Connect with us

Hi, what are you looking for?

NEWS

സത്യസന്ധനായ സിഐയെ സ്ഥലം മാറ്റിയത് പ്രതിഷേധാർഹം: കോതമംഗലം രൂപത ജാഗ്രതാ സമിതി.

കോതമംഗലം: സത്യസന്ധനായ പോലീസ് ഉദ്യോഗസ്ഥനെ രാഷ്ട്രീയവൈരത്തിന്റെ പേരിൽ സ്ഥലംമാറ്റിയത് കടുത്ത അനീതിയെന്ന് കോതമംഗലം രൂപത ജാഗ്രതാ സമിതി. കോതമംഗലം സിഐ ആയി മികച്ച സേവനം കാഴ്ചവയ്ക്കുകയും നിർണായകമായ പല കേസന്വേഷണങ്ങൾക്കും നേതൃത്വം നൽകി കുറ്റവാളികളെ നിയമത്തിനു മുൻപിൽ കൊണ്ടുവരികയും ചെയ്ത സമർഥനായ പോലീസ് ഉദ്യോഗസ്ഥനായിരുന്നു സി ഐ ബേസിൽ തോമസ്.

സി ഐആയി സ്ഥാനക്കയറ്റം ലഭിച്ച വ്യക്തിക്ക് രണ്ടുവർഷം ആ സ്റ്റേഷനിൽ തുടരാനുള്ള സാധ്യത ഉണ്ടായിരിക്കെയാണ് ഏഴ് മാസം മാത്രം പൂർത്തിയായപ്പോൾ ധൃതഗതിയിൽ സി ഐ ബേസിൽ തോമസിന് സ്ഥലംമാറ്റം നൽകിയത്. പിണ്ടിമന പഞ്ചായത്ത് സെക്രട്ടറിയെ ദേശീയ പണിമുടക്ക് ദിനത്തിൽ ആക്രമിച്ച കേസിൽ സിപിഎം ലോക്കൽ കമ്മിറ്റി നേതാവിനെതിരെ മുഖം നോക്കാതെ നടപടിയെടുക്കുകയും ആ നടപടിയിൽ ഉറച്ചുനിൽക്കുകയും ചെയ്തതാണ് ബേസിൽ തോമസിനെതിരെ തിരിയാൻ ഭരണപക്ഷത്തെ പ്രേരിപ്പിച്ചത്.

 

സത്യസന്ധതയെക്കാൾ പാർട്ടി പ്രീണനമാണ് ആഭ്യന്തരവകുപ്പിൽ ആവശ്യമെന്ന കടുത്ത ആക്ഷേപത്തെ ശരിവയ്ക്കുന്നതാണ് ഇത്തരം പ്രവർത്തികൾ എന്ന് കോതമംഗലം രൂപത ജാഗ്രത സമിതി അറിയിച്ചു. ചുമതല ബോധവും സത്യസന്ധതയുമുള്ള ഉദ്യോഗസ്ഥരുടെ മനോവീര്യം കെടുത്തുന്ന ഇത്തരം വില കുറഞ്ഞ നടപടികളിൽനിന്ന് സർക്കാരും പാർട്ടിയും പിന്മാറിയില്ലെങ്കിൽ കടുത്ത പ്രത്യാഘാതം നേരിടേണ്ടിവരുമെന്ന് കോതമംഗലം രൂപത ജാഗ്രതാ സമിതി വാർത്താക്കുറിപ്പിൽ വ്യക്തമാക്കി.

You May Also Like

ACCIDENT

കോതമംഗലം: കോതമംഗലത്ത് സ്കൂൾ വിദ്യാർത്ഥിയെ തോട്ടിൽ മരിച്ചനിലയിൽ കണ്ടെത്തി. കള്ളാട് കീഴേത്തുകുടി ബിനോജിൻ്റെ മകൻ അഭിമന്യു (12) വിനെയാണ് സ്കൂളിൽ നിന്ന് വിട്ടിലേക്ക് പോകുന്ന വഴിയിലുള്ള ചെറിയ കൈ തോട്ടിൽ മരിച്ചനിലയിൽ കണ്ടെത്തിയത്....

NEWS

കോതമംഗലം : കവളങ്ങാട്, കുട്ടമ്പുഴ പഞ്ചായത്തുകളിൽ വന്യ മൃഗ ശല്യവുമായി ബന്ധപ്പെട്ട് 18.5 കിലോമീറ്റർ ദൂരം സോളാർ ഫെൻസിങ് സ്ഥാപിക്കുന്നതിനായി 73 ലക്ഷം രൂപ അനുവദിച്ചതായി ആന്റണി ജോൺ എം എൽ ആ...

NEWS

കോതമംഗലം: നഗരസഭക്കു കീഴിലുള്ള പൂട്ടിക്കിടക്കുന്ന മുനിസിപ്പൽ ലൈബ്രറികൾ ഉടൻ തുറന്ന് പ്രവർത്തിക്കണം എന്ന് ആവശ്യപ്പെട്ടുകൊണ്ട് യൂത്ത് കോൺഗ്രസ്സ് കോതമംഗലം നിയോജകമണ്ഡലം കമ്മറ്റിയുടെ നേതൃത്വത്തിൽ മുൻസിപ്പൽ ഓഫിസിന് മുന്നിൽ പുസ്തകങ്ങൾ വായിച്ച് പ്രതിഷേധിച്ചു. നിയോജകമണ്ഡലം...

NEWS

പോത്താനിക്കാട്: പൈങ്ങോട്ടൂര്‍ കാവുംപാറ – പിട്ടാപ്പിള്ളിക്കവല റോഡിലെ ദുര്‍ബലമായ ചെക്ഡാമും പാര്‍ശ്വഭിത്തിയും പുനര്‍നിര്‍മിക്കണമെന്ന് നാട്ടുകാര്‍ ആവശ്യപ്പെട്ടു. ആറു പതിറ്റാണ്ടുകള്‍ക്ക് മുമ്പ് പൈങ്ങോട്ടൂര്‍ തോടിനു കുറുകെ നിര്‍മിച്ച ചെക്ക് ഡാമാണിത്. വേനല്‍ കാലത്ത് വെള്ളം...