കോതമംഗലം : കോവിഡ് കാലത്ത് പൊതു ഗതാഗത സൗകര്യങ്ങൾ ഇല്ലാതിരുന്നിട്ടു കൂടി സ്വന്തം സുരക്ഷ പോലും നോക്കാതെ ജനങ്ങളുടെ സുരക്ഷക്കു വേണ്ടി അഹോരാത്രം പണിയെടുത്തു കൊണ്ടിരിക്കുന്ന പോലീസ് ഉദ്യോഗസ്ഥർക്ക് ഒരു ചെറിയ ആശ്വാസം എന്ന നിലയിൽ കോതമംഗലം ആൻ തീയ്യറ്റർ ഉടമ ഇടക്കാട്ടുകുടിയിൽ ജോസഫ് മാത്യു 200 രൂപയുടെ പെട്രോൾ കൂപ്പൺ Petrol challenge campaign ന്റെ ഭാഗമായി കോതമംഗലം പോലീസ് സ്റ്റേഷനിലെ പോലീസ് ഉദ്യോഗസ്ഥർക്ക് നൽകിയിരിക്കുന്നത്. 80 – ഓളം വരുന്ന പോലീസുകാർക്കാണ് ഇതിന്റെ പ്രയോജനം ലഭിക്കുക. കൂപ്പൺ ആൻ തീയേറ്റർ മാനേജർ ബൈജു കോതമംഗലം പോലീസ് ഇൻസ്‌പെക്ടർ ടി.യു യൂനസിന് കൈമാറി.
