കോതമംഗലം : കുട്ടമ്പുഴയിൽ സ്കൂളുകളിലെ വിവിധ നവീകരണ പ്രവർത്തനങ്ങൾക്കായി 70.73 ലക്ഷം രൂപ അനുവദിച്ചതായി ആന്റണി ജോൺ എം എൽ എ അറിയിച്ചു .4 സ്കൂളുകളിൽ വിവിധ നിർമ്മാണ പ്രവർത്തനങ്ങൾക്കായിട്ടാണ് തുക അനുവദിച്ചിട്ടുള്ളത്.
ഗവ യു പി സ്കൂൾ ഇടമലയാർ സ്കൂൾ കെട്ടിടത്തിന്റെ ഭിത്തികളുടെ ഉയരം കൂട്ടി പഴയ ആസ്ബെ സ്റ്റോസ് മേൽക്കൂര മാറ്റി പുതിയത് ചെയ്യുന്നതിനും, തറ ടൈൽ വിരിക്കുന്നതിനുള്ള പ്രവർത്തികൾക്ക് (25 ലക്ഷം ) , ഗവ എച്ച് എസ് പിണവൂർ സ്കൂളിന്റെ തകർന്നുപോയ ചുറ്റുമതിലിന്റെ പുനരുദ്ധാരണത്തിനും മുറ്റം ടൈൽ വിരിക്കുന്നതിനും ഉള്ള പ്രവർത്തികൾക്ക് (20.22 ലക്ഷം) , ഗവ എച്ച് എസ് എസ് കുട്ടമ്പുഴ ഓഫീസ്, സ്റ്റാഫ്,കമ്പ്യൂട്ടർ ലാബ് എന്നീ മുറികളിലെ ടൈലുകൾ മാറ്റുന്നതിനും ശുചിമുറികൾ പുതുക്കി പണിയുന്നതിനുമുള്ള പ്രവർത്തികൾക്ക് (7.82 ലക്ഷം) , ഗവ എച്ച് എസ് മാമലക്കണ്ടം ഓഡിറ്റോറിയം, രണ്ട് ക്ലാസ് മുറികൾ,ലൈബ്രറി എന്നിവിടങ്ങളിലെ ടൈലുകൾ വിരിക്കുന്നതിനും പടികൾക്ക് കൈവരികൾ സ്ഥാപിക്കുന്നതിനും, ജനലുകൾ പുതുക്കി പണിയുന്നതിനുള്ള പ്രവർത്തികൾക്ക് (17.69 ലക്ഷം) രൂപയുമാണ് അനുവദിച്ചിട്ടുള്ളത്.നിർമ്മാണ പ്രവർത്തനങ്ങൾ വേഗത്തിൽ പൂർത്തീകരിക്കുമെന്ന് എം എൽ എ അറിയിച്ചു.
