Connect with us

Hi, what are you looking for?

NEWS

റോഡ് അപകടങ്ങൾ കുറയ്ക്കാൻ നടപടി സ്വീകരിക്കണം : എൽദോസ് കുന്നപ്പിള്ളിൽ എംഎൽഎ

പെരുമ്പാവൂർ :പെരുമ്പാവൂരിലെ മുഖ്യ റോഡുകളിൽ റോഡപകടങ്ങളുടെ നിരക്ക് ഭയാനകമായ വിധത്തിൽ വർദ്ധിച്ചിരിക്കുകയാണെന്ന് എൽദോസ് കുന്നപ്പിള്ളിൽ എംഎൽഎ പറഞ്ഞു .എം സി റോഡിൽ പ്രധാന ജംഗ്ഷനുകളിൽ ഫ്ലൈ ഓവർ സ്ഥാപിക്കുന്നതിന് രണ്ടുവർഷം മുൻപേ പദ്ധതി തയ്യാറാക്കി നൽകിയിരുന്നെങ്കിലും നാമമാത്രമായ തുക മാത്രമാണ് ബഡ്ജറ്റിൽ വകയിരുത്തിയത് .നിരന്തരം അപകടം നടക്കുന്ന ഔഷധി ജംഗ്ഷനിൽ റോഡപകടങ്ങൾ കുറയ്ക്കുന്നതിന് ആവശ്യമായ നടപടികൾ പൊതുമരാമത്ത് വകുപ്പ് സ്വീകരിക്കണമെന്ന് എംഎൽഎ ആവശ്യപ്പെട്ടു .

കഴിഞ്ഞ കുറച്ച് ആഴ്ചകളായി നിരവധി പേരുടെ ജീവനുകളാണ് പെരുമ്പാവൂരിൽ നഷ്ടപ്പെട്ടിരിക്കുന്നത് .ഈ സാഹചര്യത്തിൽ അടിയന്തരമായി ട്രാഫിക് അഡ്വൈസറി കമ്മിറ്റി ചേരുന്നതിന് ബന്ധപ്പെട്ടവർക്ക് എംഎൽഎ നിർദ്ദേശം നൽകി . ആവശ്യമായ ഇടങ്ങളിലെല്ലാം ട്രാഫിക് അടയാളങ്ങളും സുരക്ഷാ മാനദണ്ഡങ്ങൾ പാലിച്ചുകൊണ്ടുള്ള നടപടിക്രമങ്ങളും സ്ഥാപിക്കുവാൻ ബന്ധപ്പെട്ട ഉദ്യോഗസ്ഥർക്ക് നിർദ്ദേശം നൽകിയതായി എൽദോസ് കുന്നപ്പിള്ളിൽ എംഎൽഎ അറിയിച്ചു .
വെങ്ങോല ജംഗ്ഷൻ ,വല്ലം ജംഗ്ഷൻ ഉൾപ്പെടെയുള്ള പെരുമ്പാവൂരിലെ പ്രധാന ജംഗ്ഷനുകളിൽ എല്ലാം സിഗ്നൽ ലൈറ്റുകൾ സ്വകാര്യപങ്കാളിത്തത്തോടെ സ്ഥാപിക്കുന്ന പ്രവർത്തനങ്ങൾ അവസാനഘട്ടത്തിലാ ണെന്നും ,അടുത്ത ആഴ്ചയോടെ ഉദ്ഘാടനത്തിന് സജ്ജമാകുമെന്നും എംഎൽഎ പറഞ്ഞു .

You May Also Like

NEWS

കോതമംഗലം : നെല്ലിക്കുഴി രണ്ടുമാസം മുൻപ് ചിറയിൻകീഴിൽ ഉണ്ടായ വാഹന അപകടത്തിൽ പരിക്കേറ്റ് തിരുവനന്തപുരം മെഡിക്കൽ കോളേജിൽ ചികിത്സയിൽ കഴിഞ്ഞിരുന്ന ആലുവ UC കോളേജ് MBA വിദ്യാർത്ഥിനി മഹാരാഷ്ട്ര സാംഗ്ലി സ്വദേശി ഹനുമന്ത്...

NEWS

കോട്ടപ്പടി : കോട്ടപ്പടി പ്ലാച്ചേരിയിൽ കിണറിൽ വീണ കാട്ടാനയെ തുറന്നുവിടുന്നത് സംബന്ധിച്ച് പഞ്ചായത്ത് സമിതി അംഗങ്ങളുമായി ചർച്ച നടത്തിയാണ് തീരുമാനമെടുത്തത് എന്ന മലയാറ്റൂർ ഡി എഫ് ഒ യുടെ വാദം ശുദ്ധ നുണയെന്ന്...

NEWS

കോട്ടപ്പടി: കോട്ടപ്പടിയിൽ ജനവാസ മേഖലയിലെ കിണറ്റിൽ വീണ ആനയെ കയറ്റിവിട്ടതുമായി ബന്ധപ്പെട്ട് ജനപ്രതിനിധികളും, ആർ ഡി ഒ അടക്കമുള്ള സർക്കാർ ഉദ്യോഗസ്ഥന്മാരും കാണിച്ച കൊടിയ വഞ്ചനക്കെതിരെ കിഫ എറണാകുളം ജില്ലാ കമ്മിറ്റി ശക്തമായ പ്രതിഷേധം...

NEWS

പെരുമ്പാവൂർ : കോട്ടപ്പടിയിൽ കിണറ്റിൽ വീണ ആന ജനങ്ങൾക്ക് ഭീഷണിയായി സമീപപ്രദേശത്ത് തന്നെ തുടരുന്ന അവസ്ഥ സംജാതമായത് ഗുരുതരമായ വീഴ്ചയെന്ന് എൽദോസ് കുന്നപ്പള്ളി എംഎൽഎ കുറ്റപ്പെടുത്തി .ജനപ്രതിനിധികളുടെ സാന്നിധ്യത്തിൽ ആനയെ മയക്കു വെടി...