Connect with us

Hi, what are you looking for?

NEWS

പവർ ലിഫ്റ്റിംഗിൽ പവർ ഫുള്ളായി എം. എ അക്കാഡമി.

കോതമംഗലം : ഹൈദരാബാദിൽ നടക്കുന്ന സബ്ജൂനിയർ & ജൂനിയർ എക്യുപ്പ്ഡ് ദേശീയ പവർ ലിഫ്റ്റിങ് ചാമ്പ്യൻഷിപ്പിൽ കേരളത്തെ പ്രതിനിധീകരിച്ച് മാർ അത്തനേഷ്യസ് പവർ ലിഫ്റ്റിങ് അക്കാദമിയിൽ നിന്നും സോനാ ബെന്നി 43 കിലോ ഗ്രാം ജൂനിയർ വിഭാഗത്തിൽ സ്വർണ്ണം നേടി, മിന്നും താരമായി. ഇതിനു പുറമെ അഞ്ജലി പി ആർ 76 കിലോ ഗ്രാം വിഭാഗത്തിലും, ആദിത് എ 74 കിലോ സബ് ജൂനിയർ വിഭാഗത്തിലും വെള്ളി മെഡലുകളും കരസ്ഥമാക്കി. കഴിഞ്ഞ മാസം നടന്ന ഏഷ്യൻ പവർ ലിഫ്റ്റിങ് എക്യുപ്ഡ് ചാമ്പ്യൻഷിപ്പിലും ഇന്ത്യൻ ടീമിനെ പ്രതിനിധീകരിച്ച് എം. എ.കോളേജിൽ നിന്നും മൂന്നു കായിക താരങ്ങൾ പങ്കെടുക്കുകയും അവർ സ്വർണ്ണം കരസ്ഥമാക്കുകയും ചെയ്തിരുന്നു. കഴിഞ്ഞ വർഷത്തെ മഹാത്മാഗാന്ധി സർവ്വകലാശാല പവർ ലിഫ്റ്റിങ്ങിൽ പുരുഷ വിഭാഗത്തിലും വനിതാ വിഭാഗത്തിലും എം. എ.കോളേജ് ചാമ്പ്യന്മാരായിരുന്നു. ഈ വിജയത്തോടെ അത്ലറ്റിക്സിൽ മാത്രമല്ല പവർ ലിഫ്റ്റിങ്ങിലും തങ്ങൾ പവർ ഫുൾ ആണെന്ന് എം. എ. യുടെ മിന്നും താരങ്ങൾ തെളിയിക്കുകയാണ്. വിജയികളെ കോളേജ് അസോസിയേഷൻ സെക്രട്ടറി ഡോ. വിന്നി വർഗീസ്,കോളേജ് പ്രിൻസിപ്പാൾ ഡോ. ഡെൻസിലി ജോസ്, കായിക വിഭാഗം മേധാവി പ്രൊഫ.ഹാരി ബെന്നി എന്നിവർ അഭിനന്ദിച്ചു.

ചിത്രം : ഇടത് നിന്ന് ആദിത് എ, സോനാ ബെന്നി, അഞ്ജലി പി ആർ.

You May Also Like

NEWS

കോതമംഗലം: കോതമംഗലത്ത് സപ്ലൈകോ ഈസ്റ്റര്‍-റംസാന്‍-വിഷു ഫെയര്‍ പേരിന് മാത്രം. 13 (13/4) വരെയാണ് സപ്ലൈകോ ഈസ്റ്റര്‍-റംസാന്‍-വിഷു ഫെയര്‍ നടത്തുന്നത്.ഇത്തവണത്തെ ഫെയര്‍ വലിയ ആകര്‍ഷകമല്ലെന്നുമാത്രം.സബ്‌സിഡി സാധനങ്ങള്‍ പകുതിപോലും ലഭ്യമല്ല.പതിമൂന്ന് ഇനങ്ങളില്‍ നാലെണ്ണം മാത്രമാണ് കോതമംഗലത്തെ...

NEWS

കോതമംഗലം : ചേലാട് കള്ളാട് ഭാഗത്ത് വീട്ടമ്മ കൊല്ലപ്പെട്ട സംഭവത്തിൽ സമീപവാസിയായ ടാപ്പിങ് തൊഴിലാളിയടക്കം രണ്ടുപേർ കസ്റ്റഡിയിൽ. കള്ളാട് ചെങ്ങമനാട്ട് വീട്ടിൽ സാറാമ്മ ഏലിയാസാണ് (72) തിങ്കളാഴ്ച വീടിനുള്ളിൽ കൊല്ലപ്പെട്ടത്. കൊല നടന്ന...

NEWS

കോതമംഗലം: കോതമംഗലത്ത് പന്ത്രണ്ട് പേരെ കടിച്ച നായ്ക്ക് നായക്ക് പേ വിഷബാധയുണ്ടായിരുന്നതായി സ്ഥിരീകരിച്ചു. തിങ്കളാഴ്ച രാവിലെയാണ് നായ ഓടിനടന്ന് ആളുകളെ കടിച്ചത്. നായക്ക് പേ വിഷബാധയുണ്ടായിരുന്നതായാണ് വെറ്റിനറി കോളേജിലെ പരിശോധനയില്‍ തെളിഞ്ഞിരിക്കുന്നത്.നായയുടെ ജഢമാണ്...

NEWS

    കോതമംഗലം : ഇരിങ്ങാലക്കുട ക്രൈസ്റ്റ് കോളേജ് ഏർപ്പെടുത്തിയ ഫാ. ജോയി പീണിക്കപറമ്പിൽ പ്രഥമ ദേശീയ അവാർഡ് ഏറ്റുവാങ്ങി കോതമംഗലം മാർ അത്തനേഷ്യസ് കോളേജ്.കായിക ലോകത്ത് മിന്നിത്തിളങ്ങുന്ന കോളേജിന്റെ 2022 -23...