SPORTS
വേമ്പനാട്ട് കായൽ കീഴടക്കി ചരിത്രത്തിൽ ഇടം നേടാൻ കോതമംഗലത്ത് നിന്നും കൊച്ചു ജുവൽ.

കോതമംഗലം : വേമ്പനാട്ട് കായൽ കീഴടക്കുവാൻ കോതമംഗലത്തു നിന്നും ഒരു കൊച്ചു മിടുക്കി.അടുത്ത മാസം ജനുവരി 8 ആം തിയതി ശനിയാഴ്ച കേരളത്തിലെ ഏറ്റവും വീതി കൂടിയ കായലായ വേമ്പനാട്ടു കായലിൽ (ആലപ്പുഴ ജില്ലയിലെ ചേർത്തല തവണക്കടവിൽ നിന്ന് കോട്ടയം ജില്ലയിലെ വൈക്കം കോലോത്തുങ്കടവ് മാർക്കറ്റ് വരെ ഉള്ള ഏകദേശം 4 കിലോമീറ്റർ ദൂരം ) ഏറ്റവും പ്രായം കുറഞ്ഞ പെൺകുട്ടി നീന്തി കടക്കുക എന്ന ഗിന്നസ് വേൾഡ് റെക്കോർസിൽ ഇടം നെടുവാൻ ഏഴ് വയസുകാരി ജുവൽ മറിയം ബേസിൽ നീന്തുവാൻ തയ്യാറെടുക്കുകയാണ്. ഒരു പക്ഷേ ഗിന്നസ് ബുക്ക് ഓഫ് വേൾഡ് റെക്കോർഡ്സിന്റെ ചരിത്രത്തിൽ പോലും കാണില്ല ഇത്രയും പ്രായം കുറഞ്ഞ പെൺകുട്ടി നാലു കിലോമീറ്ററോളം ദൂരം ആഴമേറിയ കായലിൽ നീന്തിയാതായിട്ട്.
വേമ്പനാട്ടുകായലിൽ ചരിത്രം സൃഷ്ടിക്കുവാനായി തയ്യാറെടുക്കുന്ന ഈ മിടുക്കിക്കുട്ടി കോതമംഗലം മാർ അത്തനേഷ്യസ് കോളേജ് ഓഫ് എൻജിനിറിങ് ഉദ്യോഗസ്ഥനായ കറുകടം കൊടക്കപ്പറമ്പിൽ ബേസിൽ കെ. വർഗീസിന്റേയും, മാർ അത്തനേഷ്യസ് ഇന്റർനാഷണൽ സ്കൂൾ അദ്ധ്യാപിക അഞ്ജലിയുടേയും രണ്ടാമത്തെ മകൾ ആണ്. കറുകടം വിദ്യാ വികാസ് സ്കൂളിലെ രണ്ടാം ക്ലാസ് വിദ്യാർത്ഥിനിയാണ് ജുവൽ . പ്രഗത്ഭ നീന്തൽ പരിശീലകനായ ബീജു തങ്കപ്പനാണ് ജൂവലിന്റെ പരിശീലകൻ.
SPORTS
നാഷണല് ഷിറ്റോറിയു കരാട്ടെ ചാമ്പ്യന്ഷിപ്പ്; വേള്ഡ് ചാമ്പ്യന്ഷിപ്പിലേക്ക് സെലക്ഷന് നേടി അരുണും ഷിന്ജുവും

കോതമംഗലം : കഴിഞ്ഞ ദിവസം മൈസൂരില് നടന്ന ഷിറ്റോറിയു കരാട്ടെ നാഷണല് ലെവല് ചാമ്പ്യന്ഷിപ്പില് കേരളത്തില് നിന്ന് പങ്കെടുത്ത കോതമംഗലം ഷിറ്റോ സ്കൂള് ഓഫ് കരാട്ടെ വിദ്യാര്ഥികള്ക്ക് മികച്ച നേട്ടം. 80 കിലോ വിഭാഗം കുമിത്തേയില് അരുണ് വട്ടക്കുഴി സ്വര്ണവും 55 കിലോ വിഭാഗം കുമിത്തേയില് ഷിന്ജു വര്ഗീസ് വെള്ളിയും നേടി. ഇരുവരും സെപ്തംബറില് ഇന്തോനേഷ്യയില് വെച്ച് നടക്കുന്ന വേള്ഡ് ചാമ്പ്യന്ഷിപ്പിലേക്ക് സെലക്ഷനും നേടി. ഇവര് ഷിറ്റോ സ്കൂള് ഓഫ് കരാട്ടെ കേരളാ കേരള ടെക്നിക്കല് ഡയറക്ടര് ക്യോഷി സാബു ജേക്കബിന് കീഴില് അള്ളുങ്കല്, പരീക്കണ്ണി, പൈങ്ങോട്ടൂര് സെന്ററുകളില് പരീശീലനം നടത്തുന്നവരാണ്.
കോതമംഗലം അള്ളുങ്കല് ചേറാടിയില് വര്ഗീസ്- ശലോമി ദമ്പതികളുടെ മകളായ ഷിന്ജു സിവില് എന്ജിനീയറിംഗ് മൂന്നാം വര്ഷ വിദ്യാര്ഥിനിയാണ്.
ഞാറക്കാട് വട്ടക്കുഴി മാത്യു ജോസഫ്- ലീലാമ്മ മാത്യു ദമ്പതികളുടെ മകനായ അരുണ് തൊടുപുഴ സഹകരണ ബേങ്ക് ജീവനക്കാരനാണ്.
ഫോട്ടോ : മൈസൂരില് നടന്ന ഷിറ്റോറിയു കരാട്ടെ നാഷണല് ലെവല് ചാമ്പ്യന്ഷിപ്പില് പങ്കെടുത്ത കോതമംഗലം ഷിറ്റോ സ്കൂള് ഓഫ് കരാട്ടെ വിദ്യാര്ഥികളായ ഷിന്ജു വര്ഗീസ്, അരുണ് വട്ടക്കുഴി എന്നിവര് കോച്ചും ഷിറ്റോ സ്കൂള് ഓഫ് കരാട്ടെ കേരള ടെക്നിക്കല് ഡയറക്ടറുമായ ക്യോഷി സാബു ജേക്കബിനൊപ്പം.
SPORTS
സംസ്ഥാന ഷിറ്റോറിയു കരാട്ടെ ചാമ്പ്യന്ഷിപ്പ് ഷിറ്റോ സ്കൂള് ഓഫ് കരാട്ടേക്ക് മികച്ച നേട്ടം

കോതമംഗലം : കഴിഞ്ഞ ദിവസം തിരുവനന്തപുരത്ത് നടന്ന ഷിറ്റോറിയു കരാട്ടെ സ്റ്റേറ്റ് ലെവല് ചാമ്പ്യന്ഷിപ്പില് എറണാകുളം ജില്ലയെ പ്രതിനിധീകരിച്ച് പങ്കെടുത്ത ഷിറ്റോ സ്കൂള് ഓഫ് കരാട്ടെ വിദ്യാര്ഥികള്ക്ക് മികച്ച നേട്ടം. 21 വയസിന് മുകളിലുള്ള 55 കിലോ കുമിത്തേ മത്സരത്തില് ഷിന്ജു വര്ഗീസും 68 കിലോ വിഭാഗം കുമിത്തേയില് അരുണ് വട്ടക്കുഴിയും സ്വര്ണവും 75 കിലോ കുമിത്തേയില് അഭിഷേക് വെള്ളിയും 18 നേടി. മൂവരും സെപ്തംബറില് ബാംഗ്ലൂരില് വെച്ച് നടക്കുന്ന നാഷനല് ചാമ്പ്യന്ഷിപ്പിലേക്ക് സെലക്ഷനും നേടി. വയസിന് മുകളിലുള്ള 60 കിലോ വിഭാഗം കുമിത്തേയില് ആസിഫ് അലി വെങ്കലം നേടി. എല്ലാവരും ഷിറ്റോ സ്കൂള് ഓഫ് കരാട്ടെ കേരളാ കേരള ടെക്നിക്കല് ഡയറക്ടര് ക്യോഷി സാബു ജേക്കബിന് കീഴില് അള്ളുങ്കല്, പരീക്കണ്ണി, പൈങ്ങോട്ടൂര് സെന്ററുകളില് പരീശീലനം നടത്തുന്നവരാണ്.
തിരുവനന്തപുരം ജിമ്മി ജോര്ജ് ഇന്ഡോര് സ്റ്റേഡിയത്തില് നടന്ന പരിപാടി ഭക്ഷ്യ വകുപ്പ് മന്ത്രി ശ്രീ ജി ആര് അനില് ഉത്ഘാടനം ചെയ്തു.
ഫോട്ടോ കാപ്ഷന്: തിരുവനന്തപുരത്ത് നടന്ന ഷിറ്റോറിയു കരാട്ടെ സ്റ്റേറ്റ് ലെവല് ചാമ്പ്യന്ഷിപ്പില് എറണാകുളം ജില്ലയെ പ്രതിനിധീകരിച്ച് പങ്കെടുത്ത ഷിറ്റോ സ്കൂള് ഓഫ് കരാട്ടെ വിദ്യാര്ഥികളായ ഷിന്ജു വര്ഗീസ്, അരുണ് വട്ടക്കുഴി, അഭിഷേക്, ആസിഫ് അലി എന്നിവര് കോച്ചും ഷിറ്റോ സ്കൂള് ഓഫ് കരാട്ടെ കേരള ടെക്നിക്കല് ഡയറക്ടറുമായ ക്യോഷി സാബു ജേക്കബിനൊപ്പം
SPORTS
ഖേലോ ഇന്ത്യയിൽ വെന്നി കൊടി പാറിച്ച് എം. എ കോളേജ്

കോതമംഗലം : ഉത്തർപ്രദേശിലെ ലക്നോവിൽ വച്ച് നടന്ന മൂന്നാമത് ഖേലോ ഇന്ത്യ യൂണിവേഴ്സിറ്റി ഗെയിംസിൽ മിന്നും പ്രകടനവുമായി കോതമംഗലം മാർ അത്തനേഷ്യസ് കോളേജ്. മെയ് മാസം 24 ആം തീയതി മുതൽ ജൂൺ മൂന്നാം തീയതി വരെ നീണ്ടുനിന്ന മത്സരത്തിൽ അത്ലറ്റിക്സ് ഇനങ്ങളിൽ സിദ്ധാർത് എ. കെ, ശ്രീകാന്ത് കെ, ആകാശ് എം വർഗീസ്, ആനന്ദ് കൃഷ്ണ കെ എന്നിവർ വ്യക്തിഗത ഇനങ്ങളിൽ സ്വർണ്ണം നേടി. അരുൺജിത്ത്, സ്നേഹ കെ എന്നിവർ 4 x 400 മീറ്റർ മിക്സഡ് റിലേയിൽ വെള്ളിമെഡൽ കരസ്ഥമാക്കി.വനിതാ വിഭാഗം 400 മീറ്റർ വ്യക്തിഗതയിനത്തിൽ സ്നേഹ. കെ.വെങ്കലവും കരസ്ഥമാക്കിയപ്പോൾ, സ്നേഹ അടങ്ങുന്ന എംജി സർവ്വകലാശാല4×400 മീറ്റർ വനിത റിലേ ടീം സ്വർണ്ണവും നേടി . ജൂനിയർ നാഷണൽ ചാമ്പ്യനായ ബിലൻ ജോർജ് 20 കിലോമീറ്റർ നടത്ത മത്സരത്തിൽ വെങ്കലം നേടി. എം.എ കോളേജിന്റെ 10 താരങ്ങൾ അടങ്ങിയ എം.ജി സർവ്വകലാശാല പുരുഷ ഫുട്ബോൾ ടീം വെങ്കലമെഡലും നേടിയതോടെ മെഡൽ പട്ടികയിൽ എം. എ കോളേജിന്റെ 17 താരങ്ങൾ ഇടം പിടിച്ചു.
മഹാത്മാഗാന്ധി സർവ്വകലാശാലയെ പ്രതിനിധീകരിച്ച് 32 താരങ്ങളാണ് കോതമംഗലം എം. എ കോളേജിൽ നിന്നും ഖേലോ ഇന്ത്യ യൂണിവേഴ്സിറ്റി ഗെയിംസിനായി ലക്നോവിൽ കുപ്പായം അണിഞ്ഞത്. കായിക താരങ്ങൾക്കൊപ്പം എം. എ കോളേജിലെ പരിശീലകരായ അത്ലറ്റിക് കോച്ച് ഡോ. ജോർജ് ഇമ്മാനുവൽ, പി പി പോൾ, എം. എ ജോർജ്, അഖിൽ കെ. പി, നീന്തൽ പരിശീലകൻ വേണുഗോപാലൻ നായർ,എം. എ. കോളേജ് കായിക വിഭാഗം മേധാവിയും ഫുട്ബോൾ പരിശീലകനുമായ പ്രൊഫ. ഹാരി ബെന്നി എന്നിവരും എം ജി സർവകലാശാല ടീമിന്റെ ഭാഗമായിരുന്നു.
ചാമ്പ്യൻഷിപ്പിൽ മുൻ വർഷങ്ങളിൽ നിന്നും തിളക്കമാർന്ന പ്രകടനത്തോടെ എം.ജി സർവ്വകലാശാല ഏഴാം സ്ഥാനം കരസ്ഥമാക്കി. വിജയികളെയും പരിശീലകരെയും മാർ അത്തനേഷ്യസ് കോളേജ് അസോസിയേഷൻ സെക്രട്ടറി ഡോ. വിന്നി വറുഗീസ്,പ്രിൻസിപ്പൽ ഡോ. മഞ്ജു കുര്യൻ, എന്നിവർ അഭിനന്ദിച്ചു.
ചിത്രം : ലക്നോവിൽ വച്ചു നടന്ന മൂന്നാമത് ഖേലോ ഇന്ത്യ യൂണിവേഴ്സിറ്റി ഗെയിംസിൽ തിളക്കമാർന്ന പ്രകടനം കാഴ്ചവെച്ച കോതമംഗലം എം. എ. കോളേജ് കായിക താരങ്ങൾ പ്രിൻസിപ്പൽ ഡോ. മഞ്ജു കുര്യൻ, പരിശീലകരായ വേണുഗോപാലൻ നായർ, അഖിൽ കെ. പി, ഡോ.ജോർജ് ഇമ്മാനുവൽ,പ്രൊഫ.ഹാരി ബെന്നി, എം. എ. ജോർജ് എന്നിവരോടൊപ്പം
-
CRIME1 week ago
നിരന്തര കുറ്റവാളിയായ കോതമംഗലം സ്വദേശിയെ കാപ്പ ചുമത്തി നാട് കടത്തി
-
NEWS4 days ago
കോതമംഗലം നഗരത്തിലെ വിവിധ ഹോട്ടലുകളിൽ മിന്നൽ പരിശോധന : പഴകിയ ഭക്ഷണസാധനങ്ങൾ പിടിച്ചെടുത്തു.
-
CRIME1 week ago
കോതമംഗലത്ത് വൻ ചീട്ടുകളി സംഘം പിടിയിൽ
-
NEWS3 days ago
സഞ്ചാര സ്വാതന്ത്ര്യം തടഞ്ഞ് വനം വകുപ്പ് : മാമലക്കണ്ടത്ത് സംഘർഷാവസ്ഥ
-
CRIME10 hours ago
നിരന്തര കുറ്റാവാളിയെ കാപ്പ ചുമത്തി നാട് കടത്തി
-
NEWS1 week ago
എന്റെ കോതമംഗലം എക്സ്പോ-23 ആരംഭിച്ചു
-
NEWS6 days ago
കാട്ടാന ശല്യം ഉണ്ടായ പ്രദേശങ്ങൾ ആന്റണി ജോൺ എം എൽ എ സന്ദർശിച്ചു
-
NEWS4 days ago
ഷീ കൗണ്ടർ പ്രവർത്തനം ആരംഭിച്ചു