മുവാറ്റുപുഴ : യുവതിയെ കുത്തിപ്പരിക്കേൽപ്പിച്ച കേസിലെ പ്രതി അറസ്റ്റിൽ. ഇടുക്കി തങ്കമണി ചിന്താർ മണിയിൽ ബിനു തങ്കച്ചൻ (35) നെയാണ് മുവാറ്റുപുഴ പോലീസ് അറസ്റ്റ് ചെയ്തത്. നഗരത്തിനടുത്തുള്ള ഡി.ഇ.ഓ ഓഫീസിന് സമീപത്തെ വീട്ടിൽ വച്ചാണ് യുവതിക്ക് കുത്തേറ്റത്. തുടർന്ന് റോഡിലേക്ക് ഓടി വന്ന യുവതിയെ കണ്ട നാട്ടുകാർ പോലീസിനെ വിവരം അറിയിക്കുകയായിരുന്നു. പോലീസ് എത്തിയപ്പോൾ അക്രമകാരിയായി കത്തിയുമായി ആത്മഹത്യാ ഭീഷണി മുഴക്കി നിൽക്കുന്ന യുവാവിനെയാണ് കണ്ടത്. തുടർന്ന് ഇയാളെ പോലീസ് സാഹസികമായി അറസ്റ്റ് ചെയ്യുകയായിരുന്നു.

തൊടുപുഴ സ്റ്റേഷൻ പരിധിയിയിൽ പോക്സോ കേസിൽ പ്രതിയായ ഇയാൾ രണ്ടു ദിവസം മുമ്പാണ് ജാമ്യത്തിൽ ഇറങ്ങിയത്. കുത്തേറ്റ സ്ത്രീ പ്രതിക്കെതിരെ മുവാറ്റുപുഴ സ്റ്റേഷനിൽ നേരത്തെ പരാതിനൽകിയിരുന്നു. ഇതിന്‍റെ അടിസ്ഥാനത്തിൽ കേസെടുത്തതിന്‍റെ വൈരാഗ്യമാണ് കുത്തി പരിക്കേൽപ്പിക്കാൻ കാരണം. പോലീസ് സംഘത്തിൽ മുവാറ്റുപുഴ ഇൻസ്‌പെക്ടർ കെ.എൻ.രാജേഷ്, എസ്ഐ ഷീല, എ എസ് ഐ സുഭാഷ് തങ്കപ്പൻ, സീനിയർ സി പി ഒമാരായ രാമചന്ദ്രൻ, അനസ്, ഇബ്രാഹിംകുട്ടി, ബിബിൽ മോഹൻ, സുഭാഷ്കുമാർ, ജിസ്മോൻ, സജേഷ് എന്നിവർ ഉണ്ടായിരുന്നു. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.

കോതമംഗലം : കോതമംഗലത്തു വീണ്ടും ബ്രൗൺ ഷുഗറുമായി അന്യ സംസ്ഥാന തൊഴിലാളി പിടിയിൽ.
എക്സ്സൈസ് വകുപ്പിന്റെ നേതൃത്വത്തിൽ സംസ്ഥാനതുടനീളം ഒരു മാസത്തെ NDPS സ്പെഷ്യൽ ഡ്രൈവ് നടക്കുനത്തിന്റെ ഭാഗമായി കോതമംഗലം എക്സ്സൈസ് സർക്കിൾ ഇൻസ്‌പെക്ടർ എ ജോസ് പ്രതാപിന്റെ നേതൃത്വത്തിൽ ഇന്ന് നടന്ന റെയ്‌ഡിൽ ആണ് അസം സ്വദേശി അനറുൽ ഹക്കിനെ (24) കോതമംഗലം ചേലാഡ് ഭാഗത്തു നിന്ന് 10 ഗ്രാം ഹെറോയിനുമായി അറസ്റ്റ് ചെയ്തത്.

കോതമംഗലം, പെരുമ്പാവൂർ, മൂവാറ്റുപുഴ ഭാഗങ്ങളിൻ കച്ചവടം നടത്തുന്നതിനിടയിൽ ആണ് ഇയാൾ പിടിയിൽ ആയതു. പെരുമ്പാവൂർ റൂം എടുത്തു വ്യാപകമായി മയക്കു മരുന്ന് വില്പന നടത്തുന്ന സംഘത്തിലെ പ്രധാനി ആണ് പിടിയിൽ ആയ അനറുൽ ഹക്കു. 56 കുപ്പികളിൽ ആയി ആണ് ഇയാൾ ഹെറോയിന് കൈവശം വന്നിരുന്നത്. 5 ഗ്രാംമിൽ കൂടുതൽ ഹെറോയിന് കൈവശം വയ്ക്കുന്നത് ജാമ്യം ലഭിക്കാത്തതും 10 വർഷം വരെ ശിക്ഷ കിട്ടാവുന്നതുമായ കുറ്റം ആണ്.

എക്സ്സൈസ് സംഘത്തിൽ സർക്കിൾ ഇൻസ്‌പെക്ടർ എ ജോസ് പ്രതാപിനൊപ്പം po K A നിയാസ്,AE സിദ്ധിക്ക്, സിഇഒ മാരായ k cഎൽദോ, MM നന്ദു, p v ബിജു,pt രാഹുൽ ഡ്രൈവർ ബിജു പോൾ എന്നിവർ റെയ്‌ഡിൽ പങ്കെടുത്തു.

കുറുപ്പംപടി: അഞ്ച് വയസുള്ള പെൺകുട്ടിയെ ലൈംഗികമായ ഉപദ്രവിച്ച പ്രതിയ്ക്ക് അറുപത് വർഷം തടവും അറുപതിനായിരം രൂപ പിഴയും. പെരുമ്പാവൂർ സ്വദേശി രതീഷ് (40) നെയാണ് പെരുമ്പാവൂർ അതിവേഗ കോടതി ശിക്ഷ വിധിച്ചത്. 2021 ജൂലൈയിലാണ് കേസിനാസ്പദമായ സംഭവം നടന്നത്. ഇൻസ്പെക്ടർ ആയിരുന്ന രാജേഷ് കെ മേനോൻ ആണ് കുറ്റപത്രം സമർപ്പിച്ചത്.

കോടനാട് ഇൻസ്പെക്ടർ ആയിരുന്ന സജി മാർക്കോസ്, എസ്.ഐ ടി.എൽ ജയൻ , എ.എസ്.ഐ എം.എസ് മനോജ്, സീനിയർ സിവിൽ പോലീസ് ഓഫീസർമാരായ ഷിജു. കെ വർഗീസ്, വിപിൻ വർക്കി, എൻ.പി ബിന്ദു, പി.എം ലൈലാലി, കെ.സി ജിബി തുടങ്ങിയവരും അന്വേഷണ സംഘത്തിലുണ്ടായിരുന്നു.പ്രോസിക്യൂഷന് വേണ്ടി എ.സിന്ധു ഹാജരായി.