പെരുമ്പാവൂര്‍: പെരിയാര്‍വാലി കനാലില്‍ കുളിക്കാന്‍ ഇറങ്ങിയ 13 കാരി ഒഴുക്കില്‍പ്പെട്ട് മരിച്ചു. മുസ്ലിംലീഗ് കുന്നത്തുനാട് മണ്ഡലം കൗണ്‍സിലര്‍ തെക്കേ വാഴക്കുളം തടിയിട്ടപറമ്പ് പത്തനായത്ത് വീട്ടില്‍ പി.കെ. സെയ്തു മുഹമ്മദിന്റെ (സൈദ്) മകള്‍ സന ഫാത്തിമ (13) ആണ് മരിച്ചത്. വ്യാഴാഴ്ച വൈകിട്ട് പെരുമ്പാവൂര്‍ വളയന്‍ചിറങ്ങര പെരിയാര്‍വാലി കനാലില്‍ കുളിക്കാന്‍ ഇറങ്ങിയ മൂന്നംഗ സംഘമാണ് ഒഴുക്കില്‍പ്പെട്ടത്.
പെരുന്നാളിനോടനുബന്ധിച്ച് വളയംചിറങ്ങരയിലെ മാതാവിന്റെ വീട്ടിലെത്തിയതായിരുന്നു സന.
കോലഞ്ചേരി മെഡിക്കല്‍ കോളജില്‍ എത്തിച്ച സനയെ വിദഗ്ധ ചികിത്സയ്ക്കായി എറണാകുളത്തെ സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല. കബറടക്കം നടത്തി. അമ്മ: ജിന്‍സി. സഹോദരങ്ങള്‍: സലീല്‍, സിനാല്‍.
