കോതമംഗലം :ആൻ്റണി ജോൺ എം എൽ എ യുടെ വെളിച്ചം പദ്ധതിയുടെ ഭാഗമായി പിണ്ടിമന പഞ്ചായത്തിൽ 4 ഹൈമാസ്റ്റ് ലൈറ്റുകൾ സ്ഥാപിച്ചു.എം എൽ എ യുടെ ആസ്തി വികസന ഫണ്ട് ഉപയോഗപ്പെടുത്തി യാണ് ലൈറ്റുകൾ സ്ഥാ പിച്ചിട്ടുള്ളത്.പിണ്ടിമന ഗ്രാമ പഞ്ചായത്ത് പരിധിയിലെ വേട്ടാമ്പാറ കടക്കാസിറ്റി,കുളങ്ങാട്ടുകുഴി ബസ് സ്റ്റാൻഡ് ജംഗ്ഷൻ,മാലിപ്പാറ ചർച്ച് ജംഗ്ഷൻ,അടിയോടി ഓക്സിജൻ ബയോ ഡൈവേഴ്സിറ്റി പാർക്ക്
എന്നീ 4 പ്രധാന ജംഗ്ഷനുകളിൽ സ്ഥാപിച്ചിട്ടുള്ള ഹൈമാസ്റ്റ് ലൈറ്റിൻ്റെ സ്വിച്ച് ഓൺ കർമ്മം ആൻ്റണി ജോൺ എം എൽ എ അതാത് കേന്ദ്രങ്ങളിൽ നിർവ്വഹിച്ചു. ഗ്രാമ പഞ്ചായത്ത് പ്രസിഡൻ്റ് ജെസ്സി സാജു അദ്ധ്യക്ഷയായി .ജില്ലാ പഞ്ചായത്ത് മെമ്പർ റഷീദ സലിം ,ബ്ലോക്ക് പഞ്ചായത്ത് മെമ്പർ ലിസ്സി ജോസഫ്,പിണ്ടിമന ഗ്രാമ പഞ്ചായത്ത് മെമ്പർമാരായ സിബി പോൾ ,ടി കെ കുമാരി ,ജിൻസ് മാത്യു ,എസ് എം അലിയാർ മാഷ് ,ഫാദർ ജോഷി നിരപ്പേൽ ,പി എം മുഹമ്മദാലി ,ബിജു പി നായർ ,എം എം ജോസഫ്, അജിലാൽ മീരാൻ, വി കെ കുഞ്ഞ് ,ടി എസ് സതീഷ്, വിവിധ
രാഷ്ട്രീയ സാമൂഹിക സാമുദായിക സാംസ്കാരിക രംഗത്തെ പ്രിയ നേതാക്കളും പ്രദേശവാസികളും പങ്കെടുത്തു.
പിണ്ടിമന പഞ്ചായത്തിലെ വനാതിർത്തിയോട് ചേർന്നു കിടക്കുന്ന വേട്ടാമ്പാറ ,കുളങ്ങാട്ടുകുഴി, മാലിപ്പാറ പ്രദേശളിലെ വന്യമൃഗശല്യം കൊണ്ട് പ്രയാസപ്പെടുന്ന പ്രദേശവാസികൾക്ക് ഹൈമാസ്റ്റ് വെളിച്ചം ചെറിയ ആശ്വാസമാകുമെന്നും അതോടൊപ്പം ഭൂതത്താൻകെട്ട് അനുബന്ധ ടൂറിസം കേന്ദ്രമായ അടിയോടി ഓക്സിജൻ ബയോ ഡൈവേഴ്സിറ്റി പാർക്കിലും ,ഓപ്പൺ ജിമ്മിലും ചിൽഡ്രൻസ് പാർക്കിലും അടിയോടി ജംഗ്ഷനിലും എത്തുന്ന സ്വദേശ -വിദേശ സഞ്ചാരികൾക്കും വെളിച്ചം സഹായമാവുമെന്നും എം എൽ എ പറഞ്ഞു .
ഇതിനകം പഞ്ചായത്ത് പരിധിയിലെ മുത്തംകുഴി ,ആയക്കാട് ,പുലിമല ചർച്ച് ജംഗ്ഷൻ ,അയിരൂർ പാടം പള്ളിക്കവല ,ആയക്കാട് തൈക്കാവുംപടി എന്നീ പ്രധാന ജംഗ്ഷനുകളിൽ എം എൽ എ യുടെ വെളിച്ചം പദ്ധതിയിൽ ഹൈമാസ്റ്റ് ,മിനി ഹൈമാസ്റ്റ് ലൈറ്റുകൾ സ്ഥാപിച്ചിട്ടുണ്ട്.
