CHUTTUVATTOM
വിനോദ സഞ്ചാരം ഇനി ബഹിരാകാശത്തേക്കും: ഡോ. എസ് സുരേഷ് ബാബു

കോതമഗലം: വിനോദ സഞ്ചാരം ബഹിരാകാശത്തേക്കും വളർത്തുന്നതിന് മുന്നോടിയായി ലോകത്തിലെ ഏറ്റവും വലിയ സ്പേസ് ഏജൻസിയായ നാസ യുടെ നേതൃത്വത്തിൽ സബ് ഓർബിറ്റൽ സ്പേസ് ടൂറിസം വെഹിക്കിൾ കണ്ടു പിടിക്കുന്നു. ഇപ്പോൾ വർദ്ധിച്ചു വരുന്ന ബഹിരാകാശ യാത്രികരുടെ എണ്ണം കണക്കിലെടുത്ത് എല്ലാവർക്കും ബഹിരാകാശ യാത്ര സാധ്യമാക്കുക എന്നതാണ് ഈ വെഹിക്കിൾ കൊണ്ട് ഉദ്ദേശിക്കുന്നത് എന്ന് എ.റ്റി.ആർ.എഫ്. തലവൻ ഡോ. എസ് സുരേഷ് ബാബു പറഞ്ഞു. കോതമംഗലം മാർ അത്തനേഷ്യസ് എഞ്ചിനീയറിംഗ് കോളേജിൽ വച്ച് നടന്ന സ്പേസ് ഹാക്കത്തോൺ 2022 ഉത്ഘാടനം ചെയ്തു സംസാരിക്കുകയായിരുന്നു അദ്ദേഹം. ബഹിരാകാശ സംബന്ധമായ പുത്തൻ കണ്ടെത്തലുകളെ പ്രോത്സാഹിപ്പിക്കുക, ജനപ ങ്കാളിത്തം ഉറപ്പാക്കുക എന്നീ ഉദ്ദേശങ്ങളോടെ 2012 ഏപ്രിൽ മുതലാണ് സ്പേസ് ആൻഡ് സയൻസ് ഹാക്കത്തോൺ ആരംഭിച്ചത്. ലോകമൊട്ടാകെ ഒക്ടോബർ 1, 2 തീയതികളിലായി നടത്തപ്പെടുന്ന ഈ ഹാക്കത്തോൺ ഇത്തവണ കേരളത്തിൽ കോതമംഗലം മാർ അത്തനേഷ്യസ് എഞ്ചിനീയറിംഗ് കോളേജിൽ വച്ച് നടത്തപ്പെടുന്നു. വിവിധ കോളേജുകളിൽ നിന്നും സ്കൂളുകളിൽ നിന്നുമായി നൂറോളം കുട്ടികളും അദ്ധ്യാപകരും ബഹിരാകാശ സംബന്ധിയായി വിഷയ ങ്ങളിൽ തത്പരരായ അനവധി പ്രൊഫഷണലുകളും നേരിട്ടും ഓൺലൈനായും ഇതിൽ പങ്കെടുത്തു. ആഗോളതലത്തിൽ വിജയികൾക്ക് നാസയുടെ ഒരു മിഷൻ ലോഞ്ചിംഗ് നേരിൽ കാണാനുള്ള അവസരം ലഭിക്കുന്നു എന്നതാണ് ഇതിന്റെ ആകർഷണങ്ങളിൽ ഒന്ന്. കോളേജിന്റെ വജ്ര ജൂബിലി ആഘോഷങ്ങളുടെ ഭാഗമായി നടത്തപ്പെടുന്ന വിവിധ പരിപാടികളുടെ ആരംഭമായിട്ടാണ് കോളേ ജിലെ സ്പേസ് ക്ലബ് ആയ എയ്റോസ്പേസ് ഇന്ററസ്റ്റഡ് സ്റ്റുഡന്റ്സ് അസ്സോ സ്സിയേഷന്റെ നേതൃത്വത്തിൽ സ്പേസ് ഹാക്കത്തോൺ 2022 സംഘടിപ്പിക്കുന്നത്. എം. എ. എഞ്ചി.കോളേജ് പ്രിൻസിപ്പൽ ഡോ. ബോസ് മാത്യു ജോസ് അദ്ധ്യക്ഷത വഹിച്ച ഉത്ഘാടന സമ്മേളനത്തിൽ സ്പേസ് ക്ലബ് കൺവീനർ ഡോ. റോജ അബ്രഹാം രാജു, ക്ലബ് സെക്രട്ടറി മിൻഷിജ പി എം, സ്പേസ് ആപ് പ്രാദേശിക തല വൻ ജെ ബി അരവിന്ദ് ശേഖർ എന്നിവർ സംസാരിച്ചു.
CHUTTUVATTOM
മാർ ബസേലിയോസ് നഴ്സിംഗ് കോളേജിന്റെ 20ാം വാർഷികം ആഘോഷിച്ചു.

കോതമംഗലം : ആഗോള സർവ്വമത തീർത്ഥാടന കേന്ദ്രമായ കോതമംഗലം മാർ തോമ ചെറിയ പള്ളിയുടെ ഉടമസ്ഥതയിലുള്ള മാർ ബസേലിയോസ് കോളേജ് ഓഫ് നഴ്സിംഗിന്റെ 20-ാം വാർഷികം ആഘോഷിച്ചു. ബി .എസ്.സി നേഴ്സിംഗ് പഠനത്തിനായി അനുവദിച്ച അധിക ബാച്ചിന്റെയും നഴ്സിംഗ് കോളേജിൽ സ്റ്റുഡന്റ്സ് യൂണിയന്റെ നേതൃത്വത്തിൽ നടക്കുന്ന ജീവകാരുണ്യ പ്രവർത്തനങ്ങളുടേയും, സ്റ്റുഡന്റ് യൂണിയന്റെയും ഉദ്ഘാടനം മുൻ ആരോഗ്യ വനിത ശിശു വികസന വകുപ്പ് മന്ത്രി പി.കെ.ശ്രീമതി ടീച്ചർ നിർവ്വഹിച്ചു. എം.ബി.എം.എം. അസോസിയേഷൻ വൈസ് പ്രസിഡന്റ് ബിനു കൈപ്പിൽ അദ്ധ്യക്ഷത വഹിച്ചു.മാർ തോമ ചെറിയപള്ളി വികാരി ഫാ.ജോസ് പരത്തുവയലിൽ ആ മുഖപ്രസംഗം നടത്തി.
കോതമംഗലം എം.എൽ.എ. ആന്റണി ജോൺ മുഖ്യപ്രഭാഷണം നടത്തി. നെല്ലിക്കുഴി പഞ്ചായത്ത് പ്രസിഡന്റ് കെ.പി. മജീദ്, കേരള നഴ്സിംഗ് കൗൺസിൽ മെമ്പർ എം.എം. ഹാരിസ്, കെ.എ. നൗഷാദ്, കെ.എ. ജോയി,എം.ബി.എം.എം അസ്സോസിയേഷൻ സെക്രട്ടറി അഡ്വ.സി.ഐ. ബേബി ചുണ്ടാട്ട്, ചെറിയ പള്ളി ട്രസ്റ്റി ബിനോയി തോമസ് മണ്ണംഞ്ചേരി, നഴ്സിംഗ് കോളേജ് പ്രൻസിപ്പാൾ സെല്ലിയാമ്മ കുരുവിള, നഴ്സിംഗ് സ്കൂൾ പ്രൻസിപ്പാൾ ജൂലി ജോഷ്വ . എം എസ് എൽദോസ് , ടി.കെ.എൽദോസ് എന്നിവർ പ്രസംഗിച്ചു.
CHUTTUVATTOM
കോതമംഗലം താലൂക്കിലെ അങ്കന്വാടികളില് അമൃതംപൊടി വിതരണം നിലച്ചതായി പരാതി

കോതമംഗലം: താലൂക്കിന്റെ വിവിധ ഭാഗങ്ങളിലെ അങ്കന്വാടികളില് കുഞ്ഞുങ്ങള്ക്ക് നല്കുന്ന അമൃതംപൊടി വിതരണം നിലച്ചതായി പരാതി. താലൂക്കില് 236 അങ്കണവാടികളാണ് ഉള്ളത്. ഇതില് ഭൂരിഭാഗം അങ്കന്വാടികളിലും രണ്ട് മാസത്തോളമായി അമൃതം പൊടി വിതരണം നിലച്ചിട്ട് വിതരണം നിലച്ചിതില് ശക്തമായ പ്രതിഷേധവും ഉയരുന്നുണ്ട്്. രക്ഷിതാക്കളും അങ്കന്വാടി ജീവനക്കാരും ഇക്കാര്യം ബന്ധപ്പെട്ടവരുടെ ശ്രദ്ധയില്പ്പെടുത്തിയിട്ടും പരിഹാരമായിട്ടില്ലെന്നാണ് ആക്ഷേപം. ആറ് മാസം മുതല് മൂന്ന് വയസ് വരെയുള്ള കുഞ്ഞുങ്ങള്ക്കാണ് അമൃതംപൊടി നല്കുന്നത്. ഒരു കുഞ്ഞിന് ദിവസേന 135 ഗ്രാം എന്ന തോതില് ഒരു മാസത്തേക്ക്്് അഞ്ഞൂറ് ഗ്രാം വീതമുള്ള ആറ് പാക്കറ്റുകളാണ് നല്കുന്നത്. പെരുമ്പാവൂര് വെങ്ങോല ഭാഗത്ത് നിന്ന് കുടുംബശ്രീ യൂണിറ്റ് മുഖേനയാണ് താലൂക്കില് ഉള്പ്പെടെ അമൃതം പൊടി വിതരണം ചെയ്തിരുന്നത്. യൂണിറ്റ് പുതിയ കെട്ടിടത്തിലേക്ക് മാറ്റി പ്രവര്ത്തനം തുടങ്ങാന് വൈദ്യുതി കണക്ഷന് ലഭിക്കാത്തതാണ് കാരണം. യൂണിറ്റിന്റെ അറ്റകുറ്റപണി നടക്കുന്നതിനാലാണ് അമൃതം പൊടിയുടെ വിതരണം മുടങ്ങിയിട്ടുള്ളതെന്നാണ് അധികൃതര് അങ്കന്വാടി ജീവനക്കാരെ അറിയിച്ചിട്ടുള്ളത്. എന്നാല് മറ്റ് യൂണിറ്റുകളില് നിന്ന് അമൃതംപൊടി എത്തിക്കാനും നടപടിയുണ്ടായില്ല. അടുത്തമാസം പൊടി ലഭ്യമാകുമെന്ന് പറയുന്നുണ്ടെങ്കിലും ഇക്കാര്യത്തില് കൃത്യമായ ഉറപ്പ് ലഭിച്ചിട്ടില്ലെന്നും ജീവനക്കാര് പറഞ്ഞു.
CHUTTUVATTOM
പൈങ്ങോട്ടൂര് ശ്രീനാരായണഗുരു കോളേജില് ഒന്നാം വര്ഷ ബിരുദ ക്ലാസുകള് ആരംഭിച്ചു

പൈങ്ങോട്ടൂര് : ശ്രീനാരായണഗുരു കോളേജ് ഓഫ് ആര്ട്സ് ആന്ഡ് സയന്സില് ഒന്നാം വര്ഷ ബിരുദ ക്ലാസുകള് ആരംഭിച്ചു. കോളേജ് പത്താം വര്ഷത്തിലേക്ക് കടക്കുന്നതിന്റെ ഭാഗമായി പൈങ്ങോട്ടൂര് പഞ്ചായത്ത് പ്രസിഡന്റ് ജിജി സാജു ഒരു വര്ഷം നീണ്ടു നില്ക്കുന്ന ആഘോഷങ്ങള്ക്ക് തുടക്കംകുറിച്ചു. കോളേജ് പ്രിന്സിപ്പല് ഡോക്ടര് ആശ എന്.പി അധ്യക്ഷത വഹിച്ചു. 2022-23 അധ്യയന വര്ഷത്തെ കോളേജ് മാഗസിന് ‘ചിമിഴ്’ പ്രകാശനം ഗുരുചൈതന്യ ചാരിറ്റബിള് ട്രസ്റ്റ് സെക്രട്ടറി ഹനി പൂമ്പാലവും, 2019-20 അധ്യയന വര്ഷത്തെ മാഗസിന് ‘മുക്കൂറ്റി’ പ്രകാശനം ഗുരു ചൈതന്യ ചാരിറ്റബിള് ട്രസ്റ്റ് ട്രഷറര് ശോഭ ശശി രാജും നിര്വഹിച്ചു. മാനേജര് ജോമോന് മണി,പ്രസിഡന്റ് സുരേന്ദ്രന് ആരവല്ലി, വൈസ് പ്രിന്സിപ്പല് ശ്രീനി എം.എസ്, പി.റ്റി. എ വൈസ് പ്രസിഡന്റ് ഫീനിക്സ് സാല്മോന്, മുന് പി.ടി.എ വൈസ് പ്രസിഡന്റ് സന്തോഷ് തകിടിയില്, ചെയര്മാന് ജിതിന് ജോര്ജ് എന്നിവര് പ്രസംഗിച്ചു.
-
CRIME4 days ago
നിരന്തര കുറ്റവാളിയായ കോതമംഗലം സ്വദേശിയെ കാപ്പ ചുമത്തി നാട് കടത്തി
-
NEWS7 days ago
അഭിമാന നേട്ടവുമായി കോതമംഗലം സ്വദേശി: ബ്രിട്ടനിൽ ഗവേഷണത്തിന് 1.5 കോടിയുടെ സ്കോളർഷിപ്പ്
-
NEWS17 hours ago
കോതമംഗലം നഗരത്തിലെ വിവിധ ഹോട്ടലുകളിൽ മിന്നൽ പരിശോധന : പഴകിയ ഭക്ഷണസാധനങ്ങൾ പിടിച്ചെടുത്തു.
-
CRIME5 days ago
കോതമംഗലത്ത് വൻ ചീട്ടുകളി സംഘം പിടിയിൽ
-
CRIME7 days ago
ഏഴാന്തറ കാവിലെ ഭണ്ഡാരം മോഷ്ടിച്ച പ്രതി അറസ്റ്റിൽ
-
CRIME7 days ago
നിയമപരമല്ലാത്ത രീതിയില് മദ്യവില്പ്പന: പുതുപ്പാടി സ്വദേശി എക്സൈസ് പിടിയില്
-
NEWS1 week ago
ആലുവ – കോതമംഗലം നാല് വരിപ്പാത: റവന്യൂ മന്ത്രി കെ.രാജന് 5000 പേർ ഒപ്പിട്ട നിവേദനം നൽകി.
-
NEWS1 week ago
നെല്ലിക്കുഴി പഞ്ചായത്തില് സെക്രട്ടറിയും വാര്ഡ് മെമ്പറും തമ്മില് അസഭ്യവര്ഷം