കോതമംഗലം രൂപത വൈദികനും കോതമംഗലം മുണ്ടക്കൽ പരേതരായ ആന്റണി മേരി ദമ്പതികളുടെ മകനുമായ ഫാദർ ജോർജ് മുണ്ടക്കൽ (77 )നിര്യാതനായി.അച്ചന്റെ മൃതസംസ്കാര ശുശ്രൂഷ 2024 ഫെബ്രുവരി 02 വെള്ളിയാഴ്ച ഉച്ചകഴിഞ്ഞ് 2 മണിക്ക് കോതമംഗലം സെന്റ് ജോർജ് കത്തീഡ്രൽ ദൈവാലയത്തിൽ വച്ച് നടക്കുന്നതാണ്. മൃതദേഹം ഫെബ്രുവരി 1 വ്യാഴാഴ്ച വൈകുന്നേരം 5.30 മുതൽ കോതമംഗലം രാമല്ലൂർ ലൈബ്രറിപടിയിലുള്ള സഹോദരൻ മുണ്ടയ്ക്കൽ ജോയിയുടെ ഭവനത്തിൽ പൊതുദർശനത്തിന് എത്തിക്കുന്നതാണ്. മൃതസംസ്കാര ശുശ്രൂഷയുടെ ആദ്യഭാഗം ഫെബ്രുവരി 2 വെള്ളിയാഴ്ച രാവിലെ 11 മണിക്ക് മുണ്ടയ്ക്കൽ ജോയിയുടെ ഭവനത്തിൽ ആരംഭിക്കുന്നതുമാണ്. രാവിലെ 11.30 മുതൽ ഉച്ചകഴിഞ്ഞു 2.00 മണി വരെ കത്തീഡ്രൽ ദൈവാലയത്തിൽ പൊതുദർശനത്തിനുള്ള സൗകര്യം ഉണ്ടായിരിക്കും. തുടർന്ന് 2 മണിക്ക് മൃതസംസ്കാര ശുശ്രൂഷയുടെ അവസാന ഭാഗം വിശുദ്ധ കുർബാനയോടെ നടത്തപ്പെടുന്നതാണ്. 1972ൽ പൗരോഹിത്യം സ്വീകരിച്ച ബഹു അച്ചൻ കടവൂർ-പുന്നമറ്റം, തൊടുപുഴ, ഇരട്ടയാർ പള്ളികളുടെ അസ്തേ ന്തിയായും പള്ളിക്കാമുറി, ഇഞ്ചത്തൊട്ടി, മുള്ളരിങ്ങാട്, രാജമുടി, ഈട്ടിത്തോപ്പ്,ജോസ്ഗിരി, ചാലാശ്ശേരി, ചെമ്മണ്ണാർ- ഉടുമ്പഞ്ചോല- പള്ളിക്കുന്ന്, പൂയംകുട്ടി- മണികണ്ഠൻ ചാൽ, പുന്നമറ്റം, ചിലവ്, പൊന്നന്താനം, അരിക്കുഴ, ഏഴല്ലൂർ, തൊമ്മൻകുത്ത്, മാലിപ്പാറ, വണ്ടമറ്റം എന്നീ പള്ളികളിൽ വികാരിയായും ശുശ്രൂഷ ചെയ്തു. 2022 ൽ ഔദ്യോഗിക ശുശ്രൂഷകളിൽ നിന്ന് വിരമിച്ച അച്ചൻ വാഴപ്പള്ളി ശാന്തിനിലയം വൈദിക മന്ദിരത്തിൽ വിശ്രമജീവിതം നയിച്ചു വരികയായിരുന്നു.
റവ സി ഗ്ലാഡിസ് MSJ(എറണാകുളം, CKC Convent), സി വീഡ മ്സ്ജ് (അങ്കമാലി LF Convent), ജോസ് (കോതമംഗലം ), റോസിലി(നെല്ലിമറ്റം) ,ജോയി(ഇംഗ്ലണ്ട്) , ലില്ലി (കോതമംഗലം ), പോൾ (ബാംഗ്ലൂർ),ടെസ്സി (പുലിയൻപാറ) , ലിൻസി (പെരുമ്പല്ലൂർ) എന്നിവർ സഹോദരങ്ങളാണ്.
You May Also Like
NEWS
കോതമംഗലം : കാർഗിലിൽ അതിർത്തി കടന്നെത്തിയ നുഴഞ്ഞുകയറ്റക്കാരെ തുരത്തിയ ഐതിഹാസിക പോരാട്ടത്തിന്റെ 25-ാം വാർഷികദിനം മാർ അത്തനേഷ്യസ് കോളേജിൽ ആചരിച്ചു. കാർഗിൽ വിജയ ദിവസത്തോട് അനുബന്ധിച്ചു എം. എ കോളേജ് എൻ സി...
NEWS
കോതമംഗലം: മുഖ്യമന്ത്രിയുടെ ദുരിതാശ്വാസ നിധിയിൽ നിന്നും കോതമംഗലം മണ്ഡലത്തിൽ ചികിത്സാ ധനസഹായമായി 468 പേർക്കായി 1കോടി 67 ലക്ഷത്തി ആറായിരത്തി അഞ്ഞൂറ് രൂപ അനുവദിച്ചതായി ആന്റണി ജോൺ എം എൽ എ അറിയിച്ചു....
NEWS
പെരുമ്പാവൂർ :സ്ഥലപരിമിതികൊണ്ട് വീർപ്പുമുട്ടുന്ന വേങ്ങൂർ പഞ്ചായത്തിലെ നെടുങ്ങപ്ര ആയുർവേദ ഡിസ്പെൻസറി കിടത്തി ചികിത്സയ്ക്കുള്ള സൗകര്യങ്ങൾ അടക്കം ഏർപ്പെടുത്തി ആധുനികവൽക്കരിക്കുമെന്ന് എൽദോസ് കുന്നപ്പിള്ളിൽ എംഎൽഎ പറഞ്ഞു . സമീപത്തായി പ്രവർത്തിച്ചിരുന്ന ഗവൺമെൻറ് ഐടിഐ കെട്ടിടം...
NEWS
കോതമംഗലം: ലയൺസ് ക്ലബ്ബ് ഇന്റർനാഷണൽ മുൻ പ്രസിഡന്റും എൽ സി ഐ എഫ് ചെയർമാനുമായ ഡോ പാട്ടി ഹിൽ കോതമംഗലം ലയൺസ് ക്ലബ്ബ് നിർമ്മിച്ചു നൽകിയ ലയൺസ് ഗ്രാമം വീടുകൾ സന്ദർശിച്ചു. നഗരസഭയിലെ...