കോതമംഗലം : ഭൂതത്താൻകെട്ട് മിനി ജല വൈദ്യുത പദ്ധതിയ്ക്കായി ലഭ്യമായ ഉപകരണങ്ങൾ സ്ഥാപിക്കുന്നതിനും ബാക്കി ഉപകരണങ്ങൾ നിർമ്മിച്ചു നൽകുന്നതിനും ഇന്ത്യൻ കമ്പനികളുടെ സഹായത്താൽ റിവേഴ്‌സ് എഞ്ചിനീയറിങ് നടത്തി പദ്ധതി പൂർത്തിയാക്കുന്നതിനുള്ള വഴികൾ കെ എസ് ഇ ബി തേടുന്നതായി മന്ത്രി കെ കൃഷ്ണൻകുട്ടി നിയമസഭയിൽ അറിയിച്ചു.ആന്റണി ജോൺ എം എൽ എ യുടെ ചോദ്യത്തിന് മറുപടിയായിട്ടാണ് നിയമസഭയിൽ ഇക്കാര്യം വ്യക്തമാക്കിയത് .ചൈനീസ് സാങ്കേതിക വിദ്യയായിട്ടുള്ള ബൾബ് ടൈപ്പ് ടർബൈൻ പ്രകാരം കേരളത്തിലാദ്യമായി നിർമ്മിക്കുന്ന പദ്ധതിയായ ഭൂതത്താൻകെട്ട് മിനി ജല വൈദ്യുത പദ്ധതിയുടെ പൂർത്തീകരണം അനന്തമായി നീണ്ടുപോകുന്ന കാര്യം എം എൽ എ സഭയിൽ ശ്രദ്ധയിൽപ്പെടുത്തി. പ്രസ്തുത പദ്ധതിയുടെ അവശേഷിക്കുന്ന നിർമ്മാണ പ്രവർത്തികൾ വേഗത്തിൽ പൂർത്തീകരിച്ച് പദ്ധതി കമ്മിഷൻ ചെയ്യാനുള്ള നടപടി സ്വീകരിക്കണമെന്ന് എം എൽ എ ആവശ്യപ്പെട്ടു.
2014-ല്‍ പ്രവര്‍ത്തനം ആരംഭിച്ച ഭൂതത്താന്‍കെട്ട്‌ ചെറുകിട ജല വൈദ്യുത പദ്ധതി (24MW/83.50)യുടെ 99.70% സിവില്‍ നിര്‍മ്മാണ പ്രവൃത്തികള്‍ പൂര്‍ത്തിയായിട്ടുണ്ട്‌. ബാക്കിയുള്ള സിവില്‍ നിര്‍മ്മാണ പ്രവർത്തനങ്ങള്‍ ഇലക്ടോ മെക്കാനിക്കല്‍ പ്രവൃത്തികള്‍ പൂര്‍ത്തിയാകുന്ന മുറയ്ക്കു മാത്രമേ ചെയ്യാന്‍ സാധിക്കുകയുള്ളു.
പദ്ധതിയുടെ ഇലക്ടോ മെക്കാനിക്കല്‍ പ്രവൃത്തികള്‍ 86.61 പൂര്‍ത്തികരിച്ചു. ചൈനയില്‍ നിന്നും സാമഗ്രികള്‍ ഇറക്കുമതി ചെയ്യുന്നതിനായി കെ.എസ്.
ഇ.ബി ലിമിറ്റഡ്‌ M/s sri saravana Engineering Bhavani Private Ltd, M/s hunan Zhaoyang Generating Equipment Co. Ltd, China എന്നിവര്‍ ചേര്‍ന്ന്‌ ത്രികക്ഷി കരാറില്‍ ഒപ്പിട്ടു. പേയ്മെന്റ്‌ നടത്തുന്നതിന്‌ കെ.എസ്.ഇ.ബി ലിമിറ്റഡ്‌ letter of credit open ചെയ്യേണ്ടതുണ്ട്‌. ഇതുമായി ബന്ധപ്പെട്ടും അനുബന്ധ നടപടികള്‍ സംബന്ധിച്ചും അഡ്വക്കേറ്റ്‌ ജനറലിന്റെ നിയമോപദേശം തേടിയതായും മന്ത്രി അറിയിച്ചു .പദ്ധതിയ്ക്കായി ലഭ്യമായ ഉപകരണങ്ങള്‍ സ്ഥാപിക്കുന്നതും ബാക്കി ഉപകരണങ്ങള്‍ നിര്‍മ്മിച്ചു നല്‍കുന്നതിനും ഇന്ത്യന്‍ കമ്പനികളുടെ സഹായത്താല്‍ റിവേഴ്‌സ് എഞ്ചിനീയറിങ് നടത്തി പദ്ധതി പൂര്‍ത്തിയാക്കുന്നത്തിനുള്ള വഴികളും കെഎസ്‌.ഇ.ബി തേടുന്നുന്നതായി മന്ത്രി നിയമസഭയിൽ അറിയിച്ചു.
