NEWS
താലൂക്കിൽ ഡെങ്കിപ്പനി പ്രതിരോധ പ്രവർത്തനങ്ങൾ ശക്തമാക്കാൻ തീരുമാനം

കോതമംഗലം : കോതമംഗലം താലൂക്കിൽ ഡെങ്കിപനി പ്രതിരോധ പ്രവർത്തനങ്ങൾ ശക്തമാക്കാൻ താലൂക്ക് വികസന സമിതി യോഗം തീരുമാനിച്ചു.കോതമംഗലം വികസന സമിതി യോഗം ആന്റണി ജോൺ എം എൽ എ യുടെ അധ്യക്ഷതയിൽ മിനി സിവിൽ സ്റ്റേഷൻ ഹാളിൽ വച്ച് ചേർന്നു. ഒഡീഷയിൽ ട്രെയിൻ അപകടത്തിൽ മരിച്ചവരുടെ വേർപാടിൽ യോഗം അനുശോചനം രേഖപ്പെടുത്തി. കോതമംഗലം താലൂക്കിൽ ഡെങ്കി കേസുകൾ കൂടുതലായി റിപ്പോർട്ട് ചെയ്യുന്നതായും,ഡെങ്കി പടരാതിരിക്കാൻ ജനങ്ങൾ കൃത്യമായ ജാഗ്രത പാലിക്കണമെന്നും താലൂക്ക് ആശുപത്രി സൂപ്രണ്ട് ഡോക്ടർ സാം പോൾ അഭിപ്രായപ്പെട്ടു. പൊതു ഇടങ്ങളിലും,വീടുകളിലും, പരിസരങ്ങളിലും വെള്ളം കെട്ടിക്കിടന്ന് കൊതുക് വളരാനുള്ള സാഹചര്യം ഉണ്ടാകാതിരിക്കാൻ എല്ലാവരുടെയും കൃത്യമായ ശ്രദ്ധ ഉണ്ടാകണമെന്ന് സൂപ്രണ്ട് അഭിപ്രായപ്പെട്ടു. ആരോഗ്യവകുപ്പിന്റെയു, തദ്ദേശസ്വയംഭരണ സ്ഥാപനങ്ങളുടെയും, പൊതുജനങ്ങളുടെയും, സഹകരണത്തോടെ ഡെങ്കി പ്രതിരോധ പ്രവർത്തനങ്ങൾ ശക്തമാക്കാൻ യോഗം തീരുമാനിച്ചു.
കഴിഞ്ഞ ദിവസങ്ങളിൽ താലൂക്കിന്റെ വിവിധ പ്രദേശങ്ങളിൽ വേനൽ മഴയിലും കാറ്റിലും ഉണ്ടായ കൃഷിനാശത്തിന് നഷ്ടപരിഹാരം നൽകുന്നതിനുള്ള നടപടികൾ വേഗത്തിലാക്കണമെന്ന്കൃഷി വകുപ്പ് അധികൃതർക്ക് എം എൽ എ നിർദ്ദേശം നൽകി. കമ്പനിപ്പടി ഭാഗത്ത് അടിയന്തരമായി ട്രാൻസ്ഫോർമർ സ്ഥാപിക്കുന്നതിനുള്ള പ്രവർത്തനങ്ങൾ കെ എസ് ഇ ബി അധികൃതർ സ്വീകരിക്കേണ്ടതാണെന്ന് യോഗം നിർദ്ദേശിച്ചു. കോതമംഗലം താലൂക്കിന് കീഴിൽ നടന്ന അദാലത്തിൽ ലഭിച്ച എല്ലാ അപേക്ഷകളിലും പരിഹാരം സ്വീകരിച്ചിട്ടുള്ളതായും ഇതിലേക്ക് എല്ലാ വകുപ്പുകളും മികച്ച പ്രവർത്തനം കാഴ്ച വെച്ചിട്ടുള്ളതാണെന്നും യോഗം വിലയിരുത്തി. മഴക്കാലം മുന്നൊരുക്കം എന്ന നിലയിൽ ഒട്ടുമിക്ക റോഡുകളുടെയും നിർമ്മാണ അറ്റകുറ്റപ്പണികൾ എല്ലാം തന്നെ ചെയ്തു തീർന്നിട്ടുള്ളതായി പി ഡബ്ല്യു ഡി വിഭാഗം അധികൃതർ യോഗത്തിൽ അറിയിച്ചു.
അധ്യയന വർഷം ആരംഭിച്ച സാഹചര്യത്തിൽ വിദ്യാർത്ഥികളുടെ സുരക്ഷിത യാത്ര ഉറപ്പ് വരുത്തുന്ന നടപടികൾ പോലീസ്, മോട്ടോർ വാഹന വകുപ്പും ജാഗ്രതയോടെ ശ്രദ്ധിക്കണമെന്നും അഭിപ്രായപ്പെട്ടു. മുൻസിപ്പാലിറ്റി,പഞ്ചായത്ത് ഭാഗങ്ങളിൽ കഴിഞ്ഞ ദിവസങ്ങളിലെ കാറ്റിലും മഴയിലും മരങ്ങളും പറഞ്ഞ് വീണിരുന്ന വിവരം യോഗം ചർച്ച ചെയ്തു.റോഡ് വശങ്ങളിൽ അപകടകരമായ നിൽക്കുന്ന വൻമരങ്ങൾ ഭീഷണിയായി നിൽക്കുന്നത് അടിയന്തരമായി നീക്കം ചെയ്ത് ജനങ്ങളുടെ ജീവനും സ്വത്തിനും സംരക്ഷണം നൽകേണ്ടതായും യോഗം ചർച്ച ചെയ്തു.വാട്ടർ അതോറിറ്റിയുടെ പൈപ്പുകൾ പൊട്ടുന്നത് ശ്രദ്ധയിൽപ്പെട്ടിട്ടുള്ളതും അതിന് ഒരു ശാശ്വത പരിഹാരം കാണേണ്ടതായും യോഗം വാട്ടർ അതോറിറ്റിക്ക് നിർദ്ദേശം നൽകി. റോഡുകളിൽ ഉള്ള ഡ്രെയിനേജുകൾ അടിയന്തരമായി വൃത്തിയാക്കി സ്ലാബില്ലാത്ത ഭാഗങ്ങൾ സ്ലാബിട്ട് അപകട ഭീഷണി ഒഴിക്കേണ്ടതായി പി ഡബ്ലിയു ഡി വിഭാഗത്തിന് നിർദ്ദേശം നൽകി.
ആലുവ – കോതമംഗലം നാലുവരി പാത നിർമ്മാണം സംബന്ധിച്ച് യോഗം ചർച്ച ചെയ്തു. ഇരമല്ലൂർ വില്ലേജിലെ ന്യായവില കൂടുതലാണെന്ന് യോഗം ചർച്ച ചെയ്തു. ന്യായവില മറ്റ് വില്ലേജുകളിലെ സംബന്ധിച്ച കൂടുതലാണെന്നും ന്യായവില കുറയ്ക്കുന്നതിനുള്ള നടപടികൾ ആർ ഡി ഒ തലത്തിൽ സ്വീകരിച്ചു വരുന്ന നടപടികൾ യോഗത്തിൽ അഭിപ്രായമുയർത്തി. പിണ്ടിമന പഞ്ചായത്തിലെ അടിയോടിയിൽ നിർമാണത്തിലിരിക്കുന്ന ഓക്സിജൻ പാർക്കിന്റെ നിർമ്മാണ പ്രവർത്തനങ്ങൾക്ക് പെരിയാർവാലിയിൽ നിന്നും അനാവശ്യ തടസങ്ങൾ ഉണ്ടായിരിക്കരുതെന്ന് യോഗം നിർദേശം നൽകി . ചർച്ച ചെയ്ത വിഷയങ്ങളിൽ എല്ലാം ബന്ധപ്പെട്ട വകുപ്പുകൾ സമയബന്ധിതമായി തന്നെ നടപടികൾ സ്വീകരിക്കേണ്ടതായി എം എൽ എ യോഗ അംഗങ്ങളെ അറിയിച്ചു.
നെല്ലിക്കുഴി പഞ്ചായത്ത് പ്രസിഡന്റ് പി എം മജീദ്, ജില്ലാ പഞ്ചായത്ത് മെമ്പർമാരായ കെ കെ ദാനി, റഷീദ് സലിം,റാണിക്കുട്ടി ജോർജ്,കോതമംഗലം നഗരസഭ വികസന കാര്യ സ്റ്റാൻഡിങ് കമ്മിറ്റി ചെയർമാൻ കെ എം നൗഷാദ്,കോതമംഗലം തഹസിൽദാർ റേച്ചൽ കെ വർഗീസ്, രാഷ്ട്രീയ പ്രതിനിധികൾ,വിവിധ വകുപ്പ് മേധാവികൾ എന്നിവർ യോഗത്തിൽ പങ്കെടുത്തു.
NEWS
ഭൂതത്താന്കെട്ടില് റിസോര്ട്ടിന് പിന്വശത്തുനിന്നും കൂറ്റൻ രാജവെമ്പാലയെ പിടികൂടി

കോതമംഗലം: ഭൂതത്താന്കെട്ടില് റിസോര്ട്ടിന് പിന്വശത്തുനിന്നും കൂറ്റൻ രാജവെമ്പാലയെ പിടികൂടി.പാമ്പ് പിടുത്തത്തില് വിദഗ്ദാനായ മാര്ട്ടിന് മേക്കമാലിയാണ് രാജവെമ്പാലയെ പിടിച്ചത്.പൂന്തോട്ടത്തിലെ ചെടിയുടെ മുകളിലായിരുന്നു രാജവെമ്പാല.സ്റ്റിക്കുകൊണ്ട് പിടികൂടാൻ കഴിയാതെവന്നതോടെ കൈകള്കൊണ്ട് സാഹസീകമായാണ് മാര്ട്ടിന് മേക്കമാലി രാജവെമ്പാലയെ കീഴടക്കിയത്. പന്ത്രണ്ടടിയോളം നീളവും പത്ത് കിലോയിലേറെ ഭാരവുമുള്ള ഭീമന് രാജവെമ്പാലയാണ് പിടിയിലായത്.ഒരാഴ്ചയായി പാമ്പിനെ പ്രദേശത്ത് കണ്ടിരുന്നു.എന്നാല് പിടിക്കാന് കഴിയുന്ന സാഹചര്യമായിരുന്നില്ല.അനൂകൂലമായ സാഹചര്യം ഒത്തുവന്നതോടെയാണ് വനപാലകരുടെ നിര്ദേശപ്രകാരം മാര്ട്ടിന് ദൗത്യം ഏറ്റെടുത്തത്.രാജവെമ്പാലയെ തട്ടേക്കാട് പക്ഷിസങ്കേതത്തിലെ കൂട്ടിലേക്ക് മാറ്റി സൂക്ഷിച്ചിരിക്കുകയാണ്.ഏതാനും ആഴ്ച നിരീക്ഷിച്ചശേഷം വനത്തില് തുറന്നുവിടാനാണ് തീരുമാനം.
CRIME
നെല്ലിക്കുഴിയില് ഡിവൈഎഫ്ഐ മേഖലാ പ്രസിഡന്റിന് ലഹരിമാഫിയ സംഘത്തിന്റെ കുത്തേറ്റു

കോതമംഗലം: നെല്ലിക്കുഴിയില് ഡിവൈഎഫ്ഐ മേഖലാ പ്രസിഡന്റ് അജ്മല് സലിമിന് ലഹരിമാഫിയ സംഘത്തിന്റെ കത്തിക്കുത്തേറ്റു.
തിങ്കളാഴ്ച രാത്രിയാണ് സംഭവം. അജ്മല് കോതമംഗലത്ത് ആശുപത്രയില് ചികിത്സയിലാണ്.ലഹരിമാഫിയിയില്പ്പെട്ടവരാണ് അക്രമികള് എന്ന് അജ്മല് പറഞ്ഞു.അന്യസംസ്ഥാന തൊഴിലാളികളെ അകാരണമായി മര്ദ്ധിക്കുന്നത് കണ്ട് ചോദ്യംചെയ്ത നാട്ടുകാരായ ചിലരേയാണ് പ്രതീകള് ആദ്യം ആക്രമിച്ചത്.അവരെ രക്ഷിക്കാന് ശ്രമിക്കുന്നതിനിടെ പ്രതികള് പിടിച്ചുനിറുത്തി തന്നെ കുത്തുകയായിരുന്നുവെന്ന് അജ്മല് പറഞ്ഞു.അജ്മലിന്റെ വയറിനോട് ചേര്ന്നാണ് കുത്തേറ്റത്.രക്തം വാര്ന്നൊഴുകിയിരുന്നു.ഉടന് ആശുപത്രിയിലെത്തിച്ചതിനാല് അപകടനില തരണം ചെയ്തു.കോതമംഗലം പോലീസ് കേസെടുത്ത് അന്വേഷണം ആരംഭിച്ചു.
CRIME
നിരന്തര കുറ്റാവാളിയെ കാപ്പ ചുമത്തി നാട് കടത്തി

പെരുമ്പാവൂർ: നിരന്തര കുറ്റാവാളിയെ കാപ്പ ചുമത്തി നാട് കടത്തി. വെങ്ങോല അല്ലപ്ര
ചിറ്റേത്തുകുടി മാഹിൻ (പുരുഷു മാഹിൻ 28) നെയാണ് കാപ്പ ചുമത്തി 6
മാസത്തേക്ക് നാട് കടത്തിയത്. ഓപ്പറേഷൻ ഡാർക്ക് ഹണ്ടിന്റെ ഭാഗമായി ജില്ല
പോലീസ് മേധാവി വിവേക് കുമാർ സമർപ്പിച്ച റിപ്പോർട്ടിന്റെ
അടിസ്ഥാനത്തിൽ എറണാകുളം റേഞ്ച് ഡി ഐ ജി പുട്ട വിമലാദിത്യയാണ്
ഉത്തരവിട്ടത്. പെരുമ്പാവൂർ തടിയിട്ടപറമ്പ്, കാലടി പോലീസ് സ്റ്റേഷൻ
പരിധികളിൽ അടിപിടി, ഭീഷണിപ്പെടുത്തൽ, ന്യായ വിരേധമായി സംഘം ചേരൽ,
മയക്കുമരുന്ന്തുടങ്ങി നിരവധി കേസുകളിൽ പ്രതിയാണ്. കഴിഞ്ഞ ജൂലായ്,
ആഗസ്റ്റ് മാസങ്ങളിൽ പെരുമ്പാവൂർ പോലീസ് രജിസ്റ്റർ ചെയ്ത 2 അടി പിടി
കേസുകളിൽ പ്രതിയായതിനെ തുടർന്നാണ് നടപടി. ഓപ്പറേഷൻ ഡാർക്ക്
ഹണ്ടിന്റെ ഭാഗമായി ഇതുവരെ 68 പേരെ നാട് കടത്തി. 88 പേരെ കാപ്പ ചുമത്തി
ജയിലിലടച്ചു.
-
CRIME1 week ago
നിരന്തര കുറ്റവാളിയായ കോതമംഗലം സ്വദേശിയെ കാപ്പ ചുമത്തി നാട് കടത്തി
-
NEWS5 days ago
കോതമംഗലം നഗരത്തിലെ വിവിധ ഹോട്ടലുകളിൽ മിന്നൽ പരിശോധന : പഴകിയ ഭക്ഷണസാധനങ്ങൾ പിടിച്ചെടുത്തു.
-
CRIME1 week ago
കോതമംഗലത്ത് വൻ ചീട്ടുകളി സംഘം പിടിയിൽ
-
NEWS4 days ago
സഞ്ചാര സ്വാതന്ത്ര്യം തടഞ്ഞ് വനം വകുപ്പ് : മാമലക്കണ്ടത്ത് സംഘർഷാവസ്ഥ
-
CRIME19 hours ago
നിരന്തര കുറ്റാവാളിയെ കാപ്പ ചുമത്തി നാട് കടത്തി
-
NEWS1 week ago
എന്റെ കോതമംഗലം എക്സ്പോ-23 ആരംഭിച്ചു
-
NEWS7 days ago
കാട്ടാന ശല്യം ഉണ്ടായ പ്രദേശങ്ങൾ ആന്റണി ജോൺ എം എൽ എ സന്ദർശിച്ചു
-
NEWS5 days ago
ഷീ കൗണ്ടർ പ്രവർത്തനം ആരംഭിച്ചു