കോതമംഗലം: മലയിന്‍കീഴ് ഫാ.ജെ.ബി.എം.യു.പി. സ്‌കൂള്‍ സോഷ്യല്‍ സയന്‍സ് ക്ലബ്ബിന്റെ നേതൃത്വത്തില്‍ 76-ാം സ്വാതന്ത്ര്യ ദിനത്തോടനുബന്ധിച്ച് സ്റ്റാമ്പ് – നാണയം പുരാവസ്തു പ്രദര്‍ശനം നടത്തുന്നു. 9 മുതല്‍ 13 വരെയുള്ള തീയതികളില്‍ ജെ.ബി.എം. സ്‌കൂള്‍ ഓഡിറ്റോറിയത്തില്‍ രാവിലെ മുതല്‍ വൈകിട്ട് 5 വരെയാണ് പ്രദര്‍ശന പരിപാടി. 10000 ല്‍ പരം സ്റ്റാമ്പുകള്‍, 1618-ാം ആണ്ട് മുതലുള്ള നാണയങ്ങള്‍, പഴയകാല തലമുറയുടെ കൈമുതലായിരുന്ന വസ്തുക്കളുടെ അടയാളപ്പെടുത്തലുകള്‍ എന്നിവയെല്ലാം
ചേര്‍ന്നുള്ള ഒരു മെഗാ പ്രദര്‍ശനമാണ് ഒരുക്കിയിരിക്കുന്നത്. ജെ.ബി.എം. സ്കൂളിലെ സോഷ്യല്‍ സയന്‍സ് ക്ലബ്ബിലെ കുട്ടികളും അധ്യാപകരും ചേര്‍ന്നാണ് പ്രദര്‍ശനം ഒരുക്കിയിരിക്കുന്നത്.
