കോതമംഗലം : കോഴിപ്പിള്ളി-അടിവാട്-പോത്താനിക്കാട് റോഡ് ആധുനിക രീതിയിൽ നവീകരിക്കുന്നു. പിടവൂർ മുതൽ മാവുടി സ്കൂൾപടി ജംഗ്ഷൻ വരെയുള്ള നാല് കിലോമീറ്റർ ദൂരമാണ് ആധുനിക നിലവാരത്തിൽ നവീകരിക്കുന്നത്. പ്രളയവും തുടർന്നു വന്ന ലോക് സഭാ തെരഞ്ഞെടുപ്പും 5 നിയമസഭാ ഉപതെരഞ്ഞെടുപ്പും മൂലമുണ്ടായ ഇലക്ഷൻ പെരുമാറ്റ ചട്ടവും വന്നതിനാൽ കാലതാമസം നേരിടുകയും, തുടർച്ചയിൽ കോൺട്രാക്ടർമാർ വർക്ക് ഏറ്റെടുക്കാൻ തയ്യാറാകാതിരുന്നതും പിന്നീട് പെട്ടെന്നുണ്ടായ ലോക്ഡൺ പ്രഖ്യാപനവും നിർമ്മാണ പ്രവർത്തനങ്ങൾക്ക് വലിയ പ്രതിസന്ധി സൃഷ്ടിച്ചിരുന്നു.
ഇപ്പോൾ അത്തരത്തിലുള്ള മുഴുവൻ പ്രശ്നങ്ങളും പരിഹരിച്ചു. പ്രസ്തുത പ്രവർത്തിക്കായി 2 കോടി രൂപയാണ് അനുവദിച്ചിട്ടുള്ളതെന്നും, കോവിഡ് 19 ന്റെ പശ്ചാത്തലത്തിൽ ഉദ്ഘാടന ചടങ്ങുകൾ ഒഴിവാക്കി നിർമ്മാണ പ്രവർത്തികൾ ആരംഭിച്ചതായി എംഎൽഎ അറിയിച്ചു.
