻ, ഷിബു തെക്കുംപുറം, പി.എം അമീർ അലി, സാബു ജോൺ, സുഭാഷ് കടയ്ക്കോട്, പി.എ ബഷീർ, കെ.എം ഹസൈനാർ, പി.പി എൽദോസ്, റെജി ജോർജ്, റോയി കെ. പൗലോസ്, ഉല്ലാസ് തോമസ്, കെ സുരേഷ് ബാബു, പി. രാജേഷ്, അഡ്വ. വർഗ്ഗീസ് മാത്യൂ, കെ.എം പരീത്, ജോസ് പെരുമ്പിള്ളിക്കുന്നേൽ, പായിപ്ര കൃഷ്ണൻ, പി.എം ഏലിയാസ്, കെ.ജി രാധാകൃഷ്ണൻ, ബേബി ജോൺ എം.എം സീതി, കെ.എ ബേബി, എം.എസ് സുരേന്ദ്രൻ, അൻസാർ മുണ്ടാട്ട്, ഒ.എം. സുബൈർ, റോയി മഞ്ഞുമ്മൽ, തോംസൺ പീച്ചാമ്പിള്ളി, മുഹമ്മദ് പനക്കൽ, അലിയാർ മാസ്റ്റർ, ടോമി പാലമല, അനിൽകുമാർ,
മിനി എൽദോ, ആശാ ജിമി
തുടങ്ങിയവർ പ്രസംഗിച്ചു.
