കോതമംഗലം: ബ്ലോക്ക് പഞ്ചായത്തില്‍ പോഷന്‍ മാ- 2023 ബ്ലോക്ക് തല ഉദ്ഘാടനം ബ്ലോക്ക് പഞ്ചായത്ത് പ്രസിഡന്റ് പി.എ.എം. ബഷീര്‍ നിര്‍വഹിച്ചു.വനിത ശിശു വികസന വകുപ്പ് കോതമംഗലം ഐസിഡിഎസ് – ന്റെ നേതൃത്വത്തില്‍ ബ്ലോക്ക് പഞ്ചായത്ത് പരിധിയിലെ ആറ് വയസില്‍ താഴെയുള്ള കുട്ടികള്‍,കൗമാരക്കാരായ പെണ്‍കുട്ടികള്‍ ,പാലൂട്ടുന്ന അമ്മമാര്‍,ഗര്‍ഭണികള്‍,എന്നിവരുടെ ഇടയില്‍ പോഷണ നിലവാരം ഉയര്‍ത്തുക എന്ന ലക്ഷ്യത്തോടെയാണ് പോഷണ്‍ മാ പദ്ധതിയുടെ പ്രവര്‍ത്തനം. പോഷക ആഹാര കുറവുകളെക്കുറിച്ച് ജനങ്ങളെ ബോധവത്കരിച്ചുകൊണ്ട് ആരോഗ്യമുള്ള തലമുറയാണ് ലക്ഷ്യം.സുപോഷിക് ഭാരത്, സാക്ഷര്‍ ഭാരത്,സാക്ഷിത് ഭാരത്, എന്നതാണ് 2023 – ലെ പോഷന്‍ മാ യുടെ പ്രമേയം. 30 വരെ വിവിധ പഞ്ചായത്തുകളില്‍ പോഷന്‍ മാ യുടെ പ്രവര്‍ത്തനങ്ങള്‍ നടക്കും. ബ്ലോക്ക് ഉമ്മന്‍ ചാണ്ടി സ്മാരക ഹാളില്‍ നടന്ന ചടങ്ങില്‍ ബ്ലോക്ക് പഞ്ചായത്ത് വൈസ് പ്രസിഡന്റ് ആനിസ് ഫ്രാന്‍സിസ് അധ്യക്ഷത വഹിച്ചു. പോത്താനിക്കാട് പഞ്ചായത്ത് പ്രസിഡന്റ് ജോസ് വര്‍ഗീസ്, ബ്ലോക്ക് സ്ഥിരം സമനി ചെയര്‍മാന്‍ മാരായ ജോമി തെക്കേക്കര, ജയിംസ് കോറമ്പേല്‍, അംഗങ്ങളായ ഡയാന നോബി, നിസ മോള്‍ ഇസ്മായില്‍,സിഡിപിഒ പി.വി. ഷീല എന്നിവര്‍ പ്രസംഗിച്ചു.
