Connect with us

Hi, what are you looking for?

NEWS

മാമലക്കണ്ടത്ത് ജനവാസമേഖലയിൽ ഈറ്റവെട്ടാൻ പോയ അഞ്ച് പേർക്ക് നേരെ കടുവയുടെ ആക്രമണം

കോതമംഗലം : മാമലക്കണ്ടത്ത് ജനവാസമേഖലയിൽ ഈറ്റവെട്ടാൻ പോയ അഞ്ച് പേർക്ക് നേരെ കടുവയുടെ ആക്രമണം. ഓടി രക്ഷപ്പെടുന്നതിനിടയിൽ മൂന്ന് പേർക്ക് പരിക്കേറ്റു. മാമലക്കണ്ടം കാര്യാട് ഭാഗത്ത് സ്വകാര്യ വ്യക്തിയുടെ കൈവശ ഭൂമിയിൽ ഇന്നലെ രാവിലെ പതിനൊന്നോടെയായിരുന്നു സംഭവം.മാമലക്കണ്ടം കണ്ടച്ചാൽ സജി, ഭാര്യ സോഫ്, താമാകുന്നേൽ സണ്ണി, ഭാര്യ സോഫി, പ്ലാത്തോട്ടത്തിൽ നിർമ്മല എന്നിവരാണ് ഈറ്റ ശേഖരിക്കാൻ പോയത്. പാറയോട് ചേർന്ന് നിന്ന ഈറ്റവെട്ടുവാനായി നിർമ്മല സ്ഥലത്തിൻ്റെ മുകൾ ഭാഗത്തേക്ക് കയറിച്ചെല്ലുന്നതിനിടെയാണ് മരച്ചുവട്ടിൽ കിടന്നിരുന്ന കടുവ ചാടി എഴുന്നേറ്റ് ഇവർക്ക് നേരെ പാഞ്ഞടുത്തത്. വെട്ടിയ ഈറ്റയും കയ്യിലുണ്ടായിരുന്ന പണി ആയുധങ്ങളും ഉപേക്ഷിച്ച് ഇവർ പ്രാണ രക്ഷാർത്ഥം ഓടുകയായിരുന്നു. ഓട്ടത്തിനിടയിൽ വീണ് നിർമ്മലക്ക് നടുവിന് പരിക്കേറ്റു.സണ്ണിക്ക് വീണ് കാലിനും പരിക്കുണ്ട്. സണ്ണിയുടെ ഭാര്യ സോഫിക്ക് ശ്വാസം മുട്ടലും ബോധക്കേടും ഉണ്ടായി.

അപകടത്തിൽ പ്പെട്ടവരും വിവരം അറിഞ്ഞെത്തിയ നാട്ടുകാരും ചേർന്ന് വാർഡ് മെമ്പർ സൽമാ പരീദിനെ വിവരം അറിയിച്ചു. വാർഡുമെമ്പർ അറിയിച്ചതിനെ തുടർന്ന് കട്ടുമ്പുഴ ഫോറസ്റ്റ് സ്റ്റേഷനിൽ നിന്നും വനപാലകർ സ്ഥലത്തെത്തി കടുവ കിടന്നിരുന്ന സ്ഥലവും പരിസരവും പരിശോധിച്ച് കടുവയുടെ സാന്നിദ്ധ്യം സ്ഥിരീ കരിച്ചതായി നാട്ടുകാർ പറഞ്ഞു. ഉൾവനത്തിൽ ചൂട് വർദ്ധിച്ചതും വെള്ളവും തീറ്റയും ദൗർലഭ്യം നേരിടുന്നതുമാകാം കടുവ ജനവാസ മേഖലയിലറങ്ങാൻ ഇടയാക്കിയതെന്നാണ് വിലയിരുത്തൽ. മാമുക്കണ്ടത്ത് പല ഭാഗങ്ങളിലും ജനവാസ മേഖലയിൽ മുൻപും കടുവയുടെ സാന്നിദ്ധ്യം അനുഭവപ്പെട്ടിട്ടുള്ളതായി നാട്ടുകാർ പറഞ്ഞു. അടിയന്തരമായി പ്രദേശത്ത് നിരീക്ഷണ ക്യാമറകൾ സ്ഥാപിച്ച് നിരീക്ഷണം ഏർപ്പെടുത്തുന്നതിനൊപ്പം കൂട് സ്ഥാപിച്ച് കടുവയെ പിടികൂടാൻ നടപടി ഉണ്ടാകണമെന്നും ജനങ്ങളുടെ ജീവനും സ്വത്തിനും സുരക്ഷണം ഉറപ്പ് വരുത്തണമെന്നും മാമലക്കണ്ടം സെൻറ് ജോർജ് ഇടവക വികാരി ഫാ.മാത്യു മുണ്ടക്കൽ ആവശ്യപ്പെട്ടു.

You May Also Like

NEWS

തടത്തിക്കവല :എൽ ഡി എഫ് സ്ഥാനാർഥി ജോയ്സ് ജോർജിന്റെ കോതമംഗലം, മൂവാറ്റുപുഴ മണ്ഡലങ്ങളിലെ അവസാനഘട്ട പര്യടനത്തിന് തടത്തിക്കവലയിൽ തുടക്കം. പച്ചക്കറി തൈകളും അമ്പും വില്ലും നൽകി ജോയ്സ് ജോർജിനെ പ്രവർത്തകർ സ്വീകരിച്ചു. രാജ്യത്ത്...

NEWS

കോതമംഗലം: പ്രാര്‍ത്ഥനയോടെ വോട്ടവകാശം വിനിയോഗിക്കേണ്ടത് കാലഘട്ടത്തിന്റെ ആവശ്യമെന്ന് കോതമംഗലം ബിഷപ് മാര്‍ ജോര്‍ജ് മഠത്തിക്കണ്ടത്തില്‍. കോതമംഗലം രൂപത പാസ്റ്റല്‍ കൗണ്‍സില്‍ സമ്മേളനം മൂവാറ്റുപുഴ നെസ്റ്റ് പാസ്റ്ററല്‍ സെന്ററില്‍ ഉദ്ഘാടനം ചെയ്യുകയായിരുന്നു അദ്ദേഹം. ആധുനിക...

NEWS

പൈങ്ങോട്ടൂർ: ബസ് ഉടമയെ ആക്രമിച്ച കേസിൽ ഒരാൾ അറസ്റ്റിൽ. കടവൂർ പൈങ്ങോട്ടൂർ കൊമ്പനാൽ വീട്ടിൽ ജോമേഷ് (40) നെയാണ് പോത്താനിക്കാട് പോലീസ് അറസ്റ്റ് ചെയ്തത്. 20 ന് വെകീട്ട് പൈങ്ങോട്ടൂർ ഗാന്ധി സ്ക്വയറിന്...

NEWS

മൂവാറ്റുപുഴ: പാലക്കുഴയില്‍ ബിജെപിയുടെ താല്‍ക്കാലിക തെരഞ്ഞെടുപ്പ് ഓഫീസ് തീയിട്ട് നശിപ്പിച്ച നിലയില്‍. പഞ്ചായത്ത് കമ്മറ്റി നിര്‍മ്മിച്ച ബിജെപിയുടെ താല്‍ക്കാലിക തെരഞ്ഞെടുപ്പ് ഓഫീസാണ് ഇന്നലെ രാത്രിയില്‍ തീയിട്ട് നശിപ്പിച്ചത്. ഇന്നലെ രാത്രിയിലും പ്രവര്‍ത്തകരെത്തി സജീവമായിരുന്ന...