കോതമംഗലം: കോട്ടപ്പടിയില്‍ കാട്ടാന കിണറ്റില്‍ വീണിട്ട് 10 മണിക്കൂര്‍ പിന്നിട്ടിട്ടും രക്ഷപ്പെടുത്താനായില്ല. കിണറിന്റെ തിട്ട ഇടിച്ചിട്ടു ആന സ്വയം കരയ്ക്ക് കയറാന്‍ സാധ്യതയുണ്ടെന്നാണ് വനംവകുപ്പ് വിലയിരുത്തല്‍. ജനങ്ങള്‍ ഒഴിഞ്ഞുപോകണമെന്നാവശ്യപ്പെട്ട വനംവകുപ്പ് അപകട മുന്നറിയിപ്പ് നല്‍കി. കൃഷി നശിക്കുമെന്നും നഷ്ടപരിഹാരം വേണമെന്നുമുള്ള നിലപാടിലാണ് സ്ഥലമുടമയും നാട്ടുകാരും.
മൂവാറ്റുപുഴ ആര്‍ഡിഒയുടെ നേതൃത്വത്തില്‍ ചര്‍ച്ച നടക്കുകയാണ്. ജനപ്രതിനിധികളും പങ്കെടുക്കുന്നുണ്ട്. ആന കിണറ്റില്‍പ്പെട്ടതിനെത്തുടര്‍ന്ന് പ്രദേശത്ത് 24 മണിക്കൂര്‍ നിരോധനാജ്ഞ പ്രഖ്യാപിച്ചു. കോട്ടപ്പടി പഞ്ചായത്തിലെ 1, 2, 3, 4 വാര്‍ഡുകളിലാണ് നിരോധനാജ്ഞ പ്രഖ്യാപിച്ചത്.
