Connect with us

Hi, what are you looking for?

NEWS

കോവിഡ്‌ കേസുകള്‍ കൂടുതലായി റിപ്പോര്‍ട്ട്‌ ചെയ്യുന്നു: ജാഗ്രത പാലിയ്ക്കണമെന്ന്‌ താലൂക്ക്‌ വികസന സമിതി

കോതമംഗലം : കോതമംഗലം താലൂക്കിൽ കോവിഡ്‌ കേസുകള്‍ കൂടുതലായി റിപ്പോര്‍ട്ട്‌ ചെയ്യുന്ന സാഹചര്യത്തില്‍ ജനങ്ങള്‍ കൂടുതല്‍ ജാഗ്രത പാലിയ്ക്കണമെന്ന്‌ താലൂക്ക് വികസന സമിതി യോഗം. ബഹുജന പങ്കാളിത്തം കൊണ്ട്‌ ശ്രദ്ധേയമായ സദസ്സായി ഡിസംബര്‍ 10-ലെ കോതമംഗലത്തെ നവകേരള സദസ്സ്‌ മാറി എന്നും സദസ്സിന്റെ വിജയത്തിനായി സഹകരിച്ച ഏവരോടും പ്രത്യേകം നന്ദി രേഖപ്പെടുത്തുന്നതായും ആന്റണി ജോണ്‍ എം.എല്‍.എ യോഗത്തില്‍ പറഞ്ഞു. നവകേരള സദസ്സില്‍ 3911 നിവേദനങ്ങള്‍ ആണ്‌ ലഭിച്ചതെന്നും ഇവയില്‍ എല്ലാം സമയബന്ധിതമായി തീര്‍പ്പാക്കുന്നതിനായുളള നടപടികള്‍ വേഗത്തില്‍ പുരോഗമിക്കുകയാണെന്ന്‌ തഹസില്‍ദാര്‍ റേച്ചല്‍ കെ.വര്‍ഗീസ്‌ യോഗത്തെ അറിയിച്ചു. മാമലക്കണ്ടം- എളംബ്ലാശേരി -കുളത്തികുടി റോഡിലൂടെയുളള ജനങ്ങളുടെ സഞ്ചാര സ്വാതന്ത്രം തടയുന്ന വനം വകുപ്പ്‌ നടപടി അംഗീകരിക്കാന്‍ കഴിയുന്നതല്ലെന്ന്‌ യോഗം ചൂണ്ടിക്കാണിച്ചു. കോട്ടപ്പടി -കൂവകണ്ടം പ്രദേശങ്ങളും ഈ അടുത്തായി വനം വകുപ്പ്‌ ഏര്‍പ്പെടുത്തിയ അനാവശ്യ നിയന്ത്രണങ്ങള്‍ അവസാനിപ്പിക്കണം എന്നും യോഗം നിര്‍ദ്ദേശിച്ചു. വര്‍ദ്ധിച്ചു വരുന്ന ലഹരി വ്യാപനത്തിനെതിരായി എക്സൈസ്‌ പോലീസ്‌ ഡിപ്പാര്‍ട്ട്‌മെന്റുകള്‍ സ്വീകരിച്ച്‌ വരുന്ന നടപടികള്‍ കൂടുതല്‍ കര്‍ശനം ആക്കണമെന്ന്‌ യോഗം നിര്‍ദ്ദേശിച്ചു. പ്രൊഫഷണല്‍ കോളേജുകള്‍ അടക്കമുളള വിദ്യാഭ്യാസ സ്ഥാപനങ്ങളുടെ ഹോസ്റ്റലുകളിലും സ്ഥാപന പരിസരങ്ങളിലും മറ്റ്‌ സ്വകാര്യ ഹോസ്റ്റലുകളിലും പരിസരങ്ങളിലും നിരീക്ഷണവും പരിശോധനയും കര്‍ശനമാക്കണമെന്നും യോഗം നിര്‍ദ്ദേശിച്ചു. രാത്രികാലങ്ങളില്‍ കോതമംഗലം നഗരത്തിലും ഇതുമായി ബന്ധപ്പെട്ട പരിശോധനകള്‍ കര്‍ശനമാക്കണമെന്ന്‌ യോഗം നിര്‍ദ്ദേശിച്ചു. അതിഥി തൊഴിലാളികളുടെ ക്യാമ്പുകളും താമസ സ്ഥലങ്ങളിലും പ്രത്യേകമായ നിരീക്ഷണം വേണമെന്ന്‌ യോഗം തീരുമാനിച്ചു. നിലവില്‍ നടന്നു വരുന്ന ദേശീയപാത നവീകരണ പ്രവര്‍ത്തനങ്ങള്‍ വേഗത്തില്‍ ആക്കണമെന്നും പ്രവര്‍ത്തികള്‍ നടത്തുമ്പോള്‍ വിവിധ വകുപ്പുകളുടെ ഏകോപനം ദേശീയപാത അധികൃതര്‍ ഉറപ്പ്‌ വരുത്തണമെന്നും യോഗം നിര്‍ദ്ദേശിച്ചു. തങ്കളം-കോഴിപ്പിളളി ബൈപാസിന്റെ രണ്ടാം റീച്ചിലെ നിര്‍മ്മാണ പ്രവര്‍ത്തനങ്ങള്‍ വേഗത്തില്‍ നടന്ന്‌ വരുന്നതായും പൊതുമരാമത്ത്‌ വര്‍ക്കിലെ ബഡ്ജറ്റ്‌ വര്‍ക്ക്‌ ഉള്‍പ്പെടെ പുരോഗമിക്കുകയാണെന്നും PWD അധികൃതര്‍ യോഗത്തെ അറിയിച്ചു. തൃക്കാരിയൂര്‍-വേട്ടാമ്പാറ റോഡിന്റെ നവീകരണ പ്രവര്‍ത്തനങ്ങള്‍ ആരംഭിച്ചതായും കലുങ്കുകള്‍ ഉള്‍പ്പെടെയുളള നിര്‍മ്മാണ പ്രവര്‍ത്തനങ്ങള്‍ പുരോഗമിക്കുന്നതായും പൊതുമരാമത്ത്‌ ദേശീയ പാത വിഭാഗം ഉദ്യോഗസ്ഥര്‍ യോഗത്തെ അറിയിച്ചു. വര്‍ക്കുകള്‍ സമയ ബന്ധിതമായി പൂര്‍ത്തീകരിക്കുന്നതില്‍ പൊതുമരാമത്ത്‌, കെ.എസ്‌.ഇ.ബി, വാട്ടര്‍ അതോറിറ്റി എന്നി ഡിപ്പാര്‍ട്ട്‌മെന്റുകളുടെ ഒത്തൊരുമയോടുളള പ്രവര്‍ത്തനം ഉണ്ടാകണമെന്നും എം.എല്‍.എ യോഗത്തില്‍ നിര്‍ദ്ദേശിച്ചു.വന്യ മൃഗ ശല്യം രൂക്ഷമായ പ്രദേശങ്ങളില്‍ ഹാങ്ങിംഗ്‌ ഫെന്‍സ്‌ സ്ഥാപിക്കുന്നതിനുളള നടപടി സംയുക്തമായി പുരോഗമിക്കുകയാണെന്ന്‌ വനം, കൃഷി വകുപ്പ്‌ ഉദ്യോഗസ്ഥര്‍ യോഗത്തെ അറിയിച്ചു. കോട്ടപ്പടി വാവേലിയില്‍ കഴിഞ്ഞ ദിവസം അജ്ഞാത ജീവി വളര്‍ത്തു മൃഗത്തെ ആക്രമിച്ച സംഭവത്തെ തുടര്‍ന്ന്‌ ഈ പ്രദേശത്ത്‌ നിരീക്ഷണം ശക്തമാക്കിയിട്ടുണ്ടെന്നും ആവശ്യമെങ്കില്‍ കൂടടക്കം സ്ഥാപിക്കുന്നതിനുള്ള നടപടി സ്വീകരിക്കുമെന്നും വനംവകുപ്പ്‌ ഉദ്യോഗസ്ഥര്‍ അറിയിച്ചു. കോട്ടപ്പടി മാര്‍ ഏലിയാസ്‌ സ്കൂളിന്‌ സമീപത്തെ വെള്ളക്കെട്ട്‌ പരിഹരിക്കുന്നതിന്‌ പൊതുമരാമത്ത്‌, വാട്ടര്‍ അതോറിറ്റി, ദേശീയപാത പൊതുമരാമത്ത്‌ വിഭാഗം എന്നിവര്‍ സംയുക്തമായി ആവശ്യമായ തുടര്‍ നടപടികള്‍ സ്വീകരിക്കണമെന്ന യോഗം തീരുമാനിച്ചു. പെരിയാര്‍ വാലി- മുവാറ്റുപുഴ വാലി കനാലുകളിലൂടെ ഉളള ജല വിതരണം സാധാരണ നിലയില്‍ ആയിട്ടുണ്ടെന്നും ബന്ധപ്പെട്ട ഉദ്യോഗസ്ഥര്‍ യോഗത്തെ അറിയിച്ചു. സാങ്കേതിക വിദ്യാഭ്യാസ വകുപ്പിന്റെ കോതമംഗലത്തു പ്രവര്‍ത്തിക്കുന്ന മേഖല കാര്യാലയത്തില്‍ നിന്നുളള സേവനങ്ങള്‍ കൂടുതല്‍ കാര്യക്ഷമം ആക്കണമെന്ന്‌ യോഗം നിര്‍ദ്ദേശിച്ചു. കോതമംഗലം താലൂക്ക്‌ ആശുപത്രിയിലെ ഡയാലിസിസ്‌ കം കാഷാലിറ്റി ബ്ലോക്കിന്റെ നിര്‍മ്മാണ പ്രവര്‍ത്തനങ്ങള്‍ പുരോഗമിക്കുന്നതായും 12 കോടി രൂപ കിഫ്ബി ഫണ്ട്‌ ചെലവഴിച്ച്‌ ഉള്ള നിര്‍മ്മാണ പ്രവര്‍ത്തനങ്ങള്‍ ആരംഭിച്ചതായും താലൂക്ക്‌ ആശുപത്രി സൂ പ്രണ്ട്‌ യോഗത്തെ അറിയിച്ചു. പട്ടണത്തിന്റെ പലമേഖലകളിലുമുള്ള അനധികൃത പാര്‍ക്കിംഗിനെതിരെ പോലിസ്‌,മോട്ടോര്‍ വാഹന വകപ്പുകള്‍ പരിശോധന കര്‍ശനമാക്കണമെന്നും യോഗം തീരുമാനിച്ചു. പാതയോരങ്ങളില്‍ വ്യാപകമായി ഡമ്പ്‌ ചെയ്തിട്ടുളള ഇലക്ട്രി ക്ക്‌ പോസ്റ്റുകളെ സംബന്ധിച്ച്‌ കെ.എസ്‌.ഇ.ബി, പൊതുമരാമത്ത്‌ ദേശീയപാത വകുപ്പുകള്‍ ആവശ്യമായ കൂടിയാലോചനകള്‍ നടത്തി വേണ്ട ക്രമീകരണങ്ങള്‍ ചെയ്യണമെന്ന്‌ യോഗം നിര്‍ദ്ദേശിച്ചു പലമേഖലകളിലും നില്‍ക്കുന്ന അപകടകരമായ മരങ്ങള്‍ സമയബന്ധിതമായി മുറിച്ച്‌ മാറ്റുന്നതില്‍ ബന്ധപ്പെട്ട വകുപ്പുകളുടെ കൃത്യമായ ശ്രദ്ധ ഉണ്ടാകണമെന്ന്‌ യോഗം നിര്‍ദ്ദേശിച്ചു. യോഗത്തില്‍ ആന്റണി ജോണ്‍ എം.എല്‍.എ അദ്ധ്യക്ഷത വഹിച്ചു. തഹസില്‍ദാര്‍ റേച്ചല്‍ കെ വര്‍ഗീസ്‌, കോട്ടപ്പടി ഗ്രാമപഞ്ചായത്ത്‌ പ്രസിഡന്റ്‌ മിനി ഗോപി, മുവാറ്റുപുഴ എം.എല്‍.എ.യുടെ പ്രതിനിധി അജു വര്‍ഗീസ്‌, എം.എസ്‌.എല്‍ദോസ്‌, പ്രിന്‍സ്‌ വര്‍ക്കി, തോമസ്‌ തോമ്പ്ര , ഷാ ജന്‍ അമ്പാട്ട്‌, ബേബി പൗലോസ് , വിവിധ വകുപ്പ്‌ മേധാവികള്‍ എന്നിവര്‍ യോഗത്തിൽ പങ്കെടുത്തു.

You May Also Like

NEWS

കോതമംഗലം : നെല്ലിക്കുഴി ഗ്രാമപഞ്ചായത്ത് പ്രസിഡൻ്റിനെതിരെ പ്രതികരിച്ച സ്റ്റുഡിയോ ഉടമയെ പഞ്ചായത്ത് പ്രസിഡൻ്റിൻ്റെ അനുജനും സുഹൃത്തുക്കളും ചേർന്ന് സ്ഥാപനത്തിൽ എത്തി ക്രൂരമായി മർദ്ദിച്ച് അവശനാക്കിയതായി പരാതി. മർദ്ധനമേറ്റനെല്ലിക്കുഴി ഇന്ദിരാ ഗാന്ധി കോളേജ് ജംഗ്ഷനിൽ...

NEWS

കോതമംഗലം : കുളങ്ങാട്ടുകുഴിയിൽ കടുവയുടെ സാന്നിധ്യം സ്ഥിരീകരിക്കപ്പെട്ട പ്രദേശത്ത് രണ്ട് നിരീക്ഷണ ക്യാമറകൾ സ്ഥാപിച്ചിട്ടുണ്ട്. വനാതിർത്തിയിൽ കടുവയുടെ സാന്നിധ്യം പരിശോധിക്കുന്നതിനായി അവിടെയും രണ്ട് നിരീക്ഷണ ക്യാമറകൾ സ്ഥാപിച്ചിട്ടുണ്ട്.കൂടാതെ മേക്കപ്പാല ഫോറസ്റ്റ് സ്റ്റാഫ്, എസ്...

NEWS

കോതമംഗലം: കീരംപാറ പുന്നേക്കാട് – തട്ടേക്കാട് റോഡില്‍ കുറുകെകടന്ന കാട്ടുപന്നി ബൈക്കില്‍ ഇടിച്ച് യാത്രികന് സാരമായ പരിക്കേറ്റു. പുന്നേക്കാട് കളപ്പാറ ചൂരക്കോടന്‍ അഖില്‍ രാജപ്പന്‍ (29) ആണ് പരിക്കേറ്റത്. പുന്നേക്കാട് കളപ്പാറ മാവിന്‍ച്ചോട്...

CHUTTUVATTOM

കോതമംഗലം : കോതമംഗലം മാർ അത്തനേഷ്യസ് കോളേജിൽ പൂർവ വിദ്യാർത്ഥി – അധ്യാപക സംഗമം നടന്നു. കോളേജ് പ്രിൻസിപ്പൽ ഡോ. മഞ്ജു കുര്യൻ സംഗമം ഉദ്ഘാടനം ചെയ്തു. പൂർവ വിദ്യാർത്ഥി സംഘടന പ്രസിഡന്റ്...

CRIME

പെരുമ്പാവൂര്‍: നാലുകിലോ കഞ്ചാവുമായി ഇതര സംസ്ഥാന തൊഴിലാളിയുള്‍പ്പടെ രണ്ടുപേര്‍ പിടിയില്‍. രണ്ടര കിലോ കഞ്ചാവുമായി പശ്ചിമ ബംഗാള്‍ മുര്‍ഷിദാബാദ് സ്വദേശി റോക്കിദാസ് (25), ഒന്നര കിലോയോളം കഞ്ചാവുമായി പുക്കാട്ടുപടി തോട്ടുങ്ങല്‍ പറമ്പില്‍ യദുകൃഷ്ണന്‍...

ACCIDENT

പോത്താനിക്കാട്: ബൈക്കപകടത്തില്‍ പരിക്കേറ്റ് കോട്ടയം മെഡിക്കല്‍ കോളേജില്‍ ചികിത്സയിലായിരുന്ന മധ്യവയസ്‌കന്‍. പൈങ്ങോട്ടൂര്‍ വടക്കേപുന്നമറ്റം കുമ്പകപ്പിള്ളില്‍ സുരേഷ് തങ്കപ്പന്‍ (55) ആണ് മരിച്ചത്. ചൊവ്വാഴ്ച കക്കടാശേരിയില്‍ സുരേഷ് സഞ്ചരിച്ച ബൈക്ക് ബസുമായി കൂട്ടിയിടിക്കുകയായിരുന്നു. സംസ്‌കാരം...

NEWS

കോതമംഗലം :- കോട്ടപ്പടിക്കു സമീപം വാവേലിയിൽ അജ്ഞാത ജീവിയുടെ ആക്രമണത്തിൽ പശുവിനെ കൊല്ലപ്പെട്ട നിലയിൽ കണ്ടെത്തി. പ്രദേശവാസിയായ ചാക്കോയുടെ പശുവിനെയാണ് ചത്തനിലയിൽ കണ്ടെത്തിയത്. സമീപത്ത് വലിയ കാല്പാടുകൾ കണ്ടതിനാൽ കടുവയാണെന്ന് നാട്ടുകാർ സംശയം...

NEWS

കോതമംഗലം: പിണറായി സർക്കാരിന്റെ 2025-26 വർഷത്തെ ബഡ്ജറ്റിൽ കോതമംഗലം മണ്ഡലത്തിലെ 11 സർക്കാർ വിദ്യാലയങ്ങളുടെ വികസനത്തിനായി 1 കോടി രൂപ വീതം അനുവദിച്ചതായി ആന്റണി ജോൺ എം എൽ എ അറിയിച്ചു. ഗവ...

CRIME

കോതമംഗലം :- കോതമംഗലം എക്സൈസ് റേഞ്ച് ഇൻസ്പെക്ടർ സിജോ വർഗീസിൻ്റെ നേതൃത്വത്തിൽ 2.150 കിലോ കഞ്ചാവുമായി രണ്ട് ബംഗാൾ സ്വദേശികളെ അറസ്റ്റ് ചെയ്തു. കോതമംഗലത്ത് വിവിധ ഭാഗങ്ങളിൽ വിൽപ്പനയ്ക്കായി എത്തിച്ച വിപണിയിൽ ഒരുലക്ഷം...

CRIME

കോതമംഗലം : കോതമംഗലം പുതുപ്പാടിയിൽ അനധികൃത മണ്ണെടുപ്പ് ടിപ്പർലോറിയും , മണ്ണ് മാന്തി യന്ത്രവും പൊലീസ് പിടികൂടി. കോതമംഗം സി ഐ പി ടി ബിജോയി എസ് ഐ മൊയ്തീൻകുട്ടി എന്നിവരുടെ നേതൃത്വത്തിലാണ്...

NEWS

കോട്ടപ്പടി : മുട്ടത്തുപാറയിൽ പത്ത് മാസങ്ങൾക്ക് മുമ്പ് സ്വകാര്യ വ്യക്തിയുടെ കിണറിൽ കാട്ടുകൊമ്പൻ വീണതിനെ തുടർന്ന് പ്രതിഷേധം ഉയർത്തിയ നാട്ടുകാർ കോടതി കയറി ഇറങ്ങേണ്ട അവസ്ഥ. ആനയെ കയറ്റി വിടാൻ ഉദ്യോഗസ്ഥരും ഭരണാധികാരികളും...

CRIME

പെരുമ്പാവൂര്‍: വാടകവീട്ടില്‍ ചാക്കില്‍ കെട്ടി സൂക്ഷിച്ച കഞ്ചാവുമായി അന്തര്‍സംസ്ഥാനക്കാരായ ദമ്പതികള്‍ പിടിയിലായി. മുര്‍ഷിദാബാദ് സ്വദേശികളായ മോട്ടിലാല്‍ മുര്‍മു (29), ഭാര്യ ഹല്‍ഗി ഹസ്ദ (35) എന്നിവരാണ് അറസ്റ്റിലായത്.കാഞ്ഞിരക്കാട് വാടകക്ക് താമസിക്കുന്ന വീട്ടില്‍ ചാക്കില്‍...

error: Content is protected !!