കോതമംഗലം : കുട്ടമ്പുഴ പഞ്ചായത്തിലെ പഴയ ഗവ: ഹൈസ്കൂൾ കെട്ടിടം കാടുകയറി നശിക്കുകയാണ്. സ്കുള് കാടു നിറഞ്ഞും കെട്ടിടത്തിൻ്റെ ഓടുകൾ ഇളകി വീണു നശിക്കുന്നു. 1961 വരെ നല്ല രിതിയിൽ പ്രവർത്തിച്ചിരുന്ന വിദ്യാലയമായിരുന്നു. പുതിയ സ്കൂളും കെട്ടിടവും വന്നതോടെ പഴയത് കാടുകയറി നശിക്കുന്നത്. നിരവതി വിദ്യാർഥികൾ പഠന നടത്തിയ സ്കൂളാണിത്. ഈ സ്കൂളിലിപ്പോൾ പ്രവർത്തനമില്ലങ്കിലും ഇവിടെ നിരവധി പ്രോഗ്രാമും ഓൾഡ് സ്റ്റുഡന്റ്സ് – അധ്യാപകരും ഒത്തുചേരാറുണ്ട്. കഴിഞ്ഞ പഞ്ചായത്ത് ഭരണ സമിതി ഈ സ്കൂൾ നന്നാക്കുവാനുള്ള പല പദ്ധതികളും നടപ്പാക്കിയെങ്കിലും ഒന്നും പ്രയോജനം കണ്ടില്ല .
സ്കുളിൻ്റെ അറ്റകുറ്റപ്പണികൾ നടത്തിയാൽ മനോഹരമായോരു ഓഡിറ്റോറിയമോ സർക്കാർ ഓഫീസോ ആക്കി മാറ്റുവാൻ സാധിക്കുമെന്ന പ്രതിക്ഷയിലാണ് നാട്ടുകാർ. കുട്ടമ്പുഴയിലെ ഈ പഴയ സർക്കാർ വിദ്യാലയം കേടുപാടുകൾ മാറ്റി വൃത്തിയാക്കിയെടുക്കണമെന്നാണ് നാട്ടുകാരുടെ അവശ്യം.
