കീരംപാറ: സെൻറ് സെബാസ്റ്റ്യൻസ് ഇടവകയിൽ വിവാഹത്തിന്റെ 25, 50 വർഷങ്ങൾ പൂർത്തിയാക്കിയ ദമ്പതികളുടെ ജൂബിലി ആഘോഷിച്ചു. ചടങ്ങിന് മുന്നോടിയായി നടന്ന ദിവ്യബലിയിൽ ജൂബിലിയേറിയൻസ് കാഴ്ചയർപ്പണം നടത്തി. വികാരി ഫാ. മാത്യു കൊച്ചുപുരയ്ക്കൽ മുഖ്യ കാർമ്മികത്വം വഹിച്ചു. ഇതിനോടനുബന്ധിച്ച് പ്രത്യേക പ്രാർത്ഥനയും വിവാഹ നവീകരണവും ഉണ്ടായിരുന്നു.
തുടർന്ന് നടന്ന ദമ്പതി സംഗമം വികാരി ഫാ. മാത്യു കൊച്ചുപുരയ്ക്കൽ ഉദ്‌ലാടനം ചെയ്തു.
വിവാഹ കുടുംബജീവിതത്തിൽ ഒരുമിച്ച് പ്രാർത്ഥിക്കേണ്ടതിന്റെ ആവശ്യകതയെക്കുറിച്ചും, പരസ്പരം തുറവിയോടെ സംസാരിക്കേണ്ടതിനെക്കുറിച്ചും, പരസ്പരാശ്രയത്തിൽ മുന്നോട്ട് പോകേണ്ടതിനെക്കുറിച്ചും അച്ചൻ ദമ്പതിക്കളെ ഉദ്ബോദിപ്പിച്ചു.
തുടർന്ന് ജൂബിലി ആഘോഷിക്കുന്ന ദമ്പതികളെ മെമെൻൻറോ നൽകി ആദരിച്ചു. ജൂബിലേറിയൻസ് കേക്ക് മുറിച്ച് വിവാഹത്തിന്റെ ദീപ്തസ്മരണകൾ പുതുക്കുകയും എല്ലാവർക്കും കേക്ക് വിതരണം നടത്തി സന്തോഷം പങ്കുവക്കുകയും ചെയ്തു.
ഫാമിലി അപ്പോസ്റ്റലേറ്റ് പ്രസിഡന്റ് ഷോജി കണ്ണമ്പുഴ, പിതൃവേദി പ്രസിഡന്റ് ജിജി പുളിക്കൽ, മാതൃവേദി പ്രസിഡന്റ് ഡിംപിൾ ഷോജി, ഹെലൻ ടൈറ്റസ്, ജോർഡി മനയാനിപ്പുറം, ലൂസി ഓടക്കൽ തുടങ്ങിയർ പ്രസംഗിച്ചു. യോഗത്തിൽ സ്നേഹവിരുന്നും ഒരുക്കിയിരുന്നു.
ബീന സൈൻ, സാബി വാട്ടപ്പിള്ളി, റാണി ജോസ് ചെറായിൽ, ടി പി മൈക്കിൾ, ജെയിംസ് തെക്കേക്കര തുടങ്ങിയവർ നേതൃത്വം നൽകി. ഇടവകയിലെ ഫാമിലി അപ്പസ്റ്റോലേറ്റ്, പിതൃവേദി, മാതൃവേദി എന്നിവരുടെ നേതൃത്വത്തിലാണ് സംഗമം നടത്തിയത്.
