കോതമംഗലം: കേരളത്തില്‍ അഡ്വഞ്ചര്‍ ടൂറിസത്തിന് അനന്ത സാധ്യതകള്‍ ആണ് ഉള്ളതെന്നും ഈ മേഖലയിലുള്ള ജോലി സാധ്യതകളെ കുറിച്ചും ഇന്‍വെസ്റ്റ്‌മെന്റ് സാധ്യതകളെ കുറിച്ചും നമ്മള്‍ തിരിച്ചറിയേണ്ടിരിക്കുന്നു എന്നും കേരള സംസ്ഥാന പ്ലാനിംഗ് ബോര്‍ഡ് അംഗവും (ടൂറിസം) അഡ്വഞ്ചര്‍ ടൂറിസം ഓപ്പറേറ്റേഴ്‌സിന്റെ ഇന്‍സ്‌പെക്ഷന്‍ നടത്തുന്ന കേരള ഗവര്‍മെന്റ് ടെക്‌നിക്കല്‍ എക്‌സ്പര്‍ട്ട് ടീം അംഗവും മഡ്ഡി ബൂട്‌സ് വേക്കേഷന്‍സ് എന്ന അഡ്വഞ്ചര്‍ ടൂറിസം കമ്പനിയുടെ സ്ഥാപകനുമായ പ്രദീപ് മൂര്‍ത്തി അഭിപ്രായപ്പെട്ടു. കോതമംഗലം മാര്‍ അത്തനേഷ്യസ് എഞ്ചിനീയറിംഗ് കോളേജിന്റെ വജ്രജൂബിലിയോടനുബന്ധിച്ച് നടക്കുന്ന ‘വജ്ര മേസ്’ സെമിനാറില്‍ സംസാരിക്കുകയായിരുന്നു അദ്ദേഹം.

കോതമംഗലം മാര്‍ അത്തനേഷ്യസ് എഞ്ചിനീയറിംഗ് കോളേജിന്റെ വജ്രജൂബിലിയോടനുബന്ധിച്ച് നടക്കുന്ന ശാസ്ത്ര സാങ്കേതിക എക്‌സിബിഷന്‍ ‘വജ്ര മേസ്’ കാണുവാന്‍ വിദ്യാര്‍ത്ഥികള്‍ ഉള്‍പ്പെടെ ആയിരങ്ങളാണ് മാര്‍ അത്തനേഷ്യസ് എഞ്ചിനീയറിംഗ് കോളേജിലേക്കെത്തിക്കൊണ്ടിരിക്കുന്നത്. നാടിന്റെ നാനാ ഭാഗങ്ങളില്‍ നിന്നെത്തിയ ജനങ്ങള്‍ക്ക് ഈ പ്രദര്‍ശനങ്ങള്‍ ഒരു അത്ഭുതം തന്നെയായിരുന്നു. ‘വജ്ര മേസ്’ ഡിസംബര്‍ 3 വരെ നീണ്ടു നില്‍ക്കും.

കോതമംഗലം : കേരള വ്യാപാരി വ്യവസായി ഏകോപന സമിതി കോതമംഗലം ടൗൺ യൂണിറ്റ് വനിതാ വിങ് പ്രവർത്തനോൽഘാടനം തഹസീൽദാർ റേച്ചൽ കെ വര്ഗീസ് നിർവ്വഹിച്ചു. വനിതാ വിങ് പ്രിസിഡന്റ് ആശാ ലില്ലി തോമസ് അധ്യക്ഷത വഹിച്ച ചടങ്ങിൽ കോതമംഗലം എസ്ഐ ആംബരീഷ് പി ലഹരി വിരുദ്ധ പ്രതിജ്ഞക്ക് നേത്രത്വം കൊടുക്കുകയും, വനിതകൾക്ക് ഈ യജ്ജത്തിലുള്ള പങ്കിനെകുറിച്ചു ക്ലാസ്സെടുക്കുകയും ചെയ്‌തു.

വനിതാ സംരംഭകർക്കുള്ള അവസരങ്ങളും സാധ്യതകളെക്കുറിച്ചും കോതമംഗലം ഉപജില്ലാ വ്യവസായ ഓഫീസർ ബാബുരാജ് കെ കെ ക്ലാസ് എടുത്തു. നിരവധി വനിതാ സംരംഭകർ പങ്കെടുത്ത ചടങ്ങിൽ ഇ എം ജോണി, എൽദോസ് വര്ഗീസ്, മൈതീൻ ഇഞ്ചക്കുടി, എസ് കെ പ്രസാദ് , റെജി മാനുവൽ, റെന്നി കെ വർക്കി സൗമ്യ പ്രസാദ്, ഫൗസിയ ജമാൽ തുടങ്ങിയവർ ചടങ്ങിൽ പങ്കെടുത്തു.

മുവാറ്റുപുഴ : മൂവാറ്റുപുഴ വാഴക്കുളം ടൗണിൽ പോലീസിന്‍റെ നിരീക്ഷണ ക്യാമറകള്‍ പ്രവര്‍ത്തന സജ്ജമായി. പൊതുജന പങ്കാളിത്തത്തോടെ സ്ഥാപിച്ചിട്ടുളള നിരീക്ഷണ ക്യാമറകളുടെ പ്രവര്‍ത്തന ഉദ്ഘാടനം മൂവാറ്റുപുഴ ഡി.വൈ.എസ്.പി എസ്.മുഹമ്മദ് റിയാസ് നിര്‍വഹിച്ചു.പന്ത്രണ്ട് ക്യാമറകളാണ് ഒന്നാം ഘട്ടത്തില്‍ പ്രവര്‍ത്തനസജ്ജമായിട്ടുളളത്. ആവോലി മുതല്‍ വാഴക്കുളം ടൗണിൽ ഉള്‍പ്പെടെയുളള സ്ഥലങ്ങളില്‍ 24 മണിക്കൂറും പോലീസിന്‍റെ നിരീക്ഷണം ലഭിക്കത്തക്കവിധമാണ് ക്യാമറകള്‍ സ്ഥാപിച്ചിട്ടുളളത്. രാത്രികാലങ്ങളില്‍ നടക്കുന്ന കുറ്റകൃത്യങ്ങള്‍ ഒരുപരിധിവരെ തടയുവാന്‍ സാധിക്കും എന്നും അടുത്ത ഘട്ടത്തില്‍ അച്ചന്‍ക്കവല, നീറംപുഴ കവല, നടുക്കര, പിരളിമറ്റം ഉള്‍പ്പെടെയുളള സ്ഥലങ്ങളില്‍ കൂടി ക്യമറകള്‍ സ്ഥാപിക്കുന്നതിനുളള പദ്ധതിയാണ് വിഭാവനം ചെയ്യുന്നതെന്നും ചടങ്ങ് ഉദ്ഘാടനം ചെയ്ത മൂവാറ്റുപുഴ ഡി.വൈ.എസ്.പി അറിയിച്ചു.

മഞ്ഞളളൂര്‍ പഞ്ചായത്ത് പ്രസിഡന്‍റ് ആന്‍സി ജോസ്, ആവോലി പഞ്ചായത്ത് പ്രസിഡന്‍റ് ഷെല്‍മി ജോണ്‍സ്, ആവോലി പഞ്ചായത്ത് വൈസ് പ്രസിഡന്‍റ് ജോര്‍ജ്ജ് തെക്കുംപുറം, മഞ്ഞളളൂര്‍ പഞ്ചായത്ത് മെമ്പര്‍ സുധാകരന്‍, ജോസ് പെരുമ്പിളളിക്കുന്നേല്‍, സിജു സെബ്സ്റ്റ്യന്‍, ജോര്‍ജ്ജ് വര്‍ഗീസ്‌, സബ് ഇന്‍സ്പെക്ടര്‍ മാരായ റ്റി.കെ.മനോജ്, കെ.ജെ.ഷാജി എന്നിവരും വാഴക്കുളം മര്‍ച്ചന്‍റ് അസോസിയേഷന്‍ ഭാരവാഹികള്‍, ഡ്രൈവേഴ്സ് യുണിയന്‍ അംഗങ്ങള്‍, വിവിധ രാഷ്ട്രീയ കക്ഷി നേതാക്കള്‍, എന്നിവരും ചടങ്ങില്‍ സന്നിഹിതരായിരുന്നു.