വീടിൻ്റെ മേൽക്കൂര തകർന്നു വീണു

കോതമംഗലം: കീരമ്പാറ  പുന്നേക്കാട് വീടിൻ്റെ മേൽക്കൂര തകർന്നു വീണു. വീട്ടുകാർ പുറത്തായിരുന്നതിനാൽ ദുരന്തം ഒഴിവായി. പുന്നേക്കാട് മറ്റത്തില്‍ തങ്കച്ചന്റെ വീടാണ് തകര്‍ന്നുവീണത്.ഇന്നലെ രാവിലെ എട്ടോടെയാണ് സംഭവം.മഴയോ,കാറ്റോ ഈ സമയത്തുണ്ടായിരുന്നില്ല.ഓടുകൊണ്ടുള്ള മേല്‍ക്കൂരയാണ് തകര്‍ന്നത്.ഭീത്തിക്കും പൊട്ടലുണ്ടായിട്ടുണ്ട്.വീട്ടുകാര്‍ പുറത്തായിരുന്നതിനാല്‍ ആളപായമോ പരിക്കോ ഉണ്ടായില്ല.കിടപ്പുമുറിയിലുള്‍പ്പടെയാണ് മേല്‍ക്കൂരയുടെ അവശിഷ്ടങ്ങള്‍ പതിച്ചത്.രാത്രിയിലാണ് സംഭവമെങ്കില്‍ ദുരന്തത്തിന് ഇടയായേനെ. കോതമംഗലം  ഫയര്‍ഫോഴ്‌സും നാട്ടുകാരും ചേര്‍ന്ന് വീടിനുള്ളില്‍നിന്ന്ുള്ള സാധനങ്ങളും മേല്‍ക്കൂരയുടെ അവശിഷ്ടങ്ങളും നീക്കി.കാലപ്പഴക്കമുള്ള വീടാണിത്.എന്നാല്‍ അടുത്തകാലത്ത് അറ്റകുറ്റപണികള്‍ നടത്തിയിരുന്നു.വീടിന്റെ പുനര്‍നിര്‍മ്മാണത്തിനുള്ള സഹായം ലഭ്യമാക്കാന്‍ ശ്രമം നടത്തുമെന്ന് പഞ്ചായത്ത് അധിക്യതർ വ്യക്തമാക്കി. യു ഡി എഫ് ജില്ലാ കൺവീനർ ഷിബു തെക്കുംപുറം, കീരംപാറ  പഞ്ചായത്ത് പ്രസിഡന്റ് മാമച്ചന്‍ ജോസഫ് എന്നിവർ സ്ഥലം സന്ദർശിച്ചു.