കോതമംഗലം : കോതമംഗലം കെ എസ് ആർ ടി സി യുടെ ജംഗിൾ സഫാരിയുടെ ഒന്നാം വാർഷികാഘോഷം മധ്യമേഖല സോണൽ ഓഫീസർ കെ ടി സെബി അധ്യക്ഷത വഹിച്ച ചടങ്ങ് ആന്റണി ജോൺ എം എൽ എ ഉദ്ഘാടനം ചെയ്തു. കോതമംഗലത്ത് നിന്ന് മാത്രം ഇതുവരെ 315 ട്രിപ്പുകളിലൂടെ 20,956 സംതൃപ്തരായ യാത്രക്കാരിൽ നിന്നും 1,02,80,718 രൂപയുടെ അധിക വരുമാനവും കെ എസ് ആർ ടി സി ക്ക് നേടിക്കൊടുക്കുവാൻ സാധിച്ചിട്ടുണ്ട്.

ജംഗിൾ സഫാരിക്ക് പുറമേ ചതുരംഗപ്പാറ, മലക്കപ്പാറ,നെഫർറ്റിറ്റി ആഡംബര കപ്പൽ യാത്ര,സാഗരറാണി ബോട്ട് യാത്ര,ആലപ്പുഴ ഹൗസ് ബോട്ട് എന്നീ യാത്രകളും കോതമംഗലം കെ എസ് ആർ ടി സി യിൽ നിന്നും നടത്തുന്നുണ്ട്.ചടങ്ങിൽ നെല്ലിക്കുഴി പഞ്ചായത്ത് പ്രസിഡന്റ് പി എം മജീദ്,ക്ലസ്റ്റർ ഓഫീസർ പി എ അഭിലാഷ്,ജനറൽ സി ഐ അനസ് ഇബ്രാഹിം,എം വി ഐ റ്റി എം ഇബ്രാഹിംകുട്ടി,അസിസ്റ്റന്റ് ക്ലസ്റ്റർ ഓഫീസർ കെ ജി ജയകുമാർ,എ റ്റി ഓ ഷിബു എ റ്റി,ആദ്യ യാത്രക്കാരനായിരുന്ന പ്രൊഫ. ബെന്നി ചെറിയാൻ,എ ഡി ഇമാരായ വി പി റഷീദ്,ജോൺസൺ തോപ്പിൽ,എറണാകുളം ബി റ്റി സി കോ ഓർഡിനേറ്റർ ഓ പി അനൂപ്,ട്രേഡ് യൂണിയൻ പ്രതിനിധികളായ എ ഡി സിമോൻ,പ്രീറ്റ്സി പോൾ,എ എൻ രാജേഷ്,കെ പി സാജു,അനസ് മുഹമ്മദ്‌, എറണാകുളം ബി റ്റി സി കോ ഓർഡിനേറ്റർ എൻ ആർ രാജീവ്‌,കെ എസ് ആർ റ്റി സി ജീവനക്കാർ എന്നിവർ സന്നിഹിതരായിരുന്നു.കെ എസ് ആർ ടി സി യുടെ ഏറ്റവും പുതിയ ട്രിപ്പായ കോതമംഗലം – ഗവി ട്രിപ്പ് ഡിസംബർ നാലാം തീയതി മുതൽ ആരംഭിക്കുമെന്ന് എം എൽ എ പറഞ്ഞു.

കോട്ടപ്പടി : നിത്യോപയോഗസാധനങ്ങളുടെ വിലക്കയറ്റത്തിനും,ലഹരിമാഫിയക്കെതിരെ,വന്യമൃഗ ശല്യത്തിൽ സർക്കാരിന്റെ അനാസ്ഥക്കെതിരെ,ഇന്ത്യൻ നാഷണൽ കോൺഗ്രസ്സ് കോതമംഗലം ബ്ലോക്ക്‌ പ്രസിഡന്റ് M. S. എൽദോസ് നയിക്കുന്ന പൗരവിചാരണ യാത്രയുടെ ആദ്യ ദിവസം കോട്ടപ്പടി ഹൈസ്കൂൾ ജംഗ്ഷനിൽ കെപിസിസി വൈസ് പ്രസിഡന്റ് V. P. സജീന്ദ്രൻ ഉദ്ഘാടനം ചെയ്തു. യോഗത്തിൽ K. K. സുരേഷ് അദ്യക്ഷത വഹിച്ചു. യോഗത്തിൽ, A. G. ജോർജ് K. P. ബാബു,P. P. ഉതുപ്പാൻ, എബി അബ്രഹാം, അബു മൊയ്‌ദീൻ, PAM ബഷീർ, റോയ് കെ പോൾ, ഷമീർ പനക്കൻ, പ്രിൻസ് വർക്കി, M. K. വേണു, V. V. കുര്യൻ,ഷൈമോൾ ബേബി ,ഭാനുമതി രാജു,സലിം മംഗലപ്പാറ,A. K സജീവൻ,M. V. റെജി,ലിജോ ജോണി,ജോർജ് വർഗീസ്, അനൂപ് ജോർജ്, സത്താർ വട്ടക്കൂടി, P. R അജി, M. A കരിം, തുടങ്ങിയവർ പ്രസംഗിച്ചു.

കോതമംഗലം : നെല്ലിക്കുഴി പഞ്ചായത്തിലെ കുറ്റിലഞ്ഞിയിൽ പ്രവർത്തിച്ചു കൊണ്ടിരുന്ന എം ഈ എസ് ഇന്റർനാഷണൽ സ്കൂൾ പെട്ടന്ന് കോളേജ് ആയി കൂടി പ്രവർത്തനം ആരംഭിക്കുകയായിരുന്നു. നൂറിന് മുകളിൽ വിദ്യാർത്ഥികൾ പഠിക്കുന്ന വിദ്യാലയത്തിലാണ് ഡിഗ്രി കോഴ്‌സ് കൂടി ആരംഭിച്ചു ഒരേ കെട്ടിടത്തിൽ പ്രവർത്തനം നടന്നത്. ഇതറിഞ്ഞ സ്കൂൾ വിദ്യാർത്ഥികളുടെ മാതാപിതാക്കൾ സംഘടിക്കുകയും എതിർപ്പ് മാനേജ്മെന്റിനെ അറിയിക്കുകയുമായിരുന്നു. അടുത്ത അധ്യയന വർഷംമുതൽ സ്കൂൾ പ്രവർത്തിക്കുന്നതല്ലന്നുള്ള മാനേജ്മെന്റിന്റെ ഭാഗത്തുനിന്നുമുണ്ടായ നിലപാട് രക്ഷകർത്താക്കളെ പ്രകോപിതരാക്കുകയായിരുന്നു.

2016 യിൽ പ്രവർത്തനം തുടങ്ങിയ സ്കൂളിൽ , എം ജി യൂണിവേഴ്സിറ്റിയുടെ സെൽഫ് ഫിനാൻസിങ് കോളേജിന്റെ അഫിലിയേഷൻ നേടിയെടുത്ത് ഡിഗ്രീ കോഴ്‌സ് ആരംഭിക്കുകയായിരുന്നു. പിഞ്ചു കുഞ്ഞുങ്ങളേയും മുതിർന്ന വോട്ടവകാശം വരെയുള്ള വിദ്യാർത്ഥികളെയും ഒരേ കെട്ടിടത്തിൽ ഉൾപ്പെടുത്തി എങ്ങനെയാണ് വിദ്യാഭ്യാസം നൽകുന്നത് എന്ന് ചോദിച്ചതാണ് മാനേജ്മെന്റും രക്ഷകർത്താക്കളുമായി സംഘർഷമുണ്ടാകുവാൻ കാരണമെന്ന് പി റ്റി എ പ്രതിനിധികൾ വ്യക്തമാക്കുന്നു. സ്കൂൾ വിദ്യാർത്ഥികളുടെ തുടർപഠനം ഉറപ്പാക്കുന്ന നടപടികൾ കൈക്കൊള്ളുമെന്നും രക്ഷകർത്താക്കൾ ആശങ്കപ്പെടേണ്ടതില്ലെന്നും മാനേജ്മെന്റ് വ്യക്തമാക്കി.