കോതമംഗലം :കോതമംഗലം മാർ ബേസിൽ ഹയർ സെക്കൻഡറി സ്കൂളിലെ സ്പോർട്സ് ഡേ പതാക ഉയർത്തി കോതമംഗലം എംഎൽഎ
ശ്രീ ആൻറണി ജോൺ ഉദ്ഘാടനം നിർവഹിച്ചു. പുതിയ കായിക താരങ്ങളെ കണ്ടെത്താൻ എല്ലാ വിഭാഗം കുട്ടികൾക്കും അവസരം നൽകിയാണ് അത് ലറ്റിക്സിലും ഗെയിംസിലും വിവിധ മത്സരങ്ങൾ നടത്തുന്നത്. ചെസ്സ് മത്സരം ഈ വർഷത്തെ പ്രധാന ആകർഷണമാണ്.
സ്കൂൾ മാനേജർ ശ്രീ ജോർജ് കൂർപ്പിള്ളി , പ്രിൻസിപ്പാൾ
ഫാ.പി ഒ പൗലോസ് , ഹെഡ്മിസ്ട്രസ് സോമി പി മാത്യു , വാർഡ് കൗൺസിലർ റിൻസ് റോയ് , പിടിഎ പ്രസിഡൻറ് പി കെ സോമൻ ,ഷിബി മാത്യു എന്നിവർ നേതൃത്വം നൽകി.

കോതമംഗലം : കോതമംഗലം മാർ അത്തനേഷ്യസ് കോളേജിലെ കായിക വിദ്യാർത്ഥികളുടെ വിജയകൊയ്‌ത്ത്പോലെതന്നെ ജീവനക്കാരും കായിക മേഖലയിൽ അഭിമാന നേട്ടം കൈവരിച്ചിരിക്കുകയാണ്. ഇരിങ്ങാലക്കുട ക്രൈസ്റ്റ് കോളേജ് ഓഫ് എഞ്ചിനീറിങ്ങ്, കേരളത്തിലെ കോളേജ് ജീവനക്കാർക്കായി സംഘടിപ്പിച്ച ഓൾ കേരള കോളേജ് സ്റ്റാഫ് പുരുഷ ഡബിൾസ് ബാഡ്മിന്റൺ ടൂർണമെന്റിലാണ് കോതമംഗലം എം. എ. കോളേജിലെ ബേസിൽ വര്ഗീസ്- ഡിനു മാത്യു സഖ്യം ജേതാക്കളായിയിക്കുന്നത് . ഫൈനലിൽ കാഞ്ഞിരപ്പള്ളി അമൽ ജ്യോതി എൻജിനീയറിംഗ് കോളേജിലെ മിഥുൻ- ടോം സഖ്യത്തെ തോൽപ്പിച്ചാണ് കോതമംഗലം എം. എ. കോളേജിലെ ഈ ഉദ്യോഗസ്ഥർ വിജയം നേടിയത്.

മത്സരത്തിന്റെ തുടക്കം മുതൽ ആക്രമിച്ച് കളിച്ച ബേസിൽ – ഡിനു സഖ്യം ഒരു തവണ പോലും എതിരാളികൾക്ക് മത്സരത്തിൽ ആധിപത്യം നേടാൻ അവസരം നൽകിയില്ല. അഭിമാന വിജയം കൈവരിച്ച ഇരുവരെയും കോളേജ് അസോസിയേഷൻ സെക്രട്ടറി ഡോ. വിന്നി വര്ഗീസ് അഭിനന്ദിച്ചു.

ചിത്രം : കേരളത്തിലെ കോളേജ് ജീവനക്കാർക്കായി സംഘടിപ്പിച്ച ആൾ കേരള പുരുഷ ഡബിൾ ബാഡ്മിന്റൺ ടൂർണമെന്റിൽ ജേതാക്കളായ എം. എ. കോളേജിലെ ബേസിൽ വര്ഗീസ് – ഡിനു മാത്യു സഖ്യം ട്രോഫിയുമായി എം. എ. കോളേജ് അസോസിയേഷൻ സെക്രട്ടറി ഡോ. വിന്നി വര്ഗീസ്നൊപ്പം.

കോതമംഗലം : ഫുട്ബോളിൽ ചരിത്രം കുറിക്കാൻ ഒരുങ്ങുകയാണ് കോതമംഗലം താലൂക്കിലെ തൃക്കാരിയൂർ ദേവസ്വം ബോർഡ്‌ ഹൈസ്കൂൾ. തൃക്കാരിയൂർ ദേവസ്വം ബോർഡ്‌ ഹൈസ്കൂളിന്റെ ഔദ്യോഗിക ഫുട്ബോൾ ടീം ആയ DBFC യെ പ്രശസ്ത ഫുട്ബോൾ ക്ലബ്ബ് ആയ അശ്വ ഏറ്റെടുക്കുകയും കളിക്കാർക്ക് ഏറ്റവും മികച്ച ക്ലബ്ബുകളിലെ കളിക്കാരെ വച്ച് കോച്ചിംഗ് നൽകി വരുകയുമാണ്. അശ്വ ക്ലബ്ബിന്റെ അഞ്ചാം വാർഷിക ദിനമായ സെപ്റ്റംബർ രണ്ടിലെ ദിനാഘോഷം DBFC ലെ കളിക്കാർക്ക് ഓണാസമ്മാനമായി ജേഴ്‌സി നൽകി അശ്വ ക്ലബ്ബ് പ്രസിഡന്റ്‌ റോയ് വർഗീസ് IRS ഉത്ഘാടനം നിർവഹിച്ചു. സ്കൂൾ PTA പ്രസിഡന്റ്‌ അഡ്വ. രാജേഷ് രാജൻ അധ്യക്ഷത വഹിച്ചു. കുറവിലങ്ങാട് ഗവണ്മെന്റ് ഹോസ്പിറ്റൽ സുപ്രണ്ട് ഡോ. സാം പോൾ ലഹരി വിരുദ്ധ സന്ദേശം നൽകി. പഞ്ചായത്ത് അംഗം
ശോഭ രാധാകൃഷ്ണൻ,സ്കൂൾ HM രാജലക്ഷ്‌മി CS, പ്രെസ്സ് ക്ലബ്ബ് സെക്രട്ടറി ലത്തീഫ് കുഞ്ചാട്ട്, അശ്വ ക്ലബ്ബ് ചെയർമാൻ A. P.സെബാസ്റ്റ്യൻ, DBFC കോർഡിനേറ്റർ ദൃശ്യ ചന്ദ്രൻ, ഹേമ ജി കർത്താ, ചാന്ദ്നിS. R.,ഗീതു ഗോപിനാഥ് തുടങ്ങിയവർ സംസാരിച്ചു.

DBFC പ്ലയേഴ്‌സ് “സെ നോ ടു ഡ്രഗ്സ്, സെ യെസ് ടു സ്പോർട്സ് ” എന്ന മുദ്രാവാക്യം ഏറ്റെടുത്ത് ലഹരിക്ക് എതിരെ ഉള്ള പോരാട്ടങ്ങൾക്ക് തുടക്കം കുറിച്ചു. ഓണം വെക്കേഷനോട് അനുബന്ധിച്ച് DBFC യിലെ കളിക്കാർക്ക് ഇന്ത്യയിലെ മികച്ച കളിക്കാരെ വച്ച് പ്രത്യേക കോച്ചിംഗ് നൽകുമെന്നും പ്രശസ്ത ടീമുകളുമായ് സൗഹൃദ മത്സരങ്ങൾ സംഘടിപ്പിക്കുന്നതോടൊപ്പം ദേവസ്വം ബോർഡ്‌ സ്കൂളുമായി സഹരിച്ചു ലഹരിക്കെതിരെ ബോധവത്കരണ പരിപാടികൾ സംഘടിപ്പിക്കുമെന്നും അശ്വ ക്ലബ്ബ് പ്രസിഡന്റ്‌ റോയ് വർഗീസ് IRS അറിയിച്ചു.