കോതമംഗലം : കോഴിപ്പിളളി-വാരപ്പെട്ടി റോഡിൽ പാറച്ചാലിപ്പടിക്കു സമീപമുള്ള അപകട വളവിന് ശാശ്വത പരിഹാരമാകുന്നു. റോഡിൽ വീതി കുറഞ്ഞതും,അപകട വളവുമായ പാറച്ചാലിപ്പടിക്കു സമീപമുള്ള ഭാഗത്താണ് വളവ് നിവർത്തിയുള്ള റോഡിന്റെ നവീകരണ പ്രവർത്തനം ആരംഭിച്ചത്. ഇവിടെ ഉണ്ടായ നിരവധി അപകടങ്ങളിൽ 2 ജീവൻ നഷ്ടമാകുകയും,നിരവധി പേർക്ക് ഗുരുതര പരിക്ക് ഏൽക്കുകയും ചെയ്തിരുന്നു. ഈ സാഹചര്യത്തിലാണ് അടിയന്തിരമായി വളവ് നിവർത്താൻ തീരുമാനമായത്.
വളവ് നിവർത്തുന്നതിന്റെ ഭാഗമായി ആനച്ചിറയിൽ എ കെ മുഹമ്മദാണ് സ്ഥലം സൗജ്യന്യമായി വിട്ടു നൽകിയത്. സൗജന്യമായി വിട്ടു നൽകിയ ഭാഗത്ത് സംരക്ഷണഭിത്തി,കോൺക്രീറ്റ്, ടാറിങ്ങ് എന്നീ വർക്കുകളാണ് ചിട്ടപ്പെടുത്തിയിട്ടുള്ളത്. ഈ പ്രവർത്തിക്കായി 8 ലക്ഷം രൂപയാണ് അനുവദിച്ചിട്ടുള്ളതെന്നും,എത്രയും വേഗത്തിൽ നിർമ്മാണം പൂർത്തീകരിക്കുമെന്നും ആന്റണി ജോൺ എംഎൽഎ അറിയിച്ചു.
