കോതമംഗലം : കോവിഡ് വ്യാപനം അതിരൂക്ഷമായ സാഹചര്യത്തിൽ കോതമംഗലത്തെ മുഴുവൻ വ്യാപാര സ്ഥാപനങ്ങൾക്കും ഇന്ന് ചൊവ്വാഴ്ച്ച മുതൽ നിയന്ത്രണം. കോതമംഗലം എം എൽ എ ആന്റെണി ജോണിന്റെ നേതൃത്വത്തിൽ നഗരസഭയിൽ വിളിച്ച് ചേർത്ത യോഗത്തിൽ, പോലീസ്, ആരോഗ്യ, വിലേജ് വകുപ്പ് അധികൃതർ, ജനപ്രതിനിധികൾ, വ്യാപാര പ്രതിനിധികൾ എന്നിവർ പങ്കെടുത്തു സംസാരിച്ചു. ഇന്ന് മുതൽ മെയ് 9 വരെ അവശ്യ സാധനങ്ങൾ വിൽക്കുന്ന കടകളും പാഴ്സൽ നൽകുന്ന ഹോട്ടലുകൾ വൈകിട്ട് 5 വരെയും മാർക്കറ്റിലെ പഴം,പച്ചക്കറി, പലവ്യഞ്ജന മൊത്തവിതണക്കാർ രാവിലെ 10 വരെയും തുറന്ന് പ്രവർത്തിക്കുവാൻ തീരുമാനമെടുത്തു.
മറ്റൊരു വ്യാപാര സ്ഥാപനങ്ങളും തുറന്ന് പ്രവർത്തിക്കരുതെന്ന് പോലിസ് അധികാരികൾ അറിയിച്ചു. യോഗത്തിൽ വൈസ് ചെയർ പേഴ്സൻ സിന്ധു ഗണേശ്, കെ എ നൗഷാദ്, കെ വി തോമസ്, എ ജി ജോർജ് , സി.ഐ അനിൽ റാവുത്തർ, വില്ലേജ് ഓഫിസർ അനിൽ വർമ്മ, വ്യാപാര പ്രതിനിധികളായി എം യു അഷ്റഫ്, പി എച്ച് ഷിയാസ്, സേവ്യർ , മൈതീൻ, നൗഷാദ്, രാജു ടി എസ് തുടങ്ങിയവർ പങ്കെടുത്തു.
