കോതമംഗലം: തലക്കോട് അംബികാപുരം സെൻറ് മേരീസ് പള്ളിയുടെ തലക്കോട് സെൻ്റ് ജോർജ് കപ്പേളയുടെ ആശീർവാദ കർമം കോതമംഗലം രൂപത ബിഷപ് മാർ ജോർജ് മഠത്തിക്കണ്ടത്തിൽ നിർവഹിച്ചു.തുടർന്ന്
മാർ ജോർജ് മഠത്തിക്കണ്ടത്തിലിൻ്റെ മുഖ്യകാർമികത്വത്തിൽ ദിവ്യബലി അർപ്പിച്ചു .ഊന്നുകൽ ഫൊറോനയിലെ എല്ലാ വൈദികരും. ഇടവകയിലെ മുൻ വികാരിമാരായ ഫാ.ജെയിംസ് വടക്കേകുടി, ഫാ. ജോസ് കിഴക്കേൽ, ഫാ. ജോൺ കൊച്ചുമുട്ടം എന്നിവർ പങ്കെടുത്തു. 2023 ജനുവരി 26ന് രൂപത വികാരി ജനറാൾ മോൺ.ഫ്രാൻസിസ് കീരംമ്പറയാണ് കപ്പേളയ്ക്ക് തറക്കല്ലിട്ടത്. അഞ്ചു വർഷം മുമ്പാണ് കപ്പേളക്കായി സ്ഥലം വാങ്ങിയത്.
കൈക്കാരന്മാർ, പാരീഷ് കൗൺസിൽ അംഗങ്ങൾ, ഫിനാൻസ് കൺസ്ട്രക്ഷൻ കമ്മിറ്റി അംഗങ്ങൾ, ഇടവകാംഗങ്ങൾ എന്നിവർ ചടങ്ങിൽ പങ്കെടുത്തു. ഇടവകാംഗങ്ങളുടെ പരിപൂർണ്ണ സഹകരണത്തോടെയാണ് കപ്പേളയുടെ പണി പൂർത്തിയാക്കിയതെന്ന് ഇടവക വികാരി ഫാ.ജെയിംസ് ചൂരത്തൊട്ടി അറിയിച്ചു.
