പല്ലാരിമംഗലം : ബ്ലോക്ക് പഞ്ചായത്ത് ജീവനി പദ്ധതിയുടെ ഭാഗമായി പല്ലാരിമംഗലം പഞ്ചായത്തിലെ സ്വയം സഹായ സംഘങ്ങൾക്കുള്ള ഇടവിള കൃഷിയുടെ വിത്തുകൾ പല്ലാരിമംഗലം കൃഷി ഭവനിൽ ചേർന്ന യോഗത്തിൽവിതരണം ചെയ്തു. ചേന, മഞ്ഞൾ, ഇഞ്ചി, മധുര കിഴങ്ങ്, ചേമ്പ് എന്നിവയുടെ വിത്തുകളാണ് വിതരണം ചെയ്തത്. പല്ലാരിമംഗലം പഞ്ചായത്ത് പ്രസിഡന്റ് ഖദീജ മുഹമ്മദ് ഉദ്ഘാടനം ചെയ്തു. പഞ്ചായത്ത് വൈസ് പ്രസിഡന്റ് ഒ ഇ അബ്ബാസ് അദ്ധ്യക്ഷത വഹിച്ചു.
ബ്ലോക്ക് പഞ്ചായത്ത് വൈസ് പ്രസിഡന്റ് നിസാ മോൾ ഇസ്മായിൽ, സ്റ്റാന്റിംഗ് കമ്മറ്റി ചെയർ പേഴ്സൺ സീനത്ത് മൈതീൻ ,കൃഷി ഓഫീസർ ഇ എം മനോജ്,കൃഷി അസിസ്റ്റന്റുമാരായ എം എ ഷുക്കൂർ, യു എ ജിമ്സിയ കർഷക പ്രതിനിധികൾ എന്നിവർ പങ്കെടുത്തു.
