Connect with us

Hi, what are you looking for?

EDITORS CHOICE

ഏഴ് പതിറ്റാണ്ടത്തെ സേവനത്തിന് ശേഷം പുളിന്താനം പാലം ഓർമ്മയാകുന്നു.

കോതമംഗലം : എഴുപത്തിരണ്ട് വർഷം മുമ്പ് നിർമ്മിച്ച പുളിന്താനം പാലം ഓർമ്മയാവുന്നു. 1950 ലാണ് പുളിന്താനം തോടിന് കുറുകെ കോൺക്രീറ്റ് പാലം നിർമ്മിച്ചത്. കക്കടാശ്ശേരി കാളിയാർ റോഡിൽ ആദ്യമായി നിർമ്മിച്ച പാലമാണിത്. കക്കടാശ്ശേരിയിൽ കോതമംഗലം ആറിന് കുറുകെ പാലം നിർമ്മിക്കുന്നതിന് മുമ്പ് തന്നെ നിർമ്മിച്ചതാണ് ഈ പാലം. ഗതാഗത സൗകര്യം ഒന്നും ഇല്ലാതിരുന്ന ആ കാലഘട്ടത്തിൽ കക്കടാശ്ശേരിയിൽ നിന്നും പുളിന്താനം വരെയാണ് ബസ് സർവീസ് ഉണ്ടായിരുന്നത്. അന്ന് ഇരുമ്പു ഗർഡർ കൊണ്ടുള്ള നടപ്പാലം മാത്രമാണ് തോടിനു കുറുകെ ഉണ്ടായിരുന്നത്. തുടന്ന് 1945 ൽ പുളിന്താനം തോടിന് കുറുകെ തടിപ്പാലം നിർമ്മിച്ചത് മുതലാണ് പോത്താനിക്കാട് ബസ് സർവീസ് നീട്ടിയത്. 3 വലിയ ഇരുപൂൾ തടികൾ ഇട്ട് അതിനു മുകളിൽ 2 ഇഞ്ച് കനത്തിലുള്ള പലകകൾ അടിച്ചാണ് അന്ന് തടി പാലം നിർമ്മിച്ചത് എന്ന് പഴമക്കാർ ഓർത്തു പറയുന്നു.

തോടിൽ ഉണ്ടാവുന്ന വെള്ളപ്പൊക്കങ്ങൾ മൂലം തടിപ്പാലത്തിന് സ്ഥിരമായി അറ്റകുറ്റപണികൾ നടത്തേണ്ട അവസ്ഥ വന്നതു മൂലമാണ് റോഡ് ഉയർത്തി കോൺക്രീറ്റ് പാലം നിർമ്മിക്കാൻ തീരുമാനമായത്. ഇരുവശത്തും കരിങ്കൽ കാലുകൾ നിർമ്മിച്ച് അതിന് മുകളിലാണ് 8 മീറ്റർ നീളത്തിലും 4 മീറ്റർ വീതിയിലുമാണ് 1950 ൽ പാലം നിർമ്മിച്ചത്. പിന്നീട് പാലത്തിലൂടെയുള്ള വാഹനങ്ങളുടെ എണ്ണം കൂടിയതോടെ ഈ പാലത്തിനോട് ചേർന്ന് തന്നെ 3 മീറ്റർ വീതിയിൽ ഒരു പാലം കൂടി 1972 ൽ നിർമ്മിക്കുകയായിരുന്നു. ഈ രണ്ടു പാലങ്ങളും ചേർന്നതാണ് ഇപ്പോൾ കാണുന്ന പാലം. ഘട്ടം ഘട്ടമായി കക്കടാശ്ശേരി- കാളിയാർ റോഡിൻ്റെ വികസനം നടന്നപ്പോഴും പാലം കരുത്തോടെ നില നിന്നു. കൊടും വളവിൽ സ്ഥിതി ചെയ്യുന്ന പാലത്തിൽ വാഹന അപകടങ്ങൾ സ്ഥിരമായതോടെയാണ് പുതിയ പാലം നിർമ്മിക്കണമെന്ന ആവശ്യം ശക്തമായത്. ചെറുതും വലുതുമായ ഒട്ടേറെ അപകടങ്ങൾ ആണ് ഇവിടെ ഉണ്ടായിട്ടുള്ളത്. ഒട്ടേറേ പേർക്ക് ജീവനും നഷ്ടപ്പെട്ടിട്ടുണ്ട്. വാഹനങ്ങൾ ഇടിച്ച് കൈവരികൾ തകർന്നതല്ലാതെ പാലത്തിന് ഇപ്പോഴും ബലക്ഷയം ഒന്നും സംഭവിച്ചിട്ടില്ല. ഇപ്പോൾ റീ ബിൽഡ് കേരള പദ്ധതിയിൽ ഉൾപ്പെടുത്തി 68 കോടി രൂപ മുടക്കി നടക്കുന്ന കക്കടാശ്ശേരി- കാളിയാർ റോഡിൻ്റെ പുനരുദ്ധാരണത്തിൻ്റെ ഭാഗമായാണ് പാലം പൊളിച്ച് മാറ്റി പുതിയ പാലം നിർമ്മിക്കുന്നത്.

21 മീറ്റർ നീളത്തിലും 12 മീറ്റർ വീതിയിലുമാണ് പുതിയ പാലം നിർമ്മിക്കുന്നത്. ഇതിനായി ഇരുകരകളിലും ഭൂമി ഏറ്റെടുത്തിട്ടുണ്ട്. പഴയ പാലം പൊളിച്ചു മാറ്റുന്നതിനുള്ള പ്രവർത്തികൾ ഈയാഴ്ച്ച ആരംഭിക്കും. പാലം വലുപ്പം കൂട്ടി നിർമ്മിക്കുന്നതോടെ മഴക്കാലത്ത് തോട്ടിലെ വെള്ളം എളുപ്പം ഒഴുകി പോകുവാൻ സാധിക്കുമെന്നതിനാൽ സ്ഥിരമായി തോടിനോടു ചേർന്ന താഴ്ന്ന പ്രദേശങ്ങളിലെ കൃഷി ഭൂമിയിൽ വെള്ളം കയറുന്നത് ഒഴിവാകുകയും ചെയ്യും. നാട്ടുകാർക്ക് ഒട്ടേറേ ഓർമ്മകൾ അവശേഷിപ്പിച്ച് 72 വർഷം ഭാരം പേറിയ പാലം ഓർമ്മയായി മാറുകയാണ്.

ചിത്രം : പുതിയ പാലം നിർമ്മിക്കാനായി പൊളിച്ചു മാറ്റുന്ന പുളിന്താനം പാലം

You May Also Like

ACCIDENT

പോത്താനിക്കാട്: കാളിയാര്‍-കക്കടാശ്ശേരി റോഡില്‍ ടോറസ് ലോറിയും ബൈക്കും കൂട്ടിയിടിച്ചുണ്ടായ അപകടത്തില്‍ ബൈക്ക് യാത്രക്കാരനായ യുവാവിന് ദാരുണാന്ത്യം. ചൊവ്വാഴ്ച വൈകിട്ട് 5.15 ഓടെ പനങ്കരയിലുണ്ടായ അപകടത്തില്‍ കടവൂര്‍ സൗത്ത് പുന്നമറ്റം തോട്ടുചാലില്‍ സിജോയുടെ മകന്‍...

CHUTTUVATTOM

  പോത്താനിക്കാട്: സ്വകാര്യ ആശുപത്രിയിൽ അതിക്രമിച്ച് കയറി ഡോക്ടറേയും ജീവനക്കാരെയും അസഭ്യം പറയുകയും ആക്രമിക്കുകയും ഉപകരണങ്ങൾ നശിപ്പിക്കുകയും ചെയ്ത കേസിൽ പ്രതി അറസ്റ്റിൽ. പോത്താനിക്കാട് പെരുംനീർ വടക്കേക്കുടി ഷാമോനെ ( 43) യാണ്...

ACCIDENT

പോത്താനിക്കാട്: മീൻപിടിക്കാൻ തോട്ടിലിറങ്ങിയ ആൾ മുങ്ങിമരിച്ചു. പോത്താനിക്കാട് പുളിന്താനം പുക്കുന്നേൽ വർഗീസ് ജോസഫാണ്‌ (വർക്കി–69) വീടിന് സമീപമുള്ള തോട്ടിൽ മുങ്ങിമരിച്ചത്. പുളിന്താനം -ആരിമറ്റം റോഡിനോട് ചേർന്ന പുളിന്താനം തോടിന്റെ ഭാഗത്ത് ശനിയാഴ്‌ച വൈകിട്ടാണ്...

CHUTTUVATTOM

കോതമംഗലം:റബ്ബര്‍ വെട്ടിമാറ്റി തെങ്ങും കമുകും… കൃഷിയില്‍ വിജയഗാഥ തീര്‍ത്ത് കോതമംഗലം സ്വദേശിയായ റിട്ട.ഡെപ്യൂട്ടി തഹസില്‍ദാര്‍ പി.കെ പൗലോസ്. സര്‍ക്കാര്‍ സര്‍വീസില്‍ നിന്ന് വിരമിച്ചാല്‍ വിശ്രമജീവിതത്തിലേക്ക് മാറുന്നവരാണ് അധികവും. എന്നാല്‍ വിരമിക്കലിന് ശേഷമുള്ള ജീവിതം...

CHUTTUVATTOM

കോതമംഗലം: നഗരജീവിതം വിട്ട് നാട്ടിലേക്ക്. ഒരേക്കറിൽ കൃഷിയുടെ വൈവിധ്യമൊരുക്കി കോതമംഗലം സ്വദേശികളായ മാനുവൽ – ആൽബി ദമ്പതികൾ.നഗരത്തിലെ തിരക്കേറിയ ജോലിജീവിതത്തിൽനിന്ന് നാട്ടിൻപുറത്തിന്റെ ഹരിതാഭയിലേക്ക് മടക്കം. കൃഷിയോടുള്ള ഇഷ്ടവും മണ്ണിനോടുള്ള അടുപ്പവും കൈമുതലാക്കി ഒരേക്കർ...

CHUTTUVATTOM

  പോത്താനിക്കാട്: ലോക ഭക്ഷ്യദിനത്തോടനുബന്ധിച്ച് പോത്താനിക്കാട് ഗവൺമെന്റ് എൽ.പി. സ്കൂളിൽ നാടൻ ഭക്ഷ്യവസ്തുക്കളുടെ പ്രദർശനം ഒരുക്കി.ഭക്ഷണത്തിന്റെ പ്രാധാന്യം, പോഷകാഹാരത്തിന്റെ ആവശ്യകത, ഭക്ഷ്യവസ്തുക്കളുടെ വൈവിധ്യം, ഭക്ഷണം പാഴാക്കാതിരിക്കേണ്ടതിന്റെ പ്രാധാന്യം എന്നിവയിൽ കുട്ടികളിൽ അവബോധം ഉണ്ടാക്കും...

CRIME

പോത്താനിക്കാട്: വില്പനക്കായി എത്തിച്ച ഒന്നേകാല്‍കിലോയോളം കഞ്ചാവുമായി ആസാം സ്വദേശി പോലീസ് പിടിയില്‍. പല്ലാരിമംഗലം മടിയൂരില്‍ വില്പനക്കായി എത്തിച്ച കഞ്ചാവുമായി അസം സ്വദേശി മെറാദുല്‍ ഇസ്ലാമിനെയാണ് പോത്താനിക്കാട് പൊലീസ് പിടികൂടിയത്. പല്ലാരിമംഗലം ഈട്ടിപ്പാറയില്‍ ഇയാള്‍...

CHUTTUVATTOM

പോത്താനിക്കാട്: പഞ്ചായത്ത് കൃഷിഭവന്റെ ആഭിമുഖ്യത്തില്‍ മണ്ണ് പരിശോധനയുടെ പ്രാധാന്യം കര്‍ഷകരിലെത്തിക്കുന്നതിനായി കാര്‍ഷിക ബോധവല്‍ക്കരണ സെമിനാര്‍ സംഘടിപ്പിച്ചു. പോത്താനിക്കാട് പഞ്ചായത്ത് ഹാളില്‍ നടന്ന സെമിനാറില്‍ കൃഷിയിടങ്ങളില്‍ മണ്ണ് പരിശോധന നടത്തേണ്ടതിന്റെ ആവശ്യകത, മണ്ണ് പരിശോധനയ്ക്കായി...

CHUTTUVATTOM

കോതമംഗലം: കോതമംഗലത്ത് വൃദ്ധയായ മാതാവിനെ മകന്‍ ക്രൂരമായി മര്‍ദിച്ചു. പോത്താനിക്കാട് സ്വദേശിയായ പൊന്നമ്മയ്ക്കാണ് മകന്‍ കുട്ടായിയുടെ മര്‍ദനമേറ്റത്. മര്‍ദനത്തിന്റെ ദൃശ്യങ്ങള്‍ പുറത്തുവന്നു. അമ്മയെ കുട്ടായി സ്ഥിരമായി മര്‍ദിക്കാറുണ്ടായിരുന്നെന്നാണ് നാട്ടുകാര്‍ പറയുന്നത്. തുടര്‍ന്ന് നാട്ടുകാര്‍...

CHUTTUVATTOM

പോത്താനിക്കാട്: മലങ്കര ഓര്‍ത്തഡോക്‌സ് സുറിയാനി സഭയുടെ നേതൃത്വത്തില്‍ പൈങ്ങോട്ടൂര്‍ പഞ്ചായത്തിലെ കടവൂരില്‍ ആരംഭിക്കുന്ന പ്രശോഭ സീനിയര്‍ സിറ്റിസണ്‍ ടൗണ്‍ഷിപ്പിന്റെ നിര്‍മാണ പ്രവര്‍ത്തനങ്ങളുടെ ഉദ്ഘാടനം ബസേലിയോസ് മാര്‍ത്തോമ്മാ മാത്യൂസ് തൃതീയന്‍ കാതോലിക്കാ ബാവ നിര്‍വഹിച്ചു....

CHUTTUVATTOM

കോതമംഗലം: കോതമംഗലം ബ്ലോക്കില്‍ കൃഷി വകുപ്പിന്റെ ആഭിമുഖ്യത്തില്‍ 10 പഞ്ചായത്തുകളിലും കോതമംഗലം നഗരസഭയിലും ഓണച്ചന്തകള്‍ ആരംഭിച്ചു. 25 വരെയാണ് ഓണച്ചന്തകള്‍ പ്രവര്‍ത്തിക്കുക. വിപണി വിലയേക്കാള്‍ 30% കുറഞ്ഞ നിരക്കില്‍ ഉത്പന്നങ്ങള്‍ വിറ്റഴിക്കുകയും 10%...

CHUTTUVATTOM

മൂവാറ്റുപുഴ: പോത്താനിക്കാട് പഞ്ചായത്തും കൃഷി ഭവനും ചേര്‍ന്നൊരുക്കുന്ന ഓണ സമൃദ്ധി ഓണ ചന്തയുടെ ഉദ്ഘാടനം നടത്തി. മാത്യു കുഴല്‍നാടന്‍ എംഎല്‍എ ഉദ്ഘാടനം നിര്‍വഹിച്ചു. ഓണക്കാലത്ത് പൊതു ജനങ്ങള്‍ക്ക് ന്യായമായ വിലയില്‍ പച്ചക്കറികളും കാര്‍ഷിക...

error: Content is protected !!