Connect with us

Hi, what are you looking for?

NEWS

അയർലൻഡ് ലോക്കൽ ബോഡി തെരഞ്ഞെടുപ്പിൽ ഊന്നുകൽ സ്വദേശിക്ക് തകർപ്പൻ ജയം

അയർലൻഡ്: അയർലൻഡിലെ ലോക്കൽ ബോഡി തെരഞ്ഞെടുപ്പിൽ ഊന്നുകൽ സ്വദേശിക്ക് തകർപ്പൻ ജയം. അയർലന്റിലെ ഡബ്ലിൻ സിറ്റി കൗൺസിൽ തെരഞ്ഞെടുപ്പിൽ വിജയകൊടി പാറിച്ചത് ഊന്നുകൽ സ്വദേശിയായ ഫെൽജിൻ ജോസാണ്. ഊന്നുകൽ നമ്പൂരിക്കൂപ്പ് സ്വദേശികളായ പൈനാപ്പിള്ളിൽ ജോസ് സെബാസ്റ്റൃൻ ( ജോയി) കൊച്ചുറാണി ദമ്പതികളുടെ മകനാണ് ഫെൽജിൻ. പതിനെട്ടു വർഷം മുൻപാണ് ജോയിയും കുടുബവും അയർലണ്ടിലേക്ക് കുടിയേറിയത്.

അയർലൻഡിലെ ഡബ്ലിൻ സിറ്റി കൗൺസിൽ കാബ്ര ഡിവിഷനിൽ നിന്നാണ് ഫെൽജിൻ കൗൺസിലിലേക്ക് തെരെഞ്ഞടുക്കപ്പെട്ടത് .ഗ്രീൻ പാർട്ടി സ്ഥാനാർഥിയായിട്ടാണ് ഫെൽജിൻ ജോസ് മത്സരിച്ചത്.

 

ഡബ്ലിൻ ഫിൻഗ്ലസിലാണ് ജോയിയും കുടുബവും താമസിക്കുന്നത്. അയർലണ്ടിലെത്തിയ ആദ്യകാല മലയാളി പ്രവാസികളിൽ പ്രമുഖനാണ് ജോയ്. തങ്ങൾക്ക് ഏറെ സുപരിചിതനായ ജോയുടെ മകൻ തെരഞ്ഞെടുപ്പ് രംഗത്തേക്ക് എത്തിയതോടെ ഏറെ പ്രതീക്ഷയിലായിരുന്നു ഐറിഷ് മലയാളി സമൂഹം.

 

ഭൗതികശാസ്ത്ര ഗവേഷക വിദ്യാർത്ഥിയും, പരിസ്ഥിതി പ്രവർത്തകനുമാണ് ഫെൽജിൻ. ഫെൽജിൻ ചെയർപേഴ്‌സൺ ആയ ഡബ്ലിൻ കമ്മ്യൂട്ടർ കോയലിഷൻ എന്ന ഗ്രൂപ്പ് ഡബ്ലിനിലെ ഗതാഗത മേഖലയ്ക്ക് മികച്ച സംഭാവനകൾ നൽകി ജനശ്രദ്ധ ആകർഷിച്ചിരുന്നു.

You May Also Like

NEWS

കോതമംഗലം:കോതമംഗലം മണ്ഡലത്തിൽ പട്ടികജാതി/വർഗ്ഗ പിന്നോക്ക ക്ഷേമ വകുപ്പ് മന്ത്രിയുടെ ദുരിതാശ്വാസനിധിയിൽ നിന്നും 64 പേർക്കായി 18 ലക്ഷത്തി തൊണ്ണൂറായിരം രൂപയുടെ ചികിത്സാ ധനസഹായം അനുവദിച്ചതായി ആന്റണി ജോൺ എംഎൽഎ അറിയിച്ചു. ചികിത്സ ധന...

NEWS

വടാട്ടുപാറയിൽ വന്യമുഗ ആക്രമണത്തിൽ പശു നഷ്ടപ്പെട്ട ക്ഷീര കർഷകന് അർഹമായ നഷ്ടപരിഹാരം നൽകണമെന്ന് ആം ആദ്മി പാർട്ടി കോതമംഗലം നിയോജക മണ്ഡലം കമ്മിറ്റി ആവശ്യപ്പെട്ടു. ഈ കർക്ഷകന് അടിയന്തരമായി ന്യായമായ നഷ്ട പരിഹാരം...

NEWS

കാലടി :കേരള ജേർണലിസ്റ്റ്സ് യൂണിയൻ (കെ ജെ യു) കാലടി മേഖലാ സമ്മേളനം നടത്തി. ലക്ഷ്മി ഭവൻ ഹാളിൽ നടന്ന സമ്മേളനം ദീപിക കാലടി ലേഖകനും കാലടി ഗ്രാമ പഞ്ചായത്ത് പ്രസിഡൻറുമായ ഷൈജൻ...

NEWS

കോതമംഗലം: എംബിറ്റ്‌സ് എഞ്ചിനീറിങ് കോളജിൽ ഇലക്ട്രിക്കൽ ആൻഡ് ഇലക്ട്രോണിക്സ് എഞ്ചിനീയറിംഗ് വിഭാഗത്തിൽ സ്കോളർഷിപ്പോടുകൂടിയ പഠനത്തിനായി അപേക്ഷ ക്ഷണിച്ചു. ഇലക്ട്രിക്കൽ എഞ്ചിനീയറിംഗ് രംഗത്തെ വിവിധ കമ്പനികൾ സ്പോൺസർ ചെയ്യുന്ന 10 സീറ്റുകളിലേക്ക് ആണ് അപേക്ഷ...