കോതമംഗലം : എറണാകുളം ജില്ലയിലെ വിവിധ ബ്ലോക്കുകളിലായി നടത്തിയ ക്ലസ്റ്റർ തല മത്സരത്തിൽ നിന്ന് വിജയികളായ ടീമുകളെ ഉൾപെടുത്തികൊണ്ട് ജില്ലാ തല മത്സരം കോതമംഗലത്ത് വച്ച് സംഘടിപ്പിച്ചു.വിവിധ മേഖലയിൽ നിന്നുമായി 16 ടീമുകൾ ആണ് മറ്റുരയ്ക്കുന്നത്.എറണാകുളം കുടുംബശ്രീ ജില്ലാ തല ഫുട്ബോൾ ടൂർണമെന്റ് ആന്റണി ജോൺ എം എൽ എ ഉദ്ഘാടനം നിർവ്വഹിച്ചു.കോതമംഗലം നഗരസഭ ചെയർമാൻ കെ കെ ടോമി ആധ്യക്ഷത വഹിച്ച ചടങ്ങിൽ കോതമംഗലം നഗരസഭ വികസന കാര്യാ സ്റ്റാൻഡിങ്ങ് കമ്മിറ്റി ചെയർമാൻ കെ എ നൗഷാദ്,തിരുവാനിയൂർ പഞ്ചായത്ത് പ്രസിഡന്റ് സി ആർ പ്രകാശ്,കോതമംഗലം കുടുംബശ്രീ സി ഡി എസ് ചെയർപേഴ്സൺ സാലി വർഗീസ് എന്നിവർ പങ്കെടുത്തു.
![](https://i0.wp.com/kothamangalamnews.com/wp-content/uploads/2024/07/alfalah.jpeg?resize=600%2C750&ssl=1)
എറണാകുളം കുടുംബശ്രീ ജില്ലാ മിഷൻ കോ ഓർഡിനേറ്റർ പ്രീതി എം ബി സ്വാഗതവും കുടുംബശ്രീ ജില്ലാ പ്രോഗ്രാം മാനേജർ അനൂപ് കെ എം നന്ദിയും പറഞ്ഞു.ജനപ്രതിനിധികൾ,കുടുംബ ശ്രീ ജില്ലാ ഉദോഗസ്ഥർ,വിവിധ സി ഡി എസിലെ സി ഡി എസ് ചെയർപേഴ്സൺമാർ,അക്കൗണ്ടന്റ് മാർ,സി ഡി എസ് അംഗങ്ങൾ,ബാലസഭ ആർ പി മാർ, രക്ഷകർത്താക്കൾ,ബാല സഭ കുട്ടികൾ എന്നിവർ പങ്കെടുത്തു. വിവിധ ഘട്ടത്തിലായി 1150 കുട്ടികൾ ഈ ടൂർണമെന്റിൽ പങ്കെടുത്തു.
![](https://kothamangalamnews.com/wp-content/uploads/2023/11/kothamangalamnews.png)