കോതമംഗലം:കേരള സ്കൂൾ ഒളിമ്പിക്സ് ന്റെ ഭാഗമായി കോതമംഗലം എം എം കോളേജിൽ നടന്ന നീന്തൽ മത്സരം സമാപിച്ചു. സമാപന സമ്മേളനവും സമ്മാനദാനവും കോതമംഗലം എം എൽ എ ആന്റണി ജോൺ നിർവഹിച്ചു. കോതമംഗലം മുൻസിപ്പൽ ചെയർമാൻ കെ.കെ ടോമി അദ്ധ്യക്ഷത വഹിച്ചു. വ്യക്തിഗത ചാമ്പ്യൻമാർക്കുള്ളസമ്മാനദാനം വൈസ് ചെയർ പേഴ്സൺ സിന്ധു ഗണേശൻ വികസന കാര്യ സ്റ്റാന്റിംഗ് കമ്മറ്റി ചെയർമാൻ കെ.എനൗഷാദ്, ആരോഗ്യകാര്യ സ്റ്റാന്റിംഗ് കമ്മിറ്റി ചെയർമാൻ കെ.വി തോമസ്, പൊതു മറാത്ത് ക്ഷേമകാര്യം ചെയർ പേഴ്സൺ ബിൻസി തങ്കചൻ , കൗൺസിലർമാരായ പി.ആർ ഉണ്ണികൃഷ്ണൻ , ശ്രീമതി.ലിസി എന്നിവർ നിർവഹിച്ചു. വിവിധ സബ് കമ്മി കൺവീനർമാർ, സംഘാടക സമിതി അംഗങ്ങൾ എന്നിവർ ആശംസകൾ അർപ്പിച്ചു സംസാരിച്ചു. നീന്തൽ മത്സരത്തിൽ ഓവറോൾ ചാമ്പ്യൻഷിപ്പ് 654 പോയിന്റ് നേടി തിരുവനന്തപുരം ജില്ല കരസ്ഥമാക്കി. രണ്ടാ സ്ഥാനം 162 പോയിന്റ് നേടി എറണാകുളം ജില്ലയും മൂന്നാം സ്ഥാനം 90 പോയിന്റ് നേടി കോട്ടയം ജില്ലയും കരസ്ഥമാക്കി.
