Connect with us

Hi, what are you looking for?

NEWS

കോതമംഗലം,വാരപ്പെട്ടി വില്ലേജുകളെ ഡിജിറ്റൽ റീ സർവ്വെ പദ്ധതിയുടെ രണ്ടാം ഘട്ടത്തിൽ ഉൾപ്പെടുത്തിയതായി റവന്യൂ വകുപ്പ് മന്തി കെ രാജൻ നിയമസഭയിൽ.

കോതമംഗലം : കോതമംഗലം,വാരപ്പെട്ടി വില്ലേജുകളെ ഡിജിറ്റൽ റീ സർവ്വെ പദ്ധതിയുടെ രണ്ടാം ഘട്ടത്തിൽ ഉൾപ്പെടുത്തിയതായി റവന്യൂ വകുപ്പ് മന്ത്രി കെ രാജൻ നിയമസഭയിൽ വ്യക്തമാക്കി.കോതമംഗലം താലൂക്കിലെ റീ സർവ്വെ നടപടികൾ സംബന്ധിച്ച ആന്റണി ജോൺ എം എൽ എ യുടെ ചോദ്യത്തിന് മറുപടി പറയുമ്പോൾ ആണ് മന്ത്രി ഇക്കാര്യം അറിയിച്ചത്.താലൂക്കിൽ കുട്ടമ്പുഴ ഒഴികെ 12 വില്ലേജുകളിലും റീ സർവ്വെ നടപടികൾ പൂർത്തീകരിച്ചിട്ടില്ല എന്ന കാര്യം എം എൽ എ സഭയുടെ ശ്രദ്ധയിൽ പെടുത്തി.നൂറ് വർഷത്തോളം പഴക്കമുള്ളതും തിരുവിതാംകൂർ രാജാവിന്റെ കാലത്ത് തയ്യാറാക്കിയിട്ടുള്ളതുമായ റെക്കോഡുകളാണ് റീ സർവ്വെ പൂർത്തീകരിക്കാത്ത പന്ത്രണ്ട് വില്ലേജുകളിലും നിലവിലുള്ളതെന്നും ആയതിനാൽ ഭൂമിയുമായി ബന്ധപ്പെട്ട പലതരത്തിലുള്ള ബുദ്ധിമുട്ടുകൾ സ്ഥലമുടമകൾ നേരിടുന്നതും എം എൽ എ  ശ്രദ്ധയിൽ പെടുത്തി.ഒന്നാം ഘട്ടമായി പല്ലാരിമംഗലം വില്ലേജിൽ ആരംഭിച്ചിട്ടുള ഡിജിറ്റൽ റീ സർവ്വെ നടപടികൾ വേഗത്തിൽ പൂർത്തീകരിക്കണമെന്നും,രണ്ടാം ഘട്ടത്തിൽ താലൂക്കിലെ കൂടുതൽ വില്ലേജുകളെ ഡിജിറ്റൽ റീ സർവ്വെയിൽ ഉൾപ്പെടുത്തണമെന്നും  എം എൽ എ നിയമസഭയിൽ ആവശ്യപ്പെട്ടു.

സംസ്ഥാനത്ത് 918 വില്ലേജുകളിൽ മാത്രമാണ് റീ സർവ്വെ പൂർത്തിയാക്കിയിട്ടുള്ളത്.റീ സർവ്വെ പൂർത്തിയാകാത്ത വില്ലേജുകളിൽ ലഭ്യമായ ഓൾഡ്  സർവ്വെ റെക്കോഡുകൾ പ്രകാരമാണ് റവന്യൂ ഭരണം നടത്തി വരുന്നത്.റീ സർവ്വെ പൂർത്തിയാകാത്ത വില്ലേജുകളിൽ എല്ലാ ഭൂമികളുടയും മാപ്പുകൾ ലഭ്യമല്ലാത്തതാണ്.ഭൂ ഉടമസ്ഥർക്ക് വിവിധ ആവശ്യങ്ങൾക്കായി തങ്ങളുടെ ഭൂമി ഈട് വച്ച് സാമ്പത്തിക ആവശ്യങ്ങൾ ഉൾപ്പെടെയുള്ള ആനുകൂല്യങ്ങൾ നേടുന്നതിന് നാളതീകരിച്ച മാപ്പ് ആവശ്യമാണ്.ഇത്തരത്തിൽ റീ സർവ്വെ റിക്കാഡുകൾ ലഭ്യമല്ലാത്ത വില്ലേജുകളിൽ പല തരത്തിലുമുള്ള ബുദ്ധിമുട്ടുകൾ സ്ഥലം ഉടമകൾ നേരിടുന്നത് ശ്രദ്ധയിൽ പെട്ടിട്ടുണ്ട്.ആയതിനാലാണ് സംസ്ഥാനത്ത് 4 വർഷക്കാലം കൊണ്ട് പൂർത്തീകരിക്കുന്ന ഡിജിറ്റൽ റീ സർവ്വെ നടപടികൾക്ക് സർക്കാർ തുടക്കം കുറിക്കുന്നത്.807.98 കോടി രൂപയുടെ പദ്ധതിക്ക് തത്വത്തിൽ അംഗീകാരം നല്കി.ആദ്യ ഘട്ടത്തിനായി 339.438 കോടി രൂപയുടെ ഭരണാനുമതി നല്കിയിട്ടുണ്ട്.ഡിജിറ്റൽ റീ സർവ്വെ പൂർത്തീകരിക്കുന്നതോടെ ഇത്തരം ബുദ്ധിമുട്ടുകൾക്ക് ശാശ്വത പരിഹാരം ഉണ്ടാകുന്നതാണ്.ഡിജിറ്റൽ റീ സർവ്വെ പദ്ധതിയുടെ ഭാഗമായി ഒന്നാം ഘട്ടത്തിൽ തെരെഞ്ഞെടുത്തിട്ടുള്ള 200 വില്ലേജുകളിൽ കോതമംഗലം താലൂക്കിലെ പല്ലാരിമംഗലം വില്ലേജിനേയും,രണ്ടാം ഘട്ടത്തിൽ കോതമംഗലം,വാരപ്പെട്ടി വില്ലേജുകളെ ഉൾപ്പെടുത്തിയിട്ടുള്ളതാണ്.

ഒന്നാം ഘട്ടത്തിൽ ഉൾപ്പടുത്തിയിട്ടുള്ള പല്ലാരിമംഗലം വില്ലേജിന്റെ പ്രാരംഭ ഘട്ടത്തിലെ റെക്കോഡുകൾ കളക്ഷനുമായി ബന്ധപ്പെട്ട metadata യും,സ്കാനിങ്ങ് ജോലികൾ പൂർത്തി ആയിട്ടുള്ളതാണ്.ഡിജിറ്റൽ റീ സർവ്വെ പദ്ധതിയുടെ രണ്ടാം ഘട്ടത്തിൽ കോതമംഗലം,വാരപ്പെട്ടി വില്ലേജുകളെ ഉൾപ്പെടുത്തിയിടുണ്ട്.ഡിജിറ്റൽ സർവ്വെയുടെ തുടർന്നുള്ള ഘട്ടങ്ങളിൽ കോതമംഗലം താലൂക്കിൽ നിന്നും കൂടുതൽ വില്ലേജുകളെ ഉൾപ്പെടുത്തി റീ സർവ്വെ പൂർത്തിയാക്കുന്നതിനുള്ള നടപടികൾ സ്വീകരിച്ച് വരുന്നതായും റവന്യൂ വകുപ്പ് മന്ത്രി കെ രാജൻ ആന്റണി ജോൺ എം എൽ എ യെ നിയമ സഭയിൽ അറിയിച്ചു.

You May Also Like

NEWS

കോതമംഗലം :കോതമംഗലം മണ്ഡലത്തിൽ പുതിയ മുൻഗണന കാർഡുകൾ വിതരണം ചെയ്തു. 240 മുൻഗണന കാർഡുകളുടെ വിതരണ ഉദ്ഘാടനം ആന്റണി ജോൺ എം എൽ എ നിർവഹിച്ചു .താലൂക്ക് കോൺഫറൻസ് ഹാളിൽ ചേർന്ന ചടങ്ങിൽ...

NEWS

കോതമംഗലം :പിണ്ടിമന ഹെൽത്ത് സെന്ററിന്റെ ഈവനിംഗ് ഒ പി വിഭാഗത്തിന്റെ ഉദ്ഘാടനം ആന്റണി ജോൺ എം എൽ എ നിർവ്വഹിച്ചു .പഞ്ചായത്ത് പ്രസിഡന്റ് ജസി സാജു അദ്ധ്യക്ഷയായി .വൈസ് പ്രസിഡന്റ് ജയ്സൺ ദാനിയൽ...

NEWS

കോതമംഗലം : കോതമംഗലം മാർ ബേസിൽ ഹയർ സെക്കൻഡറി സ്കൂളിൽ 88-)0 വാർഷികവും സ്തുത്യർഹമായ സേവനത്തിനു ശേഷം വിരമിക്കുന്ന അദ്ധ്യാപകർക്ക് യാത്രയയപ്പും, പഠന- കലാ-കായിക പ്രതിഭകൾക്ക് പുരസ്കാര വിതരണവും നടത്തി. വി. മാർ...

NEWS

കോതമംഗലം: മണ്ഡലതല നവകേരള സദസ്സിന് വൻ ജനപിന്തുണയാണ് ലഭിച്ചതെന്ന് ആന്റണി ജോൺ എം.എൽ.എ പറഞ്ഞു. പരിപാടിയിൽ അധ്യക്ഷത വഹിച്ചു സംസാരിക്കുകയായിരുന്നു അദ്ദേഹം. കോതമംഗലത്തിന്റെ ചരിത്രത്തിലെ ഏറ്റവും വലിയ പൗരാവലിയാണ് നവകേരള സദസ്സ് വേദിയിൽ...