കോതമംഗലം: ദേശീയപാതയില് കോതമംഗലം ശോഭനപ്പടിയില് തടി ലോറി കോണ്ക്രീറ്റ് സ്ലാബ് തകര്ന്ന് സമീപത്തെ പുരയിടത്തിലേക്ക് മറിഞ്ഞു. റോഡരികില് ഓടയുടെ മുകളിലായി പാര്ക്ക് ചെയ്തിരുന്ന തടി ലോറി അപകടത്തില്പ്പെട്ടതിനെ തുടര്ന്ന് സമീപത്തെ വീടിന്റെ മതിലും തകര്ന്നു. ബുധനാഴ്ച സന്ധ്യക്കാണ് തടികയറ്റിയ ലോറി അപകടത്തില്പ്പെട്ടത്.
സ്ലാബിന്റെ ബലക്ഷയം ആണ് തകര്ച്ചക്കും അപകടത്തിനും കാരണമെന്നാണ് പ്രദേശവാസികള് പറയുന്നത്. ദേശീയപാതയുടെ നവീകരണത്തിന്റെ ഭാഗമായി സമീപകാലത്താണ് ഓട നിര്മിച്ച് സ്ലാബുകള് സ്ഥാപിച്ചത്. വാഹനങ്ങള്ക്ക് മുകളിലൂടെ ഓടാന്കഴിയുന്നത്ര ഉറപ്പുള്ള സ്ലാബുകളാണെന്നാണ് അധികൃതര് വിശദീകരിച്ചിരുന്നത്.
