കോതമംഗലം : കേരള വ്യാപാരി വ്യവസായി ഏകോപന സമിതി കോതമംഗലം നിയോജക മണ്ഡലത്തിലെ കോതമംഗലം ടൗൺ യൂണിറ്റ് വാർഷിക പൊതുയോഗവും ഭാരവാഹി തിരഞ്ഞെടുപ്പും നടത്തി. കോതമംഗലം വ്യാപാരഭവനിൽ നടന്ന പൊതുയോഗം ജില്ലാ ട്രഷറർ സി. സ് അജ്മൽ ഉത്‌ഘാടനം ചെയ്തു, യൂണിറ്റ് പ്രസിഡന്റ് എൽദോസ് വർഗീസ് അദ്ധ്യക്ഷത വഹിച്ചു. ജില്ലാ വൈസ് പ്രസിഡന്റ് ഇ.എം ജോണി, കോതമംഗലം നിയോജക മണ്ഡലം പ്രസിഡന്റ് ഇ. കെ സേവ്യർ, സെക്രട്ടറി റെന്നി വർഗീസ്, ട്രഷറർ അനിൽ ഞാലുമഠം, പോത്താനിക്കാ ട് പഞ്ചായത്ത് പ്രസിഡൻ്റും വരണാധികാരിയുമായിരുന്ന ജോസ് വർഗീസ്, യുണിറ്റ് വർക്കിംഗ് പ്രസിഡൻ്റും കീരംപാറ പഞ്ചായത്ത് പ്രസിഡൻ്റുമായ മാമച്ചൻ ജോസഫ്, മുനിസിപ്പൽ പ്രതിപക്ഷ നേതാവ് എ.ജി ജോർജ്, യൂത്ത് വിങ് പ്രസിഡന്റ് റെജി മനുവൽ തുടങ്ങിയവർ സംസാരിച്ചു.
ചടങ്ങിൽ വ്യാപാരികളുടെ മക്കളിൽ SSLC & +2 വിൽ മികച്ച വിജയം നേടിയ കുട്ടികളെ അനുമോദിച്ചു
പുതിയ യൂണിറ്റ് പ്രസിഡൻ്റായി എം ബി നൗഷാദിനെയും ജനറൽ സെക്രട്ടറി യായി ഷിന്റോ ഏലിയാസിനെയും ട്രഷറർ ആയി കെ കെ വിശ്വനാഥനെയും തിരഞ്ഞെടുത്തു. ചടങ്ങിൽ യൂണിറ്റ് സെക്രട്ടറി മൈതീൻ ഇഞ്ചകുടി സ്വാഗതവും, വനിതാ വിങ് പ്രസിഡന്റ് ആശ ലില്ലി തോമസ് കൃതജ്ഞതയും രേഖപെടുത്തി.
