കോതമംഗലം : സിപിഎം പ്രവര്‍ത്തകര്‍ ബിജെപിയില്‍ ചേര്‍ന്നു. പൈങ്ങോട്ടൂര്‍ പഞ്ചായത്തിലെ ഒറ്റക്കണ്ടം വാര്‍ഡില്‍ ടി.എന്‍. ദീപന്‍റെ അധ്യക്ഷതയില്‍ ചേര്‍ന്ന യോഗത്തില്‍ പുതിയതായി പാര്‍ട്ടിയിലേക്ക് വന്ന പത്തോളം സിപിഎം പ്രവര്‍ത്തകരെ ബിജെപി ജില്ല ഉപാധ്യക്ഷന്‍ പി.പി. സജീവ് ഷാള്‍ അണിയിച്ച് സ്വീകരിച്ചു.
ബിജെപി മണ്ഡലം പ്രസിഡന്‍റ് ഷാബു, മണ്ഡലം ജനറല്‍ സെക്രട്ടറി കെ.പി. തങ്കക്കുട്ടന്‍, മണ്ഡലം ട്രഷര്‍ സുരേഷ് ബാലകൃഷ്ണന്‍. ബിജെപി പൈങ്ങോട്ടൂര്‍ പ്രസിഡന്‍റ് സജി, സംയോജകന്‍ അഖില്‍, പട്ടികജാതി മോര്‍ച്ച ജില്ല സമിതിയംഗം കൃഷ്ണന്‍കുട്ടി എന്നിവര്‍ നവാഗതര്‍ക്ക് ആശംസകള്‍ അര്‍പ്പിച്ച് പ്രസംഗിച്ചു.
കെ.എം. തോമസ് കരിന്തോളില്‍, രതീഷ് രഘുനാഥ് പഴമ്പിള്ളില്‍, റെനീഷ് രവി താഴത്തുവീട്ടില്‍, പ്രതീഷ് ഗോപിന്ദന്‍ ആലക്കോട്ടില്‍, മനേഷ് ദിവാകരന്‍ പൊട്ടക്കല്‍, സിനി മനേഷ് പൊട്ടക്കല്‍, രത്നമ്മ രഘുനാഥന്‍ പഴമ്പിള്ളില്‍, രമ്യ രതീഷ് പഴമ്പിള്ളില്‍, സാജന്‍ സെബാസ്റ്റിന്‍ വിന്‍പിളളില്‍ എന്നിവരാണ് സിപിഎം വിട്ട് ബിജെപിയില്‍ ചേര്‍ന്നത്.
