Connect with us

Hi, what are you looking for?

CHUTTUVATTOM

കോതമംഗലം മാർ അത്തനേഷ്യസ് എഞ്ചിനീയറിംഗ് കോളേജ് വജ്രത്തിളക്കത്തിൽ: ക്രിസ്ത്യൻ മാനേജ്‌മെന്റിനു കീഴിൽ ഏഷ്യയിൽ ആദ്യം ആരംഭിച്ച എഞ്ചിനീയറിംഗ് കോളേജിന്റെ വജ്രജൂബിലി ആഘോഷങ്ങൾ 26 ന് തുടങ്ങും

കോതമംഗലം : അനേകർക്ക് ഉന്നത വിദ്യാഭ്യാസത്തിന്റെ അക്ഷര വെളിച്ചം പകർന്ന് നൽകിയ, ശാസ്ത്ര സാങ്കേതിക രംഗങ്ങളിൽ വിശ്വം മുഴുവൻ വ്യാപരിക്കുന്ന പ്രഗത്ഭമതികളായ മികവുറ്റ എഞ്ചിനീയർമാരെയും, ഒട്ടനവധി പ്രതിഭകളെയും സംഭാവന ചെയ്ത അറിവിന്റെ ഉന്നത കേന്ദ്രമായ കോതമംഗലം മാർ അത്തനേഷ്യസ് എഞ്ചിനിയറിങ്ങ് കോളേജ് വജ്ര തിളക്കത്തിൽ.
പശ്ചിമഘട്ടത്തിന്റെ മാസ്മരിക സൗന്ദര്യം മുഴുവൻ ആവാഹിച്ച്, ടൂറിസ്റ്റുകളുടെ പറുദീസയായി മാറിയ ഹൈറേഞ്ചിന്റെ കവാടമായ കോതമംഗലത്ത്, മദ്ധ്യ കേരളത്തിൽ സാങ്കേതിക വിദ്യയുടെ ഹരിശ്രീ കുറിച്ച കോളേജാണ് മാർ അത്തനേഷ്യസ് എഞ്ചിനീയറിംഗ് കോളേജ്.

കൊച്ചി-മധുര ദേശീയ പാതയോരത്ത് കോതമംഗലം കോളേജ് ജങ്ഷനിൽ നിന്ന് പ്രൊഫ. എം പി വറുഗീസ് റോഡിലൂടെ പ്രവേശിച്ചാൽ കോളേജ് കവാടമായി.
ഹരിത ഭംഗി നിറഞ്ഞ് നിൽക്കുന്ന കുന്നിൻമുകളിലെ കാമ്പസ്സിൽ കണ്ണിന് കുളിർമ്മയേകുന്ന ഉദ്യാനങ്ങൾ, തണൽ വിരിച്ച് നിൽക്കുന്ന പാതയോരങ്ങൾ, വർണ്ണങ്ങൾ വാരി വിതറിയ പുഷ്പങ്ങൾ, കുന്നിന്റെ താഴ് വരയിലൂടെ ഒഴുകുന്ന പുഴ, വിശ്രമവേളകളെ ആനന്ദഭരിതമാക്കാൻ അലയടിക്കുന്ന സംഗീതധാര, വിശാലമായ കളിക്കളങ്ങൾ ഇവയെല്ലാം കൂടിച്ചേർന്ന ഈ കലാലയമുറ്റത്ത് നിന്ന് പടിയിറങ്ങിയ ലോകത്തിന്റെ വിവിധ കോണുകളിൽ ഉള്ളവർക്ക് എം. എ എഞ്ചിനീയറിംഗ് കോളേജ് ഇന്നും ഊർജ്ജമാണ്.

കേവലം മലയോര കുടിയേറ്റ കാർഷിക മേഖലയായിരുന്ന കോതമംഗലത്തിന്റെയും, മധ്യ തിരുവിതാംകൂറിന്റെയും വിദ്യാഭ്യാസ പുരോഗതിയിൽ നിർണ്ണായക പങ്ക് വഹിച്ച കുന്നിൻ മുകളിലെ ഈ കലാലയത്തിന്റെ ആഘോഷങ്ങൾ ഈ മാസം 26 ന് ആരംഭിക്കും.1953 ൽ രൂപീകൃതമായ കോതമംഗലം മാർ അത്തനേഷ്യസ് കോളേജ് അസോസ്സിയേഷനു കീഴിൽ 1961 ൽ ആരംഭിച്ച മാർ അത്തനേഷ്യസ് എഞ്ചിനീയറിംഗ് കോളേജ് കേരളത്തിലെ ആദ്യത്തെ 6 എഞ്ചിനീയറിംഗ് കോളേജുകളിൽ ഒന്നാണ്. ക്രിസ്ത്യൻ മാനേജുമെന്റിന് കീഴിൽ ഏഷ്യയിൽ ആദ്യമായി ആരംഭം കുറിച്ച മാർ അത്തനേഷ്യസ് എഞ്ചിനീയറിംഗ് കോളേജ്, കഴിഞ്ഞ ആറ് പതിറ്റാണ്ടുകളിലെ അത്യപൂർവ്വനേട്ടങ്ങളുമായി ഡയമണ്ട് ജൂബിലി ആഘോഷിക്കുകയാണ്.

ഒരു വർഷക്കാലം നീണ്ടുനിൽക്കുന്ന ജൂബിലി ആഘോഷങ്ങളുടെ ഭാഗമായി നവംബർ 26 മുതൽ ഡിസംബർ 3 വരെ ശാസ്ത്ര സാങ്കേതിക പ്രദർശനം “വജ്ര മേസ്, ഇന്റർനാഷണൽ കോൺഫറൻസുകൾ, ദേശീയ തലത്തിലുള്ള സെമിനാറുകൾ, വിവിധ കൾചറൽ പ്രോഗ്രാമുകൾ, 14 വിദേശ രാജ്യ ചാപ്റ്ററുകളിൽ നിന്നടക്കം പൂർവ്വ വിദ്യാർത്ഥികൾ പങ്കെടുക്കുന്ന “ഗ്ലോബൽ അലുമ്നി മീറ്റ്’ എന്നിവ സംഘടിപ്പിച്ചിട്ടുണ്ട്.
ശാസ്ത്ര സാങ്കേതിക എക്സിബിഷനിൽ സർക്കാർ പൊതുമേഖലാ സ്ഥാപനങ്ങളായ ഐ.എസ്.ആർ.ഒ, കൊച്ചിൻ ഷിപ്പ്യാർഡ്, സി.ഡാക്, ഫാക്ടറീസ് ആന്റ് ബോയിലേഴ്സ്, വ്യവസായ വകുപ്പ്, എക്സൈസ് വകുപ്പ്, ബാംബൂ കോർപ്പറേഷൻ തുടങ്ങി നിരവധി സ്ഥാപനങ്ങളുടെ സ്റ്റാളുകളാണ് പ്രദർശനത്തിനായി ഒരുക്കിയിരിക്കുന്നത്.

വിവിധ ബ്രാഞ്ചുകളിലെ എഞ്ചിനീയറിംഗ് വിദ്യാർത്ഥികൾ രൂപം കൊടുത്ത പിക് ആന്റ് പ്ലെയിസ് റോബോർട്ട്, ഗെസ്റ്റർ കൺട്രോൾഡ് റോബോർട്ട്, ഓട്ടോണമസ് റോബോർട്ട് തുടങ്ങി മുപ്പതോളം റോബോർട്ടുകളുടെ ഒരു നിര തന്നെ കോളേജ് ക്യാമ്പസിൽ പ്രദർശനത്തിന് തയ്യാറായി വരുന്നു. കൂടാതെ ഏറെ പുതുമകളുള്ള ഇൻഫിനിറ്റി മിറർ, ആൽക്കഹോൾ ഡിറ്റക്ഷൻ ഹെൽമറ്റ്, വെർട്ടെക്സ് ടണൽ, മെട്രോ ട്രെയിൻ, വിൻ മിൽ, വിവിധതരം ഡ്രോണുകൾ, റീയൂസബിൾ റോക്കറ്റ്സ്, വിദ്യാർത്ഥികൾ രൂപകൽപ്പന ചെയ്ത് ട്രാക്ടറുകൾ, മറ്റ് വാഹനങ്ങൾ, പിയാനോ സ്റ്റെയർകേസ് തുടങ്ങി 150ൽ പരം കൗതുകകരമായ ഇനങ്ങളാണ് വിദ്യാർത്ഥികൾ പ്രദർശനത്തിനായി തയ്യാറാക്കിയിട്ടുള്ളത്.

ഏറ്റവും ആധുനികമായ ഉപകരണങ്ങളാൽ സജ്ജീകരിച്ചിരിക്കുന്ന സൗത്ത് ഇന്ത്യയിലെ തന്നെ ഏറ്റവും മികച്ച ലാബുകൾ ഉൾപ്പെടുന്ന കോളേജിന്റെ വിവിധ ലബോറട്ടറികളും പൊതുജനങ്ങൾക്ക് പ്രദർശനത്തിനായി തയ്യാറായിട്ടുണ്ട്. കേരളത്തിൽ അപൂർവ്വം കോളേജുകളിൽ മാത്രമുള്ള ഹൈ വോൾടേജ് ലാബ് , കോൺക്രീറ്റ് സ്ട്രക്ചറുകൾ, ബീമുകൾ തുടങ്ങിയവ യഥാർത്ഥ അളവിൽ തന്നെ ടെസ്റ്റ് ചെയ്യുന്നതിനുള്ള സൗകര്യമുള്ള മെറ്റീരിയൽ ടെസ്റ്റിംഗ് ലാബ്, അന്താരാഷ്ട്രതലത്തിൽ പ്രവർത്തിക്കുന്ന ഐ ഇ ഇ ഇ , സൊസൈറ്റ് ഓഫ് ഓട്ടോമോട്ടീസ് എഞ്ചിനീയേഴ്സ് (SAE),എ എസ് എം ഇ (ASME), തുടങ്ങിയ ഓർഗനൈസേഷനുകൾ അന്താരാഷ്ട്ര തലത്തിൽ നടത്തിയ മത്സരങ്ങളിൽ വിവിധ പുരസ്കാരങ്ങൾ നേടിയ പ്രോജക്റ്റുകളും പ്രദർശനത്തിന് ഒരുക്കിയിട്ടുണ്ട്.

ശാസ്ത്ര സാങ്കേതിക പ്രദർശനം നടക്കുന്ന നവംബർ 26 മുതൽ ഡിസംബർ 3 വരെ വൈകുന്നേരങ്ങളിൽ വിവിധ പ്രൊഫഷണൽ കലാകാരന്മാർ പങ്കെടുക്കുന്ന കലാസന്ധ്യകളും ഉണ്ട്. വിധു പ്രതാപിന്റെ ഗാനമേള, ഗൗരി ലക്ഷ്മിയും സച്ചിൻ വാര്യരും പങ്കെടുക്കുന്ന ഫ്യൂഷൻ ബാന്റ്, ഐശ്വര്യ രാജിവിന്റെ ഡാൻസ് പ്രോഗ്രാമുകൾ തുടങ്ങി ഒട്ടേറെ കലാപരിപാടികളും സജ്ജമാക്കിയിട്ടുണ്ട്.
ശാസ്ത്ര സാങ്കിത പ്രദർശനത്തിനൊപ്പം 50ഓളം വിപണന സ്റ്റാളുകളും ഭക്ഷണ സ്റ്റാളുകളും കുട്ടികൾക്കും മുതിർന്നവർക്കും അനുയോജ്യമായ അമ്യൂസ്മെന്റ് റൈഡുകൾ കോതമംഗലത്തിന്റെ ആകാശക്കാഴ്ചക്കായി ഹെലികോപ്റ്റർ യാത്ര, എയർബോൾ യാത്ര തുടങ്ങി ഒട്ടേറെ വിനോദ ഉപാധികളും ശാസ്ത്ര സാങ്കിത എക്സിബിഷനോടൊപ്പം എം. എ. എഞ്ചി. കോളേജ് തയ്യാറാക്കിയിട്ടുണ്ട്.

You May Also Like

NEWS

  കോതമംഗലം :കഴിഞ്ഞ സർക്കാരിന്റെ കാലയളവിൽ 8 കോടി രൂപ അനുവദിച്ച് നവീകരണം ആരംഭിച്ചിരുന്ന രണ്ട് റോഡുകളിൽ ഒന്നിനെ പുതിയ മിനി ബൈപ്പാസ് എന്നും, പുതിയ പദ്ധതി എന്ന നിലയിലും എംഎൽഎ ഇപ്പോൾ...

ACCIDENT

  കോതമംഗലം: പോര്‍ച്ചുഗലിലുണ്ടായ അപകടത്തിൽ ഭൂതത്താന്‍കെട്ട് സ്വദേശിയായ യുവാവ് മരിച്ചു. ഭൂതത്താന്‍കെട്ട് ചെങ്കര മുത്തലത്തോട്ടത്തില്‍ ബോണി ബേസില്‍ കുര്യന്‍ (36) ആണ് മരിച്ചത്. ജോലി സംബന്ധമായ ആവശ്യത്തിനായി എത്തിയ ടൗണില്‍ രാത്രിയില്‍ താമസിച്ചിരുന്ന...

CHUTTUVATTOM

കോതമംഗലം: ഹിന്ദ് ഷിറ്റോ റിയു കരാട്ടെ ദോ ഇന്റര്‍നാഷണല്‍ ഓള്‍ കേരള കരാട്ടെ ചാമ്പ്യന്‍ഷിപ് 2026 സംഘടിപ്പിച്ചു. ഷിബു തെക്കുമ്പുറം എംഎല്‍എ ഉദ്ഘാടനം നിര്‍വഹിച്ചു.കോട്ടപ്പടി കൈരളി ഓഡിറ്റോറിയത്തില്‍ നടത്തിയ മത്സരത്തില്‍ കരാട്ടെ ചീഫ്...

NEWS

കോതമംഗലം: വന്യജീവി അക്രമങ്ങള്‍ നേരിടാന്‍ സര്‍ക്കാര്‍ അടിയന്തരമായി ഇടപെടണമെന്ന് എഐവൈഎഫ് കോതമംഗലം മണ്ഡലം സമ്മേളനം ആവശ്യപ്പെട്ടു.കോതമംഗലത്തെ വിവിധ പഞ്ചായത്തുകളില്‍ വര്‍ഷങ്ങളായി തുടരുന്ന വന്യജീവി ആക്രമണങ്ങളില്‍ നിരവധി മനുഷ്യജീവനുകള്‍ നഷ്ടപ്പെടുകയും വനപ്രദേശങ്ങളോട് ചേര്‍ന്നുകിടക്കുന്ന കൃഷിയിടങ്ങളില്‍...

CHUTTUVATTOM

കോതമംഗലം: ഓര്‍മ്മകള്‍ക്ക് നിറം പകര്‍ന്ന് എംഎ കോളേജ് പൂര്‍വ വിദ്യാര്‍ത്ഥികള്‍ അമേരിക്കയില്‍ ഒത്തുകൂടി. കോതമംഗലം മാര്‍ അത്തനേഷ്യസ് കോളേജില്‍ നിന്ന് വിവിധ കാലഘട്ടങ്ങളില്‍ പഠിച്ചിറങ്ങി, അമേരിക്കയിലെ വിവിധയിടങ്ങളില്‍ താമസിക്കുന്ന പൂര്‍വ വിദ്യാര്‍ത്ഥികളുടെ കുടുംബ...

CHUTTUVATTOM

കോതമംഗലം: കോതമംഗലത്തെ പ്രൊഫഷണല്‍ ഗായകര്‍ രൂപം കൊടുത്ത ‘വോയ്‌സ് ഓഫ് കോതമംഗല’ത്തിന്റെ പ്രഥമ ഗാനമേള നടത്തി. മെന്റര്‍ അക്കാദമി ഹാളില്‍ സുവര്‍ണരേഖ വേദിയൊരുക്കിയ പരിപാടി കവിയും ഗാനരചയിതാവുമായ ബാബു ഇരുമല ഉദ്ഘാടനം ചെയ്തു....

CHUTTUVATTOM

കോതമംഗലം:രാമല്ലൂര്‍-കുമ്പളത്തുമുറി റോഡ് തകർന്ന് കുണ്ടും കുഴിയും നിറഞ്ഞ് ഗതാഗത യോഗ്യമല്ലാതായി. കോതമംഗലം-ചേലാട് റോഡിനേയും മലയിന്‍കീഴ്-നാടുകാണി റോഡിനേയും ബന്ധിപ്പിക്കുന്ന ലിങ്ക് റോഡുകൂടിയാണ് രാമല്ലൂര്‍-കുമ്പളത്തുമുറി റോഡ്. ഈ റോഡിന്‍റെ പല ഭാഗങ്ങളിലും വലിയ കുഴികള്‍ രൂപപ്പെട്ടിരിക്കുകയാണ്....

NEWS

  കോതമംഗലം: കോതമംഗലം നഗരത്തിലെ ഗതാഗതക്കുരുക്ക് ഒഴിവാക്കാൻ നെല്ലിക്കുഴി പഞ്ചായത്ത് പടിയിൽനിന്ന് ആരംഭിച്ച് ഗ്രീൻവാലി, മാർ ബസേലിയോസ് ഡെന്റൽ കോളേജ് വഴി തങ്കളം–മലയിൻകീഴ്–കോഴിപ്പിള്ളി ബൈപ്പാസുമായി ബന്ധിപ്പിക്കുന്ന ആലുമ്മാവ്–കുരൂർ റോഡ് നവീകരിച്ച് മിനി ബൈപ്പാസായി...

CHUTTUVATTOM

കോതമംഗലം: കോതമംഗലം നിയോജകമണ്ഡലത്തിലെ നാല് പ്രധാന റോഡുകൾ ബി.എം.ബി.സി നിലവാരത്തിൽ നവീകരിക്കുന്നതിന് 9.50 കോടി രൂപയുടെ ഭരണാനുമതി ലഭിച്ചതായി ഷിബു തെക്കുംപുറം എംഎൽഎ. സംസ്ഥാന ബജറ്റ് പ്രൊപ്പോസലുകളിൽ ഉൾപ്പെട്ടവയാണ് ഇവ. ചേലാട് ഇരപ്പുങ്കൽ...

CHUTTUVATTOM

കോതമംഗലം: മാർ അത്തനേഷ്യസ് കോളേജിലെ പ്രജ്ഞ – സെന്റർ ഫോർ ഇന്ത്യൻ നോളജ് സിസ്റ്റവും ചരിത്രവിഭാഗവും സംയുക്തമായി കളമെഴുത്ത് പാട്ട് ശില്പശാല സംഘടിപ്പിച്ചു. പാരമ്പര്യ കലാകാരനായ കടന്നമണ്ണ ശ്രീനിവാസൻ നയിച്ച ശില്പശാലയിൽ കളം...

CHUTTUVATTOM

കോതമംഗലം: മാര്‍ അത്തനേഷ്യസ് കോളേജില്‍ കൗണ്‍സിലിംഗ് ക്ലബിന്റെ ഉദ്ഘാടനവും ദ്വിദിന മാനസികാരോഗ്യ ബോധവല്‍ക്കരണ പരിപാടിയും നടത്തി. കോളേജ് യൂണിയനുമായി സഹകരിച്ച് നടന്ന മൈന്റ് സ്പാര്‍ക്ക് 2026 – മനസ്സിന്റെ കരുത്തിനായി ഒരു കൂട്ടായ്മ...

CHUTTUVATTOM

കൊച്ചി: സമൂഹത്തിന് പ്രചോദനമാകുന്ന പ്രവര്‍ത്തനങ്ങള്‍ കാഴ്ചവെക്കുന്ന വനിതകളെ ആദരിക്കുന്നതിനായി റെഡ് എഫ്എം ഏര്‍പ്പെടുത്തിയ ‘റെഡ് ശക്തി അവാര്‍ഡ് 2026’ കോട്ടപ്പടി സെന്റ് ജോണ്‍സ് സ്‌പെഷ്യല്‍ സ്‌കൂള്‍ പ്രിന്‍സിപ്പല്‍ സി. ശ്രുതി ജോസ് എംഎസ്‌ജെയ്ക്ക്....

error: Content is protected !!