കോതമംഗലം :നേര്യമംഗലത്ത് പുതിയ പാലം നിര്മിക്കുമ്പോള് വീടും സ്ഥലവും നഷ്ടപ്പെടുന്ന പട്ടയമില്ലാത്തവരുടെ പ്രദേശങ്ങള് ആന്റണി ജോണ് എംഎല്എ, കവളങ്ങാട് പഞ്ചായത്ത് ഭരണ സമിതി അംഗങ്ങൾ എന്നിവരുടെ നേതൃത്വത്തിൽ സന്ദർശിച്ചു. ഇവര്ക്ക് അർഹമായ നഷ്ട പരിഹാരവും പുനരധിവാസവും നല്കാന് സര്ക്കാരിനോട് അഭ്യര്ത്ഥിക്കുമെന്ന് എംഎല്എ പറഞ്ഞു. കവളങ്ങാട് പഞ്ചായത്ത് എല്ഡിഎഫ് ഭരണസമിതിയുമായി നേതൃത്വത്തിൽ പുനരധിവാസത്തിന്റെ റിപ്പോര്ട്ട് തയ്യാറാക്കിയശേഷം കലക്ടര്ക്ക് കൈമാറും. പാലം വരുന്നതോടെ സ്ഥലവും വീടും നഷ്്ടപ്പെടുന്ന പട്ടയമില്ലാത്തവര്ക്ക് എംഎൽഎയുടെയും പഞ്ചായത്ത് ഭരണ സമിതിയുടെയും ഇടപെടൽ ആശ്വാസമായി.
ദേശീയപാത 85 ന്റെ വികസനവുമായി ബന്ധപ്പെട്ട് പുതുതായി നിര്മിക്കുന്ന പാലത്തിനുവേണ്ടി സ്ഥലം ഏറ്റെടുക്കല് നടപടികള് പുരോഗമിക്കുകയാണ്. ത്രീഡി നോട്ടിഫിക്കേഷന് നിലവില് പുറപ്പെടുവിച്ചിട്ടുണ്ട്. നേര്യമംഗലം ജില്ലാ കൃഷിത്തോട്ടത്തിന്റെ കുറച്ചുസ്ഥലവും ഏറ്റെടുക്കേണ്ടിവരും. കവളങ്ങാട് വില്ലേജില് 12 വീടുകള്, 15 കച്ചവട സ്ഥാപനങ്ങള്, ഒരു ആശുപത്രി, വ്യാപാര ഭവന്റെ ഒരു കെട്ടിടവുമുള്പ്പടെ ആകെ 29 കെട്ടിടങ്ങളാണ് പൊന്നും വിലക്ക് ഏറ്റെടുക്കുന്നത്. എന്നാല്, അഞ്ച് കുടുംബങ്ങള് താമസിക്കുന്ന പട്ടയമില്ലാത്ത ഭൂമിയും വീടും ഏറ്റെടുക്കുമ്പോള് നഷ്ടപരിഹാരം കിട്ടില്ലെന്ന പ്രശ്നത്തിനാണ് ഇപ്പോള് ആശ്വാസമായിരിക്കുന്നത്. 200 മീറ്റര് നീളത്തില് ആറ് സ്പാനുകളും 13 മീറ്റര് വീതിയുമുള്ളതാണ് പുതിയ പാലം. സിപിഐ എം ഏരിയാ സെക്രട്ടറി ഷാജി മുഹമ്മദ്, പഞ്ചായത്ത് പ്രസിഡന്റ് സിബി മാത്യു, വൈസ് പ്രസിഡന്റ് ലിസി ജോളി, സിപിഐ താലൂക്ക് സെക്രട്ടറി പി ടി ബെന്നി, സിപിഐ എം ലോക്കല് സെക്രട്ടറി കെ ഇ ജോയി, പഞ്ചായത്തംഗങ്ങളായ ഷിബു പടപ്പറമ്പത്ത്, സുഹറ ബഷീര്, ഉഷ ശിവന്, ബ്ലോക്ക് പഞ്ചായത്ത് അംഗം പി എം കണ്ണന്, പി എം ശിവന്, അഭിലാഷ് രാജ് എന്നിവരും എംഎല്എയോടൊപ്പമുണ്ടായിരുന്നു.നേര്യമംഗലത്ത് പുതിയ പാലം നിര്മാണത്തിന്റെ ഭാഗമായി സ്ഥലവും വീടും നഷ്ടപ്പെടുന്നവരുടെ പ്രദേശങ്ങള് ആന്റണി ജോണ് എംഎല്എയുടെ നേതൃത്വത്തില് സന്ദര്ശിക്കുന്നു.
NEWS
നേര്യമംഗലം പുതിയ പാലം നിർമ്മാണം: വീടും സ്ഥലവും നഷ്ടപ്പെടുന്നവർക്ക് അർഹമായ നഷ്ടപരിഹാരവും പുനരധിവാസവും ഉറപ്പുവരുത്തും ആന്റണി ജോണ് എംഎല്എ
You May Also Like
NEWS
കോതമംഗലം : കോതമംഗലം മാർ അത്തനേഷ്യസ് കോളേജിലെ 1976-79 ബി. എ. ഇംഗ്ലീഷ് ബാച്ചിന്റെ പൂർവ വിദ്യാർത്ഥി സംഗമവും, ഗുരുവന്ദനവും 25 ശനിയാഴ്ച 10 ന് കോളേജ് സ്റ്റുഡന്റ്സ് സെന്ററിൽ നടക്കും. എം....
CRIME
പെരുമ്പാവൂര്: കഞ്ചാവ് കേസിലെ പ്രതിയെ ഒഡീഷയില് നിന്നും പിടികൂടി. ഒഡീഷ റായ്ഗഡ പദംപൂര് സ്വദേശി സാംസന് ഗന്റ (33) നെയാണ് പെരുമ്പാവൂര് എഎസ്പിയുടെ നേതൃത്വത്തിലുള്ള പ്രത്യേക അന്വേഷണ സംഘം പിടികൂടിയത്. കഴിഞ്ഞ ഒമ്പതിന്...
CHUTTUVATTOM
പെരുമ്പാവൂർ : ആറാം വിരൽ മുറിക്കേണ്ടി വന്ന കുട്ടിക്ക് നാവു മുറിച്ചു മാറ്റാഞ്ഞത് ഭാഗ്യം കൊണ്ട് മാത്രമാണെന്ന് എൽദോസ് കുന്നപ്പള്ളി എംഎൽഎ പറഞ്ഞു .ആരോഗ്യവകുപ്പിന്റെ പേര് അനാസ്ഥ വകുപ്പ് എന്നാക്കണമെന്നും ആരോഗ്യവകുപ്പ് മന്ത്രിക്ക്...
NEWS
കോതമംഗലം: കോതമംഗലം താലൂക്കിലെ പല പ്രദേശങ്ങളിലും ഡെങ്കിപ്പനി വ്യാപകം. താലൂക്ക് ആശുപത്രിയിലും മറ്റ് സ്വകാര്യ ആശുപത്രികളിലും ചികിത്സക്കായി എത്തുന്ന ഡെങ്കിപ്പനി ബാധിതരുടെ എണ്ണം ഓരോ ദിവസവും വര്ധിക്കുന്നുണ്ട്. നിരവധി പേരെ കിടത്തി ചികിത്സയ്ക്ക്...