Connect with us

Hi, what are you looking for?

NEWS

മാർ ബേസിൽ സ്കൂളിന് ഒരു പാഠപുസ്തകം നഷ്ടമാകുന്നു; പി.ഡി.സുഗതൻ മാഷ് 27 വർഷത്തെ അദ്ധ്യാപക ജീവിതത്തിൽ നിന്നും വിരമിച്ചു.

കോതമംഗലം: മികച്ച അധ്യാപകനുള്ള സംസ്ഥാന അവാർഡ്, മികച്ച സംഘാടകനുള്ള കേരള ഭാഷാ ഇൻസ്റ്റിറ്റ്യൂട്ട് അവാർഡ്, ഓൾ ഇന്ത്യാ അവാർഡീ ടീച്ചേഴ്സ് ഫെഡറേഷന്റെ ഗുരുശ്രേഷ്ഠ പുരസ്കാരം, എ.പി.ജെ.അബ്ദുൾ കലാം എമിനന്റ് ടീച്ചർ അവാർഡ്‌, എൻ.എസ്.എസ്. സംസ്ഥാന അവാർഡ് എന്നീ അവാർഡുകൾ നേടിയിട്ടുള്ള പി.ഡി.സുഗതൻ മാഷ് 27 വർഷത്തെ അദ്ധ്യാപക ജീവിതത്തിൽ നിന്നും വിരമിച്ചു. 1994 ൽ ഹൈസ്കൂൾ അധ്യാപകനായി ജോലിയിൽ പ്രവേശിച്ച് 1999ൽ ഹയർ സെക്കന്ററിയിലെത്തിയ സുഗതൻ മാഷ് 20 21മാർച്ച് 31ന് സർവ്വീസിൽ നിന്നും വിരമിച്ചു.

വിദ്യാഭ്യാസ രംഗത്ത് നിറ സാന്നിദ്ധ്യമായിരുന്ന കോതമംഗലം മാർ ബേസിൽ ഹയർ സെക്കന്ററി സ്കൂളിൽ നിന്നു മാണ് വിരമിക്കുന്നത്. കഴിഞ്ഞ കാൽനൂറ്റാണ്ടുകാലമായി ഹയർ സെക്കന്ററി വിദ്യാഭ്യാസവുമായി ബന്ധപ്പെട്ട നിരവധി മേഖലകളിൽ സ്തുത്യർഹമായ സേവനം സമർപ്പിക്കുവാൻ ഇദ്ദേഹത്തിനായിട്ടുണ്ട്. പഠപുസ്തക നിർമ്മാണ സമിതി, അധ്യാപക സഹായികളുടെ രചന, അധ്യാപക പരിശീലന പദ്ധതി തുടങ്ങിയവയിലെല്ലാം നേതൃത്വപരമായ പങ്കുവഹിച്ചിട്ടുള്ള സുഗതൻ മാഷ് നിരവധി വർഷങ്ങളിൽ എസ്.എസ്.എൽ.സി., പ്ലസ് ടു ചോദ്യപേപ്പർ നിർമ്മാണത്തിലും പങ്കാളിയായിട്ടുണ്ട്. വിവിധ ജില്ലകളിൽ ഹയർ സെക്കന്ററി അധ്യാപകർക്ക് പരിശീലനം നല്കുന്നതിനും ഇദ്ദേഹം നിയോഗിക്കപ്പെട്ടിട്ടുണ്ട്.
മികച്ച അധ്യാപകൻ, പ്രഭാഷകൻ, സംഘാടകൻ എന്നീ നിലകളിലാണ് അദ്ദേഹം തന്റെ മികവു തെളിയിച്ചത്.

ഹയർ സെക്കന്ററി നാഷണൽ സർവീസ് സ്കീം മധ്യമേഖല കോ-ഓർഡിനേറ്ററായി നിയമിതനായ ശേഷം ഇടുക്കി, കോട്ടയം, എറണാകുളം, തൃശൂർ, പാലക്കാട് ജില്ലകളിലെ അഞ്ഞൂറോളം എൻ.എസ്.എസ് യൂണിറ്റുകളുടെ നേതൃത്വം വഹിച്ചിരുന്ന ഇദ്ദേഹം പൊതുജനോപാകരപ്രദമായ നിരവധി പദ്ധതികൾ ആവിഷ്‌ കരിക്കുകയും നടപ്പിലാക്കുകയും ചെയ്തു. എൻ.എസ്.എസ്. നിർമ്മിച്ചു നല്കിയ മുന്നൂറിൽപ്പരം വീടുകളും നൂറു കണക്കിന് ആളുകൾക്ക് നല്കിയ ഉപജീവന മാർഗ്ഗങ്ങളും ഇന്ന് നിരവധി പേർക്ക് അഭയവും ആശ്രയവുമാണ്. പ്രോഗ്രാം ഓഫീസർ, പി.എ.സി. അംഗം, ജില്ലാ കൺവീനർ എന്നീ നിലകളിലും പി.ഡി.സുഗതൻ സേവനമനുഷ്ഠിച്ചിട്ടുണ്ട്.
ഉന്നതസ്ഥാനങ്ങൾ അലങ്കരിക്കുന്ന നൂറു കണക്കിന് ശിഷ്യ സമ്പത്തുള്ള സുഗതൻ മാഷ് പവിത്രമായ ഗുരുശിഷ്യബന്ധത്തിന്റെ ഉത്തമ നിദർശനവുമാണ്. നമ്മുടെ വിദ്യാലയങ്ങളിൽ അസ്തമിച്ചു പോകുന്ന അധ്യപക – വിദ്യാർത്ഥി ബന്ധത്തിന്റെ വിശുദ്ധി കാത്തു സൂക്ഷിച്ച ഒരു തലമുറയുടെ അവസാന കണ്ണിയാണ് സുഗതൻ മാഷിനെപ്പോലുള്ളവരുടെ വിരമിക്കൽ കൊണ്ട് നഷ്ടമാകുന്നത്.

പൂർവ്വ വിദ്യാർത്ഥികളിലൊരാൾ ഫേസ്ബുക്കിൽ കുറിച്ചതുപോലെ സുഗതൻ സാർ വിരമിക്കുമ്പോൾ മാർ ബേസിലിന് ഒരു പാഠപുസ്തകം നഷ്ടമാകുന്നു; കോതമംഗലത്തിന് ഒരു മാതൃകാ അധ്യാപകനെയും . ഇപ്പോൾ കോലഞ്ചേരിക്കു സമീപം വടവുകോട് താമസിക്കുന്ന സുഗതൻ മാഷ് മൂവാറ്റുപുഴ ആനിക്കാട് പടിഞ്ഞാറേൽ ദാമോധരന്റെ യും ദേവകിയുടെ യും മകനാണ്. മാമല എസ്.എൻ.എൽ.പി. സ്കൂൾ ഹെഡ്മിസ്ട്രസ് സിന്ദുവാണ് ഭാര്യ. മക്കൾ :നെവിൽ, നിനിയ, നിവിയ.

You May Also Like

NEWS

കോതമംഗലം: പെരിയാര്‍വാലി കനാലിലേക്ക് കടപുഴകി വീണ തണല്‍മരം മുറിച്ചുനീക്കാന്‍ ആഴ്ചകള്‍ പിന്നിട്ടിട്ടും നടപടിയില്ല. കീരംപാറ – ഭൂതത്താന്‍കെട്ട് റോഡിന്റെ ഓരത്തുനിന്നിരുന്ന തണല്‍മരം മൂന്നാഴ്ച മുന്പാണ് പെരിയാര്‍വാലി കനാലിലേക്ക് കടപുഴകി വീണത്. പാലത്തിന്റെയും റോഡിന്റെയും...

NEWS

പെരുമ്പാവൂര്‍: വേങ്ങൂര്‍ പഞ്ചായത്തില്‍ കൊച്ചുപുരക്കല്‍ ഭാഗത്ത് കാട്ടാനയെ ഷോക്കേറ്റ് ചെരിഞ്ഞ നിലയില്‍ കണ്ടെത്തി. പ്രദേശത്ത് ശനിയാഴ്ച ആന കൂട്ടത്തോടെയിറങ്ങിയിരുന്നു. ഇവയിലൊന്നിനെയാണ് ഇന്നലെ വൈകിട്ട് അഞ്ചോടെ കൊച്ചുപുരക്കല്‍ വളരിയില്‍ ഫ്രാന്‍സീസിന്റെ തോട്ടത്തില്‍ ചെരിഞ്ഞ നിലയില്‍...

NEWS

കോതമംഗലം : കോതമംഗലം സുമംഗല ഫിലിം സൊസൈറ്റിയുടെ ഏകദിന ചലച്ചിത്രമേള പൊതുമരാമത്ത് വകുപ്പ് റസ്റ്റ്‌ ഹൗസ് ഹാളിൽ സംസ്ഥാന ചലച്ചിത്ര അവാർഡ് ജേതാവും പ്രശസ്ത ക്യാമറമാനുമായ മനേഷ് മാധവൻ ഉദ്ഘാടനം നിർവഹിച്ചു ....

NEWS

കോതമംഗലം: ലോക പേപ്പർ ബാഗ് ദിനത്തോടനുബന്ധിച്ച് എം എ കോളേജ് എൻസിസി യുടെ നേതൃത്വത്തിൽ കോളേജ് ജംഗ്ഷനിൽ പ്രവർത്തിക്കുന്ന വിവിധ സ്ഥാപനങ്ങളിൽ പേപ്പർ ബാഗ് വിതരണം ചെയ്തു. സി ടി ഒ ഡോ.രമ്യയുടെ...