NEWS
മെഡല് തിളക്കത്തില് ഷിന്ബുക്കാന്

കോതമംഗലം :സൗത്ത് ഇന്ത്യകരാത്തെ ചാമ്പ്യന്ഷിപ്പില് ഷിന്ബുക്കാന് കരാത്തെ താരങ്ങളായ നീതു ജീസ് സീനിയര് വനിതാ വിഭാഗത്തില് +68 കിലോ ഫൈറ്റിങ്ങില് സ്വര്ണ്ണം നേടിയപ്പോള് ആഗനസ് ആഷ്ലിന് കത്ത വിഭാഗത്തില് വെള്ളി മെഡല് നേടി. സബ് ജൂനിയര് ആണ്കുട്ടികളുടെ കത്ത വിഭാഗത്തില് അഭിനവ്കൃഷ്ണ പി വെള്ളി മെഡല് കരസ്ഥമാക്കി. രണ്ട് കുട്ടികളുടെ അമ്മയായ നീതു ജീസ് എനാനല്ലൂര് പുത്തന്പുരക്കല് ജീസിന്റെ ഭാര്യയും, സെന്റ് അഗസ്റ്റ്യന് ഹയര് സെക്കന്ററി ഓഫീസ് സ്റ്റാഫ് കൂടിയുമാണ്. കോതമംഗലം ത്രിക്കാരിയൂര് കുനം മാവുങ്കല് ബൈജുവിന്റേയും സ്മിതയുടെ രണ്ട് മക്കളില് ഒരാളാണ് ആഗനസ് ആഷ്ലിന്. എംഎ ഇംഗ്ലീഷ്് പഠനത്തോടൊപ്പം മൂവാറ്റുപുഴയിലെ നിര്മ്മല പബ്ലിക്, ബ്രൈറ്റ് പബ്ലിക് ,ലിറ്റില് ഫ്ലവര് ,ഗ്രീന് വാലി എന്നീ സ്കൂളുകളിലെ കരാത്തെ പരിശീലക കൂടിയാണ്. 16 വര്ഷമായി കരാത്തെ രംഗത്തുള്ള ആഷ്ലിന് 2014 മുതല് ദേശീയ മത്സരത്തില് പങ്കെടുക്കുകയും മെഡല് നേടുകയും ചെയ്തിട്ടുണ്ട്.
എട്ടാം ക്ലാസ് വിദ്യാര്ത്ഥിയായ അഭിനവ് ത്രിക്കാരിയൂര് വെല്ലൂര് വീട്ടില് പ്രവീണിന്റേയും, കീര്ത്തിയുടേയും രണ്ട് മക്കളില് മൂത്തയാളാണ്. കഴിഞ്ഞ വര്ഷത്തെ ദേശീയ മെഡല് ജേതാവുകൂടിയാണ്.വേള്ഡ് കരാട്ടെ ഫെഡറേഷന് ന്റെ അംഗീകാരമുള്ള കരാട്ടെ ഇന്ത്യന് ഓര്ഗാണൈസേഷന്റെ കേരളാ ഘടകമായ കരാട്ടെ കേരള അസോസിയേഷന് ആണ് സൗത്ത് ഇന്ത്യന് ചാമ്പ്യന്ഷിപ് ഓര്ഗാനിസ് ചെയ്തത്. തിരുവനന്തപുരം ജിമ്മി ജോര്ജ് സ്റ്റേഡിയത്തില് സെപ്റ്റംബര് 9,10 തിയതികളില് നടന്ന മത്സരത്തില് തമിഴ്നാട്, പോണ്ടിച്ചേരി, കര്ണ്ണാടക, തെലുങ്കാന ആന്ദ്രാ പ്രദേശ് തുടുങ്ങിയ സംസ്ഥാനങ്ങളില് നിന്നായി 1300 ല് പരം മത്സരാര്ത്ഥികള് പങ്കെടുത്തു.ഇവരുടെ പരിശീലകന് ഷിന്ബുക്കാന് ഇന്ത്യന് ചീഫും, ഏഷ്യന് കരാട്ടെ ഫെഡറേഷന് ജഡ്ജുമായ ഷീഹാന് രഞ്ജിത്ത് ജോസ് ആണ്.
NEWS
പോലീസ് ഉദ്യോഗസ്ഥനെ വീടിനുള്ളില് തുങ്ങി മരിച്ച നിലയില് കണ്ടെത്തി

മൂവാറ്റുപുഴ: പോലീസ് ഉദ്യോഗസ്ഥനെ വീടിനുള്ളില് തുങ്ങി മരിച്ച നിലയില് കണ്ടെത്തി. കളമശ്ശേരി എ.ആര് ക്യാമ്പിലെ ഡ്രൈവര് എസ്സിപിഒ മുരിങ്ങോത്തില് ജോബി ദാസ്(48)നെയാണ് മരിച്ച നിലയില് കണ്ടെത്തിയത്. റാക്കാട് നാന്തോട് ശക്തിപുരം ഭാഗത്തുള്ള വീട്ടില് ഇന്ന് ഉച്ചയ്ക്ക് 2ഓടെ ജോബി ദാസിനെ തൂങ്ങി മരിച്ച നിലയില് കണ്ടെത്തുകയായിരുന്നു. മൃതദേഹം മൂവാറ്റുപുഴ ജനറല് ആശുപത്രിയില് സൂക്ഷിച്ചിരിക്കുന്ന മൃതദേഹം പോസ്റ്റുമോര്ട്ടത്തിന് ശേഷം ബന്ധുക്കള്ക്ക് വിട്ട് നല്കും. ജോബി ദാസിന്റെതെന്ന് കരുതുന്ന ആത്മഹത്യകുറിപ്പ് പോലീസ് വീട്ടില് നിന്നും കണ്ടെടുത്തു. മരണകാരണം വ്യക്തമല്ല. ഭാര്യ: അശ്വതി. മക്കള്:അദ്വൈധ്, അശ്വിത്.
CRIME
നിർമ്മല കോളേജ് വിദ്യാർത്ഥിനിയെ ബൈക്ക് ഇടിപ്പിച്ച് കൊലപ്പെടുത്തിയ പ്രതിയെ കാപ്പ ചുമത്തി ജയിലിലടച്ചു

മൂവാറ്റുപുഴ: നിർമ്മല കോളേജ് വിദ്യാർത്ഥിനിയെ ബൈക്ക് ഇടിപ്പിച്ച്
കൊലപ്പെടുത്തിയ പ്രതിയെ കാപ്പ ചുമത്തി ജയിലിലടച്ചു. ഏനാനല്ലൂർ
കുഴുമ്പിത്താഴം ഭാഗത്ത്, കിഴക്കെമുട്ടത്ത് വീട്ടിൽ ആൻസൺ റോയ് (23)
യെയാണ് കാപ്പ ചുമത്തി വിയ്യൂർ സെൻട്രൽ ജയിലിൽ അടച്ചത്.
ഓപ്പറേഷൻ ഡാർക്ക് ഹണ്ടിന്റെ ഭാഗമായി ജില്ലാ പോലീസ് മേധാവി
വിവേക് കുമാർ സമർപ്പിച്ച റിപ്പോർട്ടിന്റെ അടിസ്ഥാനത്തിലാണ് നടപടി.
മൂവാറ്റുപുഴ, വാഴക്കുളം എന്നീ പോലീസ് സ്റ്റേഷൻ പരിധികളിൽ
കൊലപാതകശ്രമം, ദേഹോപദ്രവം, അതിക്രമിച്ച് കടന്ന്
നാശനഷ്ടമുണ്ടാക്കുക തുടങ്ങിയ കേസുകളിലും പ്രതിയാണ് ഇയാൾ. 2020
ൽ മൂവാറ്റുപുഴ ചിറപ്പടി ആനിക്കാട് ഭാഗത്ത് ഇയാളും കൂട്ടാളികളും
മയക്ക് മരുന്ന് ഉപയോഗിച്ച് പൊതുജനങ്ങൾക്ക് ബുദ്ധിമുട്ടുണ്ടാക്കുന്നത്
ചോദ്യം ചെയ്ത ഓട്ടോറിക്ഷ ഡ്രൈവറെ കൊലപ്പെടുത്താൻ ശ്രമിച്ച
കേസിലും, 2022 ൽ വാഴക്കുളം മഞ്ഞള്ളൂർ ഭാഗത്തുള്ള ബാറിലെ
ജീവനക്കാരെ കൊലപ്പെടുത്താൻ ശ്രമിച്ച കേസിലും പ്രതിയാണ്. കഴിഞ്ഞ
ജൂലായ് അവസാനം അമിത വേഗതയിലും, അശ്രദ്ധമായും
ലൈസൻസില്ലാതെ ബൈക്ക് ഓടിച്ച് വന്ന് മൂവാറ്റുപുഴ നിർമ്മല
കോളേജിന് മുമ്പിൽ വച്ച് വിദ്യാർത്ഥിനികളായ നമിതയേയും, മറ്റൊരു
ആളെയും ഇടിച്ചു വീഴ്ത്തുകയായിരുന്നു. ഇതിൽ നമിത കൊല്ലപ്പെട്ടു.
കൂടെയുണ്ടായിരുന്ന വിദ്യാർത്ഥിനിക്ക് ഗുരുതര പരിക്കേറ്റു. ഇതിന്
മൂവാറ്റുപുഴ പോലീസ് രജിസ്റ്റർ ചെയ്ത കേസിൽ പ്രതിയായി
മൂവാറ്റുപുഴ സബ് ജയിലിൽ ജുഡീഷ്യൽ കസ്റ്റഡിയിൽ കഴിഞ്ഞ്
വരികെയാണ് കാപ്പ ചുമത്തി സെൻട്രൽ ജയിലിലേയ്ക്ക് മാറ്റിയത്.
കല്ലൂർക്കാട് പോലീസ് ഇൻസ്പെക്ടർ കെ.ഉണ്ണിക്യഷ്ണൻ, സി.പി.
ഒമാരായ ബേസിൽ സ്ക്കറിയ, സേതു കുമാർ, കെ.എം.നൗഷാദ്
എന്നിവരാണ് അറസ്റ്റ് ചെയ്ത് വിയ്യൂർക്ക് മാറ്റിയത്. ഓപ്പറേഷൻ
ഡാർക്ക് ഹണ്ടിന്റെ ഭാഗമായി 89 പേരെ കാപ്പ ചുമത്തി
ജയിലിലടച്ചു. 68 പേരെ നാട് കടത്തി.
NEWS
എം. എ. കോളേജിൽ ലാബ് അസിസ്റ്റന്റ് ഒഴിവ്

കോതമംഗലം: മാർ അത്തനേഷ്യസ് (ഓട്ടോണോമസ് )കോളേജിലെ ബയോസയൻസ് വിഭാഗത്തിലേക്ക് ലാബ് അസിസ്റ്റന്റ്മാരുടെ ഒഴിവുണ്ട്. താല്പര്യമുള്ള യോഗ്യരായവർ ഒക്ടോബർ 9 തിങ്കളാഴ്ച രാവിലെ 10 മണിക്ക് അസ്സൽ സർട്ടിഫിക്കറ്റുമായി എം. എ കോളേജ് അസോസിയേഷൻ സെക്രട്ടറിയുടെ കാര്യാലയത്തിൽ ഹാജരാകണമെന്ന് കോളേജ് പ്രിൻസിപ്പൽ അറിയിച്ചു.
-
CRIME1 week ago
നിരന്തര കുറ്റവാളിയായ കോതമംഗലം സ്വദേശിയെ കാപ്പ ചുമത്തി നാട് കടത്തി
-
NEWS5 days ago
കോതമംഗലം നഗരത്തിലെ വിവിധ ഹോട്ടലുകളിൽ മിന്നൽ പരിശോധന : പഴകിയ ഭക്ഷണസാധനങ്ങൾ പിടിച്ചെടുത്തു.
-
CRIME1 week ago
കോതമംഗലത്ത് വൻ ചീട്ടുകളി സംഘം പിടിയിൽ
-
CRIME1 day ago
നിരന്തര കുറ്റാവാളിയെ കാപ്പ ചുമത്തി നാട് കടത്തി
-
NEWS11 hours ago
പോലീസ് ഉദ്യോഗസ്ഥനെ വീടിനുള്ളില് തുങ്ങി മരിച്ച നിലയില് കണ്ടെത്തി
-
NEWS4 days ago
സഞ്ചാര സ്വാതന്ത്ര്യം തടഞ്ഞ് വനം വകുപ്പ് : മാമലക്കണ്ടത്ത് സംഘർഷാവസ്ഥ
-
NEWS1 week ago
എന്റെ കോതമംഗലം എക്സ്പോ-23 ആരംഭിച്ചു
-
NEWS1 week ago
കാട്ടാന ശല്യം ഉണ്ടായ പ്രദേശങ്ങൾ ആന്റണി ജോൺ എം എൽ എ സന്ദർശിച്ചു