കോതമംഗലം: തദ്ദേശ തിരഞ്ഞെടുപ്പ് ലോക്സഭാ ഫലം ആവർത്തിക്കും ഉമ്മൻചാണ്ടി പറഞ്ഞു. യു.ഡി.എഫ്. സർക്കാർ നടപ്പാക്കിയ ജനക്ഷേമകരമായ പദ്ധതികൾ പലതും നിർത്തലാക്കുകയല്ലാതെ എന്ത് വികസന പദ്ധതിയാണ് ഈ സർക്കാർ കൊണ്ടുവന്നതെന്ന് ജനങ്ങളോട് തുറന്നു പറയണമെന്ന് മുൻ മുഖ്യമന്ത്രി ഉമ്മൻചാണ്ടി ആവശ്യപ്പെട്ടു. കോതമംഗലത്ത് യു.ഡി.എഫ്. സ്ഥാനാർഥി സംഗമം ഉദ്ഘാടനം ചെയ്യുകയായിരുന്നു അദ്ദേഹം. ക്ഷേമ പെൻഷനിൽ പോലും ഗുണകരമായ മാറ്റം വരുത്താൻ എൽ.ഡി.എഫ്. സർക്കാരിന് സാധിച്ചിട്ടില്ലെന്നും ഉമ്മൻ ചാണ്ടി പറഞ്ഞു.
![](https://i0.wp.com/kothamangalamnews.com/wp-content/uploads/2024/07/alfalah.jpeg?resize=600%2C750&ssl=1)
യു.ഡി.എഫ്. നിയോജകമണ്ഡലം ചെയർമാൻ ടി.യു. കുരുവിള അധ്യക്ഷനായി. ജോസഫ് വാഴയ്ക്കൻ, കെ.പി. ധനപാലൻ, കെ. ബാബു, അബ്ദുൾ മുത്തലിബ്, ഫ്രാൻസിസ് ജോർജ്, ഷിബു തെക്കുംപുറം, പി.പി. ഉതുപ്പാൻ, എം.എസ്. എൽദോസ് തുടങ്ങിയവർ സംസാരിച്ചു. യു.ഡി.എഫിന്റെ നിയോജക മണ്ഡലത്തിലെ 8 പഞ്ചായത്തുകളിലെ 121 വാർഡ് സ്ഥാനാർഥികളും നഗരസഭയിലെ 31 വാർഡ് സ്ഥാനാർഥികളും ബ്ലോക്ക് പഞ്ചായത്തിലെ 14 ഡിവിഷൻ സ്ഥാനാർഥികളും ജില്ലാ പഞ്ചായത്തിലെ 3 ഡിവിഷൻ സ്ഥാനാർഥികളും കൂടാതെ അവരുടെ തിരഞ്ഞെടുപ്പ് കമ്മിറ്റി ചെയർമാൻമാരും കൺവീനർമാരും ഘടകകക്ഷികളുടെ നിയോജകമണ്ഡലം-ബ്ലോക്ക് തല നേതാക്കളുമാണ് സംഗമത്തിൽ പങ്കെടുത്തത്.
![](https://kothamangalamnews.com/wp-content/uploads/2023/11/kothamangalamnews.png)